દુનિયાના સૌથી ધનવાન લોકોના લિસ્ટમાં મુકેશ અંબાણીનું નામ ચમકયું, જોઈ લો કોણ કોણ છે સામેલ

એશિયાના સૌથી ધનિક વ્યક્તિ મુકેશ અંબાણીએ એક નવું મુકામ પ્રાપ્ત કર્યું છે. રિલાયન્સ ઇન્ડસ્ટ્રીઝ લિમિટેડ (RIL) ના માલિક મુકેશ અંબાણી ટેસ્લાના ચીફ એક્ઝિક્યુટિવ ઓફિસર (CEO) એલોન મસ્ક અને એમેઝોનના સ્થાપક જેફ બેઝોસ સાથે 100 અબજ ડોલરની ક્લબમાં જોડાયા છે. શુક્રવારે રિલાયન્સના શેરમાં વધારો થયા બાદ આ શક્ય બન્યું છે

બ્લૂમબર્ગ બિલિયોનેર્સ ઈન્ડેક્સ મુજબ મુકેશ અંબાણી આ યાદીમાં 11 મા સ્થાને છે. આ વર્ષે મુકેશ અંબાણીની સંપત્તિમાં 23.8 અબજ ડોલરનો વધારો થયો છે. તાજેતરના આંકડા મુજબ, હવે તેની નેટવર્થ વધીને $ 100.6 અબજ થઈ ગઈ છે. તાજેતરમાં ફોર્બ્સે ભારતના સૌથી ધનિક લોકોની યાદી બહાર પાડી છે. 2021 માં રિલાયન્સના માલિક મુકેશ અંબાણી સતત 14 માં વર્ષે ભારતના સૌથી ધનિક વ્યક્તિ રહ્યા. તેઓ વર્ષ 2008 થી આ મુકામ પર છે

શુક્રવારે બોમ્બે સ્ટોક એક્સચેન્જ (BSE) પર RIL નો સ્ટોક 98.70 પોઇન્ટ એટલે કે 3.84 ટકા વધીને 2670.85 પર બંધ થયો હતો. કંપનીનું માર્કેટ કેપિટલાઇઝેશન (માર્કેટ પોઝિશન) 16,93,170.17 કરોડ રૂપિયા છે. એનએસઈ પર, તે 96.80 પોઈન્ટ એટલે કે 3.76 ટકા વધીને 2,669.20 પર બંધ થયો. આવતા અઠવાડિયે રિલાયન્સનું માર્કેટ કેપિટલાઇઝેશન 17 લાખ કરોડ રૂપિયાએ પહોંચી શકે છે.

64 વર્ષીય મુકેશ અંબાણીને 2005 માં તેમના સ્વર્ગીય પિતા ધીરુભાઈ અંબાણીના તેલ-શુદ્ધિકરણ અને પેટ્રોકેમિકલ વ્યવસાય વારસામાં મળ્યો હતો. આ પછી, મુકેશે તેના પિતાનો વારસો વધારવાનું ચાલુ રાખ્યું. રિટેલ, ટેકનોલોજી અને ઈ-કોમર્સમાં પ્રવેશ કર્યો અને બિઝનેસનો વિસ્તાર કર્યો. 2016 માં શરૂ થયેલી દુરસંચાર એકમ જિયો હવે ભારતીય બજારમાં પ્રમુખ સર્વિસ પ્રોવાઇડર બની ગઈ છે. તેમના રિટેલ અને ટેક્નોલોજી ઉપક્રમોએ ગયા વર્ષે ફેસબુક અને ગૂગલથી લઈને કેકેઆર એન્ડ કંપની અને સિલ્વર લેક સુધીના રોકાણકારોને હિસ્સો વહેંચીને લગભગ 27 અરબ ડોલર મેળવ્યા છે..

મુંબઈમાં ટીસીજી એસેટ મેનેજમેન્ટ કંપનીના ચીફ ઇન્વેસ્ટમેન્ટ ઓફિસર ચકરી લોકપ્રિયા કહે છે કે, નવી ઉભરતી ટેકનોલોજી સાથે નવા બિઝનેસ શરૂ કરવામાં મુકેશ અંબાણી સૌથી આગળ છે. ખુદ જ ઝડપથી મોટા પાયે વ્યવસાય શરૂ કરવામાં તેના અમલીકરણની સમસ્યા રહે છે. આમ કરીને તેણે પોતાની ક્ષમતાને પ્રદર્શિત કરી છે.

રિલાયન્સની વાર્તા 1960 ના દાયકાના અંતમાં શરૂ થાય છે, જ્યારે ધીરુભાઈ અંબાણીએ યમનમાં ગેસ-સ્ટેશન એટેન્ડન્ટ તરીકેની સફર શરૂ કરી હતી. ત્યારબાદ તેમણે પોતાના પોલિએસ્ટર બિઝનેસને એક વિશાળ સામ્રાજ્યમાં સ્થાપિત કરવાનું શરૂ કર્યું. જ્યારે તેઓ 2002 માં સ્ટ્રોકથી મૃત્યુ પામ્યા , ત્યારે તેમના બે પુત્રો મુકેશ અને 62 વર્ષીય અનિલ વચ્ચે ઉત્તરાધિકારનો ઝઘડો શરૂ થયો. જો કે, અંતે 2005 માં મુકેશ અને અનિલની માતા કોકિલાબેન દ્વારા તેનું સમાધાન કરવામાં આવ્યું. સમાધાન હેઠળ, મુકેશને મુખ્ય તેલ શોધન અને પેટ્રોકેમિકલ વ્યવસાયોનું નિયંત્રણ મળ્યું. તો, તેના નાના ભાઈને વીજ ઉત્પાદન, નાણાકીય સેવાઓ અને દૂરસંચાર સેવાઓ જેવા નવા ક્ષેત્રો મળ્યા. એક વખત અબજોપતિ બનેલા અનિલે ગયા વર્ષે લંડનની કોર્ટમાં જણાવ્યું હતું કે તેની નેટવર્થ શૂન્ય છે.

100 અબજ ડોલરની નેટવર્થ સાથે અબજોપતિઓ

• ક્રમ. નામ નેટ વર્થ (ડોલરમાં) કંપની
• 1. એલોન મસ્ક 222.1 અબજ ટેસ્લા, સ્પેસએક્સ
• 2. જેફ બેઝોસ 190.8 બિલિયન એમેઝોન
• 3. બર્નાર્ડ આર્નોટ 155.6 અબજ lvmh
• 4. બિલ ગેટ્સ 127.9 બિલિયન. માઈક્રોસોફ્ટ
• 5. લેરી પેજ. 124.5 અબજ. ગૂગલ
• 6. માર્ક ઝુકરબર્ગ. 123 અબજ. ફેસબુક
• 7. સેર્ગેઈ બ્રિન 120.1 અબજ ગૂગલ
• 8. લેરી એલિસન. 108.3 બિલિયન ઓરેકલ
• 9. સ્ટીવ વોલ્મર. 105.7 અબજ. માઈક્રોસોફ્ટ
• 10. વોરેન બફેટ. 103.4 અબજ. બર્કશાયર હેથવે
• 11. મુકેશ અંબાણી 100.6 અબજ રિલાયન્સ