બોલિવૂડ અભિનેત્રી મંદિરા બેદી માટે છેલ્લા કેટલાક મહિના ખૂબ જ મુશ્કેલ રહ્યા છે. અભિનેત્રીએ જૂન 2021 માં તેના પતિ રાજ કૌશલને કાયમ માટે ગુમાવી દીધા. તેના પતિના મૃત્યુ બાદ મંદિરા એકલા તેના બે બાળકોની સંભાળ રાખી રહી છે. એટલું જ નહીં, અભિનેત્રી આટલા મોટા દુખમાંથી બહાર આવી અને થોડા દિવસો પછી કામ પર પરત આવી હતી, ત્યારબાદ ચાહકોએ અભિનેત્રીની ખૂબ જ પ્રશંસા કરી. તો હવે મંદિરા ધ લવ લાઇફ શોની ત્રીજી સીઝનમાં જોવા મળી છે. મંદિરા બેદીએ એમના પતિ રાજ કૌશલના નિધનના ચાર મહિના પછી એક ઇન્ટરવ્યૂ આપ્યું છે જેમાં એમને એમના બાળકોને એમની તાકાત કહ્યા છે.
વાત જાણે એમ છે કે મંદિરા બેદીએ એક ન્યૂઝ એજન્સીને ઈન્ટરવ્યૂ આપ્યું હતું જેમાં તેણે કહ્યું હતું કે, તે કેવી રીતે રાજ કૌશલ વગર પોતાનું જીવન આગળ ધપાવી રહી છે. એટલું જ નહીં, તેણે એમ પણ કહ્યું કે તે તેના બાળકોની માતા સાથે પિતા પણ બની રહી છે. મંદિરાએ કહ્યું કે, મારા માટે, મારા બાળકો મારી પ્રેરણા છે. મને મારા બાળકો પાસેથી સખત મહેનત કરવા, મારી જાતને સારી સ્થિતિમાં રાખવા અને આગળ વધવા માટે પ્રેરણા મળે છે. હું તેમના માટે જ બધું કરી રહી છું. હું મારા બાળકો માટે જીવંત છું. એ જ મારી તાકાત છે.
આગળ, મંદિરા બેદીએ કહ્યું કે, મારા બાળકો મારા જીવનમાં આગળ વધવા અને વધુ સારા બનવાનું સૌથી મોટું કારણ છે. હું માત્ર તેમના માટે હિંમત એકઠી કરી શકી છું. એ જ મારી તાકાત છે. હું મારા બાળકો માટે જ કમાઉ છું. હું તેના માટે સારી માતા અને પિતા બંને બની ગઇ છું.
આગળ મંદિરા બેદીએ કહ્યું કે, મારી કારકિર્દી હંમેશા પડકારોથી ભરેલી રહી છે. મારા જીવનમાં ઘણા પ્રસંગો આવ્યા છે જ્યારે મારી કારકિર્દી નીચે જઈ રહી હતી. પરંતુ લોકો પાસે યાદ રાખવાની એટલી શક્તિ નથી. તે સાચું છે કે તમે હંમેશા તમારા છેલ્લા કામ માટે જાણીતા છો. ભગવાનનો આભાર, મેં ખૂબ સારા પ્રોટેક્સ કર્યા છે. જ્યારે પણ તમે સફળ થાવ છો, ત્યારે તેનો અનુભવ અદભૂત હોય છે. જ્યારે તમે નિષ્ફળતાના સમયમાં જીવી રહ્યા છો. પછી જીવન પ્રત્યેનો તમારો અભિગમ પણ તમારી વિચારસરણીમાં ફેરફાર કરે છે.
મંદિરા બેદી ઇન્ડસ્ટ્રીમાં એક મજબૂત અભિનેત્રી તરીકે ઓળખાય છે. 49 વર્ષીય મંદિરાએ ટીવી સિરિયલ અને ફિલ્મોમાં કામ કર્યું છે. એટલું જ નહીં, મંદિરાએ વર્ષ 2003 અને 2007 માં ક્રિકેટ વર્લ્ડ કપને હોસ્ટ પણ કર્યું હતું. તે 2004 અને 2006 માં ચેમ્પિયન્સ ટ્રોફીની હોસ્ટ બની હતી