કુમકુમ ભાગ્ય ફેમ પૂજા બેનર્જીને ઘરે ગુંજશે બાળકની કિલકારી, એક્ટ્રેસે અનાઉન્સ કરી પ્રેગ્નનસીની ગુડ ન્યૂઝ
કુમકુમ ભાગ્ય ફેમ ટીવી અભિનેત્રી આ દિવસોમાં ઘણી ખુશ છે. અને હોય પણ કેમ નહિ, અભિનેત્રી પૂજા બેનર્જી માતા બનવા જઈ રહી છે. નાના મહેમાનની કિલકારી એના ઘરમાં ગુંજવાની છે. પૂજાએ પોતે ગર્ભવતી હોવાની માહિતી આપી હતી. પૂજાએ એક ઈન્ટરવ્યુમાં એ પણ જણાવ્યું કે જ્યારે તેણે તેના પતિ સંદીપ સેજવાલને પ્રેગ્નન્સી વિશે જણાવ્યું ત્યારે તેની પ્રતિક્રિયા શું હતી. આટલું જ નહીં, જ્યારે પૂજાએ શોના મેકર્સને આ ગુડ ન્યૂઝ વિશે જણાવ્યું તો તે જવાબ સાંભળીને વધુ આશ્ચર્યચકિત થઈ ગયા.
‘ટીવી શો કુમકુમ ભાગ્યમાં પોતાના અભિનયથી ધમાલ મચાવનાર પૂજા બેનર્જી ટૂંક સમયમાં માતા બનવા જઈ રહી છે. અભિનેત્રીએ પોતે આ સારા સમાચાર વિશે જણાવ્યું છે. હાલમાં જ આપેલા લેટેસ્ટ ઈન્ટરવ્યુમાં પૂજાએ તેની પ્રેગ્નન્સી, પ્રેગ્નન્સી વિશે પતિની પ્રતિક્રિયા અને તેના કામ વિશે વાત કરી હતી.
View this post on Instagram
.
પૂજાએ જણાવ્યું કે અભિનેત્રી અને તેના પતિ સંદીપ સેજવાલે ગયા વર્ષે જ તેમના પરિવારને આગળ વધારવાનો નિર્ણય કર્યો હતો. હાલમાં તે પોતે પણ આ તબક્કાનો ઘણો આનંદ માણી રહી છે. અભિનેત્રીએ એ પણ જણાવ્યું કે તેને ટીવી શોના સેટ પર પ્રેગ્નન્સી વિશે જાણ થઈ હતી. એ પણ જણાવ્યું કે જ્યારે પૂજાએ શોના મેકર્સને આ વિશે જણાવ્યું તો તેમનો જવાબ સાંભળીને તે આશ્ચર્યચકિત થઈ ગઈ.
View this post on Instagram
લિડિંગ ન્યૂઝ પેપર સાથે વાત કરતાં પૂજાએ કહ્યું, ‘મને લાગ્યું કે કંઈક ખોટું છે, તેથી હું શૂટિંગ પર જતાં એક દિવસ પહેલાં બ્લડ ટેસ્ટ માટે ગઈ હતી. લગભગ 4 વાગ્યે રિપોર્ટ આવ્યો અને મને ખબર પડી કે હું ગર્ભવતી છું. મેં મારા પતિ સંદીપને કહ્યું કે મને શૂટ માટે લેવા આવે, કારણ કે હું ફોન પર આ કહી શકતી નથી. જ્યારે તેમને ખબર પડી ત્યારે તેઓ ખુશીથી નાચવા લાગ્યા. અમને દીકરી જોઈએ છે. હું તેણીને તૈયાર કરવા માંગુ છું. હું એક સુંદર સ્વિમિંગ કોસ્ચ્યુમ પહેરાવવા માંગુ છું.”
View this post on Instagram
એ પછી પૂજાએ શોના મેકર્સને પોતાની પ્રેગ્નન્સી વિશે જણાવ્યું. પૂજાએ કહ્યું, ‘મેં આ વિશે શોના મેકર્સ સાથે વાત કરી અને તેમને કહ્યું કે જો એમને કોઈ સમસ્યા હોય તો મને રિલીઝ કરી દે. આમ પણ હું થોડા મહિના પછી શો છોડવાની હતી. તેઓ મને રિપ્લેસ કરી શકે છે. જોકે શોના મેકર્સે મને કહ્યું હતું કે તેઓ શોમાં કોઈને રિપ્લેસ કરશે નહીં, તેઓ તેમને જ રાખવા માગે છે. શોના નિર્માતાઓએ પણ મને પૂછ્યું, “ડિલિવરીના કેટલા દિવસ પછી તમે પાછા આવશો?’
View this post on Instagram
પોતાની વાતને આગળ વધારતા પૂજાએ કહ્યું કે શોની યુનિટ ટીમ તેમની સગવડ અને જરૂરિયાત મુજબ કામ કરી રહી છે. ટીવી શો ‘એક દૂસરે સે કરતે હૈં પ્યાર હમ’ અને કસૌટી ઝિંદગી કે 2 માં પૂજા બેનર્જીની એક્ટિંગને દર્શકોએ ખૂબ વખાણી હતી. આજકાલ પૂજા ‘કુમકુમ ભાગ્ય’માં જોવા મળી રહી છે.
