અરબાઝ ખાનથી અલગ થયા બાદ મલાઈકા અરોરાએ અર્જુન કપૂર સાથેના સંબંધોને સાર્વજનિક કર્યા હતા. અર્જુન કપૂર અને મલાઈકા અરોરા અવારનવાર એક યા બીજા કારણોસર હેડલાઈન્સમાં રહે છે. થોડા દિવસો પહેલા તેમના ઝઘડાના સમાચાર સામે આવ્યા હતા. પરંતુ તેની તસવીરો દ્વારા તેણે તેના ચાહકોને કહ્યું કે બંને વચ્ચે બધુ બરાબર છે. હાલમાં, કપલ તેમની રજાઓ માલદીવમાં વિતાવી રહ્યું છે, જેની ઘણી તસવીરો મલાઈકા અને અર્જુને તેમના સોશિયલ મીડિયા એકાઉન્ટ્સ પર પોસ્ટ કરી છે.
અર્જુન કપૂરે તાજેતરમાં મલાઈકા સાથેના વેકેશનનો એક વીડિયો શેર કર્યો છે. આ વીડિયોમાં અર્જુન અને મલાઈકા પૂલમાં મસ્તી કરતા જોવા મળે છે. જો તમે વીડિયોને ધ્યાનથી જોશો તો મલાઈકા અને અર્જુન પૂલમાં સાઈકલ ચલાવતા જોવા મળે છે. આ સાયકલનો ઉપયોગ જીમમાં કસરત કરવા માટે થાય છે. વીડિયોમાં મલાઈકા અર્જુનને સૂચના આપતી જોવા મળી રહી છે.
આ વીડિયોને પોતાના સોશિયલ મીડિયા એકાઉન્ટ પર શેર કરતા અર્જુન કપૂરે કેપ્શનમાં લખ્યું, ‘જ્યારે તમારી ગર્લફ્રેન્ડ તમારા ટ્રેનર કરતાં વધુ મુશ્કેલ ટાસ્ક માસ્ટર હોય છે. હું વેકેશનમાં પણ વર્કઆઉટ કરું છું અને તેનો તમામ શ્રેય મલાઈકા અરોરાને જાય છે. આ સાથે અર્જુને આ પોસ્ટમાં તેના ટ્રેનરને પણ ટેગ કર્યા છે.
અર્જુને મલાઈકાને માર્યો ધક્કો
અર્જુન કપૂરે એક્સરસાઇઝ પૂરી કર્યા બાદ મલાઈકા અરોરાને પૂલમાં ધક્કો માર્યો હતો. આ દરમિયાન બંને ખૂબ જ મસ્તી કરતા જોવા મળ્યા હતા. આ વીડિયો પર ઘણા સ્ટાર્સે પોતાની પ્રતિક્રિયા આપી છે. બંનેનો આ વીડિયો ફેન્સને પણ ઘણો પસંદ આવી રહ્યો છે. એક યુઝરે કોમેન્ટ કરીને લખ્યું, ‘તમે બંને એકસાથે ખૂબ જ સુંદર લાગો છે, જ્યારે અન્ય એક ફેને તો આ બંનેને લગ્ન કરવાની સલાહ પણ આપી હતી.
લાંબા સમયથી એકબીજાને કરી રહ્યા છે ડેટ
મલાઈકા અરોરા અને અર્જુન કપૂર લાંબા સમયથી એકબીજાને ડેટ કરી રહ્યાં છે. સોશિયલ મીડિયા પર પણ બંને પાર્ટી કરતી વખતે ઘણીવાર તસવીરો શેર કરતા હોય છે. આ બંને વચ્ચેનો સંબંધ ઘણો જૂનો છે, જો કે અરબાઝ ખાનથી છૂટાછેડા બાદ મલાઈકાએ તેના જન્મદિવસ પર એક તસવીર શેર કરીને અર્જુન પ્રત્યે પોતાનો પ્રેમ વ્યક્ત કર્યો હતો અને દુનિયાની સામે ખુલ્લેઆમ પોતાના પ્રેમ વિશે જણાવ્યું હતું
વેકેશનનો વિડીયો કર્યો શેર
મલાઈકા માલદીવમાં હોલિડે એન્જોય કરી રહી છે. હાલમાં જ તેણે સાઇકલ ચલાવતી વખતે તેનો વીડિયો સોશિયલ મીડિયા પર શેર કર્યો હતો. આ વીડિયો અર્જુન કપૂરે જ બનાવ્યો છે. આ સાથે મલાઈકા પણ હોટ તસવીરો શેર કરતી જોવા મળી હતી. સાથે જ અર્જુન કપૂરે પણ ઈન્સ્ટાગ્રામ સ્ટોરી પર ઘણી તસવીરો શેર કરી છે. જ્યાં તે વચમાં બેઠેલો જોવા મળ્યો હતો. બંનેની તસવીરો જોઈને સરળતાથી અંદાજ લગાવી શકાય છે કે બંને એકસાથે વેકેશન સેલિબ્રેટ કરી રહ્યાં છે.