આ કારણે અનુપમ ખેરના હાથમાંથી નીકળી ગઈ હતી મિસ્ટર ઇન્ડિયા ફિલ્મ, અમરીશ પુરીને મળ્યો હતો મોગેમ્બોનો રોલ

વર્ષ 1987માં આવેલી ફિલ્મ મિસ્ટર ઈન્ડિયા તેના સમયની સુપરહિટ ફિલ્મ હતી. આ ફિલ્મ શેખર કપૂરે ડિરેક્ટ કરી હતી. આ ફિલ્મ સલીમ-જાવેદે લખી હતી. ‘મિસ્ટર ઈન્ડિયા’ જેવી ફિલ્મ હિન્દી સિનેમામાં ફરીથી બનાવવી મુશ્કેલ છે. આ ફિલ્મનો હીરો તો હીરો વિલન પણ આઇકોનિક રહ્યો. ફિલ્મમાં મોગેમ્બોનો રોલ કરનાર અમરીશ પુરીનો ડાયલોગ ‘મોગેમ્બો ખુશ હુઆ’ આજે પણ દર્શકોની જીભ પર છે. પરંતુ, એ પણ હકીકત છે કે જો અમરીશ પુરીએ આ ફિલ્મમાં મોગેમ્બોનો રોલ ન ભજવ્યો હોત તો અનુપમ ખેરે આ ફિલ્મમાં આ પાત્ર ભજવ્યું હોત.

અનિલ કપૂર અને શ્રીદેવી સ્ટારર ફિલ્મ મિસ્ટર ઈન્ડિયા બોક્સ ઓફિસ પર બ્લોકબસ્ટર સાબિત થઈ હતી. ફિલ્મ ‘મોગેમ્બો’નું પાત્ર સૌથી ફેમસ થયું હતું. આ પાત્ર અભિનેતા અમરીશ પુરીએ ભજવ્યું હતું.

પરંતુ, અમરીશ પુરી પહેલા આ પાત્ર અભિનેતા અનુપમ ખેરને આપવામાં આવ્યું હતું. જો કે બાદમાં તેને ફિલ્મમાંથી કાઢી મૂકવામાં આવ્યા હતા. આ વાતનો ખુલાસો ખુદ અનુપમ ખેરે કર્યો હતો.

અનુપમ ખેરે પોતાના એક ઈન્ટરવ્યુમાં જણાવ્યું હતું કે આ પાત્ર તેમને પહેલા ઓફર કરવામાં આવ્યું હતું. તેણે કહ્યું કે પહેલા તેને મોગેમ્બોની ભૂમિકા ઓફર કરવામાં આવી હતી, પરંતુ થોડા મહિનાઓ પછી, તેની જગ્યાએ આ ભૂમિકા માટે અમરીશ પુરીને લેવામાં આવ્યા

અનુપમ ખેરે આગળ કહ્યું કે શરૂઆતમાં તેને થોડું વિચિત્ર લાગ્યું. પરંતુ જ્યારે તેણે મિસ્ટર ઈન્ડિયા ફિલ્મમાં અમરીશ પુરીને મોગેમ્બોના રોલમાં જોયો ત્યારે તે સમજી ગયો કે આ રોલ માટે અમરીશ પુરી વધુ સારી પસંદગી હતા. આ ફિલ્મની રીમેક અન્ય ભાષાઓમાં પણ બનાવવામાં આવી હતી. તમને જણાવી દઈએ કે આ ફિલ્મનું મોગેમ્બોનું પાત્ર ઓસ્કાર નોમિનેટેડ હોલીવુડ ફિલ્મ ‘મોગેમ્બો’માંથી લેવામાં આવ્યું હતું. તેનો એક અર્થ સૌથી મહાન પણ થાય છે. એવું પણ કહેવાય છે કે મોગેમ્બોની હેરસ્ટાઈલ પાકિસ્તાનના પૂર્વ રાષ્ટ્રપતિ ઝિયાઉલ હકથી પ્રેરિત હતી. મીડિયા રિપોર્ટ્સનું માનીએ તો આ વાતનો ખુલાસો ફિલ્મના સ્ક્રીન રાઈટર્સના એક ઇન્ટરવ્યૂમાં કર્યો હતો.

તમને જણાવી દઈએ કે મિસ્ટર ઇન્ડિયા 1987ની સૌથી મોટી હિટ ફિલ્મોમાંથી એક હતી. એ દિવસોમાં આ ફિલ્મે ધમાલ મચાવી દીધી હતી. ફિલ્મના ગીતોથી માંડીને ડાયલોગ સુધી બધું જ લોકોને ખૂબ જ પસંદ આવ્યું હતું.