બૉલીવુડ ઇન્ડસ્ટ્રીમાં એવા ઘણા કપલ્સ છે જે પહેલી નજરમાં જ એકબીજાને એમનું દિલ આપી બેઠા હતા. પણ અમુક એવી જોડીઓ પણ હોય છે જેમના સંબંધની શરૂઆત રિજેક્શન સાથે થઈ હતી. બૉલીવુડ ઇન્ડસ્ટ્રીમાં પાવર કપલ અજય દેવગન અને કાજોલ પણ આ લિસ્ટમાં સામેલ છે. કાજોલ અને અજય દેવગને એકબીજાને પહેલા લાંબા સમય સુધી ડેટ કર્યા હતા અને પછી ગુપચુપ રીતે વર્ષ 1999માં લગ્ન કરી લીધા હતા.
બન્ને એકબીજાથી ખૂબ જ અલગ છે. જ્યાં અજય દેવગન ફિલ્મી દુનિયામાં એમના શાંત વ્યવહાર અને ઓછું બોલવા માટે જાણીતો છે. તો બીજી બાજુ કાજોલ એકદમ બિન્દાસ વ્યક્તિ છે. એમનો ચુલબુલો અંદાજ ફેન્સ જ નહીં પણ સેલિબ્રિટીઝ પણ પસન્દ કરે છે. એટલું જ નહીં કાજોલને વાતો કરવાનો પણ ખૂબ જ શોખ છે. અલગ અલગ પર્સનાલિટી હોવા છતાં પણ કાજોલ અને અજય દેવગન એક ખુશહાલ જિંદગી વિતાવી રહ્યા છે પણ એક સમય એવો પણ હતો જ્યારે અજયને કાજોલને મળવું પસંદ નહોતું. આ વિશે ખુદ અજયે એક ઇન્ટરવ્યૂમાં જણાવ્યું હતું.
અજય દેવગને આપેલા એક ઇન્ટરવ્યૂમાં એમને જણાવ્યું હતું કે એ જ્યારે પહેલીવાર કાજોલને મળ્યા હતા ત્યારે એ વધુ પસંદ નહોતી આવી, એ કારણે અજય ક્યારેય કાજોલને ફરી મળવા નહોતા માંગતા. એનું કારણ પણ અજયે આ ઇન્ટરવ્યૂમાં જણાવ્યું હતું.
અજય દેવગને કાજોલ સાથેની પહેલી મુલાકાત યાદ કરતા કહ્યું હતું કે હું કાજોલને પહેલીવાર ફિલ્મ હલચલની શૂટિંગ દરમિયાન મળ્યો હતો. પણ સાચું કહું તો હું એ પછી કાજોલને ક્યારેય મળવા નહોતો માંગતો.એનું કારણ એ છે કે જો તમવા કાજોલને પહેલી વાર મળશે તો એમનો તેજ અવાજ, અભિમાન અને બહુ જ વધારે વાતચીત કરવી એમની પર્સનાલિટીને દર્શાવતું લાગશે. જો કે પછી મને કાજોલનો નેચર ખ્યાલ આવવા લાગ્યો અને મને લાગે છે કે જે થવાનું લખ્યું હોય છે એ થાય જ છે.
અજય દેવગને એ પણ જણાવ્યું હતું કે એ બન્નેની વચ્ચે ક્યારેય પણ ઓફિશિયલ રીતે પ્રપોઝલ નથી થયું. બન્ને એમના સંબંધને લઈને કોઈ ઉતાવળ નહોતા કરવા માંગતા. એ જ કારણે બન્નેમાંથી કોઈએ એકબીજાને આઈ લવ યુ નહોતું કહ્યું.
અજય દેવગન અને કાજોલે ખૂબ જ સિક્રેટ રીતે લગ્ન કર્યા હતા. એના પર એમને કહ્યું હતું કે સમયની સાથે બન્નેનો પ્રેમ વધતો ગયો પણ અમે જ્યાં સુધી સ્યોર ન થઈ ગયા ત્યાં સુધી અમે બન્નેએ લગ્ન કરવાનો નિર્ણય નહોતો કર્યો. અજય એમના સફળ લગ્નનું બધું જ ક્રેડિટ કાજોલને આપે છે.