હવે તમે પણ સરળતાથી પેટ્રોલપંપ ખોલીને કરી શકો છો મોટી કમાણી, જાણો સરકાર કેવી રીતે કરશે મદદ

જાહેર તેલ કંપનીઓમાં આઇઓસી, બીપીસીએલ અને એચપીસીએલ હાલમાં દેશમાં સતયોતેર હજાર સાત સો નવ પેટ્રોલ પંપ ધરાવે છે. આરબીએમએલ માં એક હજાર ચારસો બાવીસ પેટ્રોલ પંપ છે, અને નાયરા પાસે છ હજાર એકસો બાવન પેટ્રોલ પંપ છે.

જણાવે છે કે જાહેર તેલ કંપની ઓ આઇઓસી, બીપીસીએલ અને એચપીસીએલ પાસે હાલમાં દેશમાં સત્યોતેર હજાર સાતસો નવ પેટ્રોલ પંપ છે. આરબીએમએલ માં એક હજાર ચારસો બાવીસ પેટ્રોલ પંપ, નાયરા પાસે છ હજાર એકસો બાવન પેટ્રોલ પંપ અને શેલમાં બસો સિત્તેર પેટ્રોલ પંપ છે. બીપી એ થોડા વર્ષો પહેલા દેશમાં ત્રણ હજાર પાંચસો પેટ્રોલ પંપ સ્થાપવાનું લાઇસન્સ મેળવ્યું હતું પરંતુ કામ શરૂ કર્યું નથી. હવે રસ ધરાવતા લોકો પેટ્રોલ પંપ ખોલવા માટે આ બધી કંપનીઓને અરજી કરી શકે છે.

કેવી રીતે ખોલશો પેટ્રોલ પંપ ?

આજ ના સમયમાં પેટ્રોલ પંપ બિઝનેસ માટે એક ઉત્તમ વિકલ્પ છે. ગામડાંથી માંડી ને શહેરો સુધી. પેટ્રોલ અને ડીઝલ ગમે ત્યાં વેચાય છે. આવી પરિસ્થિતિમાં, તે હંમેશાં મોટી કમાણીનું કામ રહ્યું છે. ઓઇલ કંપનીઓ પેટ્રોલ પંપ માટે લાઇસન્સ જારી કરે છે. ઓઇલ કંપનીઓ ને લાઇસન્સ જારી કરવા માટે સરકારની પરવાનગીની જરૂર છે. સારા સમાચાર એ છે કે કેન્દ્ર સરકારે રિલાયન્સ અને બીપીના સંયુક્ત સાહસ રિલાયન્સ ઇન્ડસ્ટ્રીઝ લિમિટેડ સહિત સાત નવી કંપનીઓ ને ઓટો ફ્યુઅલ રિટેલિંગ લાઇસન્સ આપ્યું છે. એટલે કે, નજીકના ભવિષ્યમાં આ કંપનીઓ પેટ્રોલ પંપ માટે ઘણા લાઇસન્સ જારી કરશે અને લોકોને પેટ્રોલ પંપ ફાળવવામાં આવશે.

વાસ્તવમાં પેટ્રોલિયમ અને કુદરતી ગેસ રાજ્ય મંત્રી રામેશ્વર તેલીએ સોમવારે સંસદને જાણ કરી હતી. આ લાઇસન્સ નવા ઉદાર નિયમો (ઇઝ ઓફ ડુઇંગ બિઝનેસ) હેઠળ આપવામાં આવ્યા છે. આ હેઠળ ઓછામાં ઓછી બસો પચાસ કરોડ ની નેટવર્થ ધરાવતી કોઈ પણ કંપની પેટ્રોલ અને ડીઝલ ના રિટેલ વેચાણ માટે લાઇસન્સ ફાળવવા માટે અરજી કરી શકે છે. હવે આ કંપનીઓ લોકોને પેટ્રોલ પંપ ફાળવી શકશે.

નવી નીતિ હેઠળ રિલાયન્સ ઇન્ડસ્ટ્રીઝ લિમિટેડ, આઇએમસી લિમિટેડ, ઓન્સાઈઝ એનર્જી પ્રાઇવેટ લિમિટેડ, આસામ ગેસ કંપની, એમકે એગ્રોટેક, આરબીએમએલ સોલ્યુશન્સ ઇન્ડિયા લિમિટેડ અને માનસ એગ્રો ઇન્ડસ્ટ્રીઝ એન્ડ ઇન્ફ્રાસ્ટ્રક્ચર ને પેટ્રોલ અને ડીઝલના રિટેલ વેચાણ માટે નવા પેટ્રોલ પંપ સ્થાપવા માટે માર્કેટિંગ ઓથોરાઇઝેશન આપવામાં આવ્યું છે. એટલે કે તમે આમાંથી કોઈ પણ કંપનીઓને પેટ્રોલ પંપ ખોલવા માટે અરજી કરી શકો છો.

દેશમાં એક હજાર ચારસો પેટ્રોલ પંપ સ્થાપનાર રિલાયન્સ ઇન્ડસ્ટ્રીઝ લિમિટેડ પાસે પહેલેથી જ ફ્યુઅલ રિટેલિંગ લાઇસન્સ હતુ પરંતુ, તેને કંપનીની પેટા કંપની રિલાયન્સ મોબિલિટીમાં ટ્રાન્સફર કરવામાં આવ્યું છે. મુકેશ અંબાણી ની કંપનીએ લાઇસન્સિંગ ઓથોરિટી માટે ફરી અરજી કરી છે અને બીજું લાઇસન્સ મેળવ્યું છે. રિલાયન્સના અન્ય સંયુક્ત સાહસ આરબીએમએલ સોલ્યુશન્સ ઇન્ડિયા લિમિટેડને પણ બીપીની સાથે લાઇસન્સ આપવામાં આવ્યું છે.