બોલિવૂડના કિંગ ખાન શાહરુખ જલદી જ પરદા પર ધમાલ માચાવવા જઈ રહ્યા છે. પરદા પર છેલ્લે શાહરુખ 2018માં ઝીરો ફિલ્મમાં જોવા મળ્યા હતા. હવે તેઓ જલદી જ સિલ્વર સ્ક્રીન પર પઠાન ફિલ્મમાં પઠાન બનતા જોવા મળશે. શાહ રુખ ખાને જ્યાં એક બાજું પોતાની આવનારી ફિલ્મનું શૂટિંગ શરૂ કરી દીધું છે ત્યાં બીજી બાજુ તેમના ફેન્સનો ઉત્સાહ પણ વધી રહ્યો છે. મુંબઈમાં સોમવારે શાહરુખ
ખાનને એક પ્રોડક્શન હાઉસના સ્ટૂડિયો બહાર જોવામાં આવ્યા હતા. તેમનો લૂક ઘણો આકર્ષક હતો. તેમા વાળ વધેલા હતા અને તેમનો અંદાજ વાસ્તવમાં કોઈ કિંગ જેવો જ છે.
ફિલ્મમાં દીપિકા પાદુકોણ પણ કરશે એક્શન સિક્વેંસ
મુંબઈ મિરરના એક અહેવાલ પ્રમાણે, પઠાણ એક હાઇ ઓક્ટેન એક્શન મૂવી હશે. ફિલ્મમાં દીપિકા પાદુકોણના ભાગમાં પણ ઢગલાબંધ એક્શન સિક્વંસ હશે. આ ફિલ્મ એક જાસૂસની વાર્તા છે. ફિલ્મની વાર્તાના કેન્દ્રમાં ભલે શાહરુખ ખાન અને તેમનું પાત્ર હશે, પણ દીપિકા મિશન પર શાહરુખ ખાનનો સાથ આપશે.
દીપિકાએ હજુ સુધી શૂટિંગ શરું કર્યું કે નહીં તે વિષે હજુ કોઈ જ જાણકારી નથી મળી. પણ 30મી નવેમ્બરે દીપિકાએ બેલાટ્રિક્સ એરોસ્પેસને નેશનલ અવોર્ડ જીતવા માટે અભિનંદન પાઠવ્યા હતા. દીપિકાએ તેમાં રોકાણ કર્યું છે. આ એક ઇન્ડિયન સ્પેસ ટેક સ્ટાર્ટઅપ છે. અને તાજેતરમાં જ આ સ્ટાર્ટઅપ એ નેશનલ અવોર્ડ જીત્યો છે.
ટાઇગર અને ઝોયા એટલે કે સલમાન-કેટરીના કરશે કેમિયો
જો કે કહેવામાં આવી રહ્યું છે કે આ મિશન પર શાહરુખને ઝોયા અને ટાઇગર પણ જોઈન કરશે. એટલે કે સલમાન ખાન અને કેટરીની કૈફ પણ ટાઇગર ફ્રેન્ચાઇઝીના પાત્રમાં આ ફિલ્મમાં કેમિયો કરશે. કોરોના સંક્રમણને જોતાં મુંબઈમાં જ આ ફિલ્મનું શૂટિંગ કરવામાં આવશે. તેના માટે સ્ટૂડિયો તૈયાર કરવામા આવ્યો છે. કેહવાય છે કે પઠાનમાં જૉન અબ્રાહમ વિલનનું પાત્ર ભજવશે.
SHAH RUKH KHAN IS BACK!!! Cant wait for #Pathan!!! pic.twitter.com/JMFTNGodAe
— Mahir (@mahir_khiladi) November 18, 2020
છેલ્લા કેટલાક દિવસોથી ફિલ્મ પઠાનનું શૂટિંગ શરૂ થઈ ગયું છે અને થોડા દિવસો પહેલાં શાહરુખનો પઠાન ફિલ્મનો લૂક પણ વાયરલ થયો હતો.
Wuhuu super news for every SRKian and the love get be stronger then before 😍❤
Aa Raha Hoon Palat Ke Main Hoon @iamsrk #Pathan
We love you 😘😘😘 pic.twitter.com/EkRDAYDW1L— SRK_Daniela ❤ (@SRKianDaniela) November 19, 2020
શાહરુખ ખાન આઇપીએલની સમાપ્તી બાદ દુબઈથી મુંબઈ આવી ગયા હતા અને ત્યાર બાદ તેમણે પોતાની આવનારી ફિલ્મનું શૂટિંગ શરૂ કરી દીધું હતું. તેઓ યશરાજ ફિલ્મ સ્ટુડિયોમાં જોવામ મળ્યા હતા. આ દરમિયાન બાદશાહ લાંબા વાળ અને ફ્રેન્ચ દાઢીમાં અલગ અંદાજમાં જોવા મળ્યા હતા. શાહરુખ ખાનની આ તસ્વીર સોશયિલ મિડિયા પર જોત જોતામાં વાયરલ થઈ ગઈ હતી. તેવામાં
માનવામાં આવી રહ્યું હતું કે શાહરુખ ખાનને પોતાની નવી ફિલ્મ પઠાન પર કામ શરૂ કરી દીધું છે. આ ફિલ્મને લઈ ફેન્સ પહેલેથી જ ઘણા ઉત્સાહિત છે.
છેલ્લે શાહરુખ ખાન ફિલ્મ ઝિરોમાં કેટરીના કૈફ અને અનુષ્કા શર્મા સાથે જોવા મળ્યા હતા. આ ફિલ્મ 2018માં રિલિઝ થઈ હતી. ત્યાર બાદ શાહરુખે લાંબો બ્રેક લીધો હતો અને પોતાના સૌથી નાના દીકરા અબરામ સાથે સમય પસાર કર્યો હતો. પણ હવે શાહરુખે ફિલ્મનું શૂટિંગ શરૂ કરી દીધું છે. ફિલ્મ પઠાનનું દિગદર્શન વોર ફિલ્મ બનાવનાર સિદ્ધાર્થ આનંદ કરી રહ્યા છે. આ એક ભવ્ય એક્શન ફિલ્મ હશે. તેવું જણાઈ રહ્યું છે.
અમારી દરેક પોસ્ટ સૌથી પહેલા વાંચવા નીચેની પ્રોસેસ ફક્ત એકજ વાર કરવાની રહેશે.
વધુ રસપ્રદ માહિતી અને નવી પોસ્ટ વાંચવા માટે ડાબી તરફ સ્વાઇપ કરો.
નોંધ – દરેક ફોટો પ્રતીકાત્મક છે (ફોટો સોર્સ : ગુગલ)
આ વેબસાઈટ પર આપેલી તમામ ન્યુઝ અને વાતો રિપોર્ટરે રિપોર્ટ કરેલા છે અથવા તો કોઈક સોર્સ ઉપરથી લેવામાં આવેલા છે કે જે દરેક લેખના અંતમાં આપેલો જ હોય છે. અમારો પ્રયત્ન તમને શ્રેષ્ઠ માહિતી સતત પહોંચાડવાનો છે અને રહેશે. આ ન્યુઝ તથા અન્ય વાતોની જવાબદારી જે-તે લેખક (રિપોર્ટર) તથા સોર્સની રહેશે ન્યુઝ ગુજરાત વેબસાઈટ કે પેજની રહેશે નહીં.
આપણું પેજ “ન્યુઝ ગુજરાત” માણતા રહો અને શેર કરતા રહો!
આપના સહકારની આશા સહ,
ટીમ ન્યુઝ ગુજરાત