અભિનેત્રી મૌની રોય અને સૂરજ નામ્બિયારના લગ્નમાં બહુ ઓછા દિવસો બાકી છે. મૌની અને સૂરજ નામ્બિયારના લગ્નમાં માત્ર સાત દિવસ બાકી છે. આ લગ્ન સૌનું ધ્યાન ખેંચી રહ્યા છે. નોંધપાત્ર વાત એ છે કે, મૌની અને સૂરજના લગ્ન ગોવાની આલીશાન ડબલ્યુ હોટેલમાં થવા જઈ રહ્યા છે. સામંથા રૂ પ્રભુ અને નાગા ચૈતન્યના લગ્ન પણ આ હોટલમાં થયા હતા. જોકે હવે બંને અલગ થઈ ગયા છે.
આ હોટલમાં નાગા અને સામંથાના લગ્ન 2017માં થયા હતા. લગ્ન પહેલા મુંબઈમાં સંગીતનું રિહર્સલ શરૂ થઈ ગયું છે. આ લગ્નમાં આશકા ગોરાડિયા, મીટ બ્રધર્સ, ડિઝાઇનર અનુરાધા ખુરાના અને કોરિયોગ્રાફર રાહુલ અને પ્રતિક હાજરી આપશે. એવું પણ કહેવામાં આવી રહ્યું છે કે મૌની રોય અને સૂરજ નામ્બિયાર લગ્ન પછી કૂચ બિહારમાં રિસેપ્શનનું આયોજન કરશે. મૌની અને સૂરજ પહેલી વાર વર્ષ 2019માં ન્યૂ યર પાર્ટીમાં મળ્યા હતા. પાર્ટી દુબઈના એક નાઈટ ક્લબમાં હતી, જ્યાં બંનેની મુલાકાત થઈ હતી.એવું કહેવાય છે કે પ્રથમ મુલાકાત પછી, મૌની રોય તરત જ નામ્બિયાર પરિવાર દ્વારા પસંદ કરવામાં આવી હતી. મૌનીનું સૂરજની માતા રેણુકા નામ્બિયાર અને પિતા રાજા નામ્બિયાર સાથે સારું બોન્ડિંગ હોવાનું કહેવાય છે.
મૌની રોય અને સૂરજ નામ્બિયાર 27 જાન્યુઆરીએ લગ્નના બંધનમાં બંધાશે. મીડિયા રિપોર્ટ્સ અનુસાર, પ્રી-વેડિંગ ફંક્શન 23 જાન્યુઆરીથી 27 જાન્યુઆરી સુધી ચાલશે. એવું પણ કહેવામાં આવી રહ્યું છે કે લગ્નની તૈયારીઓ જોરશોરથી ચાલી રહી છે. બંનેના લગ્નમાં ઈન્ડસ્ટ્રીના ઘણા મહેમાનો હાજરી આપશે. જો કે, ગેસ્ટ લિસ્ટની માહિતી હજુ સુધી જાહેર કરવામાં આવી નથી.
તમને જણાવી દઈએ કે મૌનીએ પોતાના કરિયરની શરૂઆત ‘ક્યૂંકી સાસ ભી કભી બહુ થી’થી કરી હતી. તે પછી તેને ‘કસ્તુરી’, ‘દેવોં કે દેવ મહાદેવ’, ‘નાગિન’, ‘નાગિન 2’, ‘ટશન-એ-ઇશ્ક’, ‘જુનૂન’, ‘ઐસી નફરત તો કૈસા ઇશ્ક’, ‘ક્રિષ્ના ચલી લંડન’, ‘ઝલક દિખલા જા 9’, ‘એક થા રાજા એક થી રાની’માં જોવા મળી હતી. જો કે, કલર્સ ટીવીની સીરિયલ ‘નાગિન’માં અભિનેત્રીને ખૂબ પસંદ કરવામાં આવી હતી.
મૌની રાયના વર્ક ફ્રન્ટની વાત કરીએ તો અભિનેત્રી અયાન મુખર્જીની આગામી ફિલ્મ ‘બ્રહ્માસ્ત્ર’માં જોવા મળશે. આ ફિલ્મમાં મૌની રણબીર કપૂર અને આલિયા ભટ્ટ સાથે સ્ક્રીન શેર કરતી જોવા મળશે. આ પહેલા તે કરણ દેઓલ સાથે ફિલ્મ ‘વેલા’માં જોવા મળી હતી.