પાકિસ્તાનની મહિલા નેતાને લગતો અશ્લીલ વીડિયો વાયરલ કરવા બદલ એક વ્યક્તિની ધરપકડ

પાકિસ્તાનની મહિલા ધારાસભ્યનો અશ્લીલ વીડિયો વાયરલ કરવા અને ધમકી આપવાના આરોપમાં એક વ્યક્તિની ધરપકડ કરવામાં આવી છે. આ ધારાસભ્યનું નામ સાનિયા આશિક છે. સાનિયા આશિકની ફરિયાદ બાદ વ્યક્તિની ધરપકડ કરવામાં આવી છે. ચાલો જાણીએ, શું છે આખો મામલો.

Image Source

પાકિસ્તાની ન્યૂઝ ચેનલ ARY અનુસાર, સાનિયા આશિક પાકિસ્તાનની રાજકીય પાર્ટી પાકિસ્તાન મુસ્લિમ લીગ નવાઝ (PML-N)ની સભ્ય છે અને હાલમાં પાકિસ્તાનના પંજાબ પ્રાંતના તક્ષશિલા વિધાનસભા મતવિસ્તારમાંથી ધારાસભ્ય છે. નોંધનીય છે કે હાલમાં જ એક અશ્લીલ વીડિયો વાયરલ થયો હતો, રિપોર્ટ્સ અનુસાર દાવો કરવામાં આવી રહ્યો હતો કે વાયરલ વીડિયો સાનિયાનો જ છે. વાઇરલ થયેલા વીડિયો બાદ સાનિયા આશિકે ખુદ પોલીસમાં ફરિયાદ કરી હતી.

Image Source

MLAની ફરિયાદ બાદ વ્યક્તિની ધરપકડ
નોંધપાત્ર વાત એ છે કે, 26 ઓક્ટોબરે સાનિયા આશિકે ટિક ટોક અને અન્ય સોશિયલ મીડિયા પ્લેટફોર્મ પર વાયરલ થયેલા વીડિયો અંગે અજાણ્યા વ્યક્તિ વિરુદ્ધ પાકિસ્તાનની ફેડરલ ઇન્વેસ્ટિગેશન એજન્સી (FIA)માં લેખિત ફરિયાદ નોંધાવી હતી. સાનિયા આશિકની ફરિયાદ બાદ સમગ્ર તપાસ સાયબર ક્રાઈમ વિંગને સોંપવામાં આવી હતી. મહત્વની વાત એ છે કે તપાસ બાદ આગલા દિવસે (બુધવારે) વીડિયો વાયરલ કરવાના આરોપમાં એક વ્યક્તિની ધરપકડ કરવામાં આવી હતી. હાલ આરોપી સામે ગુનો નોંધીને તપાસ શરૂ કરવામાં આવી છે.

Image Source

મીડિયા રિપોર્ટ્સને ટાંકીને કહેવામાં આવી રહ્યું છે કે PML-N મહિલા ધારાસભ્ય સાનિયા આશિક પાકિસ્તાનના પૂર્વ વડાપ્રધાન નવાઝ શરીફની પુત્રી મરિયમ નવાઝની ખૂબ નજીક છે. ઘણીવાર સાનિયા આશિક પાકિસ્તાનના વર્તમાન પીએમ ઈમરાન ખાનને અલગ-અલગ મુદ્દાઓ પર ઘેરી ચૂકી છે. હાલમાં તે અશ્લીલ વિડીયો વાયરલ થવાને કારણે ઘણી ચર્ચામાં છે. જાણકારી માટે જણાવી દઈએ કે ધરપકડ કરાયેલા આરોપીઓની પૂછપરછ ચાલી રહી છે.

Leave a Reply

Your email address will not be published. Required fields are marked *