પોર્નગ્રાફી કેસ: કોર્ટ રાજ કુંદ્રાને આપ્યો મોટો ઝટકો, જામીન અરજી કરી રદ
અશ્લીલ મૂવી બનાવવા અને એપ્સ પર અપલોડ કરવા બદલ ધરપકડ કરવામાં આવેલા શિલ્પા શેટ્ટીના પતિ અને ઉદ્યોગપતિ રાજ કુંદ્રાની મુશ્કેલીઓ ઓછી થવાનું નામ નથી લઈ રહી. તાજેતરમાં જ મુંબઈની એસ્પ્લેનેડ કોર્ટે રાજ અને રાયન થોર્પની જામીન અરજી નામંજૂર કરી છે. તમને જણાવી દઈએ કે રાજ કુંદ્રા 14 દિવસથી ન્યાયિક કસ્ટડીમાં છે અને હવે તેની જામીન અરજી પણ નામંજૂર કરવામાં આવી છે.
નોંધપાત્ર વાત એ છે કે આ વર્ષે ફેબ્રુઆરીમાં મુંબઈ ક્રાઈમ બ્રાંચની સામે અશ્લીલ રેકેટના મામલાનો પર્દાફાશ થયો હતો. જ્યારે ક્રાઇમ બ્રાંચને ખબર પડી કે આ કેસના તાર પ્રખ્યાત ઉદ્યોગપતિ અને શિલ્પા શેટ્ટીના પતિ રાજ કુંદ્રા સાથે સંબંધિત છે, ત્યારે તેણે તપાસ શરૂ કરી હતી. પાંચ મહિનાની તપાસ બાદ ક્રાઈમ બ્રાંચને મજબૂત પુરાવા મળ્યા, જેના આધારે રાજની ધરપકડ કરવામાં આવી હતી.
ક્રાઇમ બ્રાંચની તપાસમાં તેનું નામ આવતાની સાથે જ પોલીસે તેનો પાસપોર્ટ જપ્ત કરી લીધો હતો. મંગળવારે રાજ કુંદ્રાને આ કેસમાં 14 દિવસની ન્યાયિક કસ્ટડીમાં મોકલવામાં આવ્યો હતો. ઇડીએ કુંદ્રા કેસમાં એફઆઈઆરની નકલ માંગી હતી. હાઈકોર્ટે કુંદ્રાને તાત્કાલિક રાહત આપી ન હતી. અશ્લીલ ફિલ્મોના નિર્માણ અને કેટલીક એપ્સ દ્વારા તેમના સંપર્કમાં આવવા મામલે ધરપકડ કરાયેલા રાજ કુંદ્રા અને રાયન થોર્પેએ જામીન અરજી કરી હતી, જેની સુનાવણી આજે થઈ હતી.
Mumbai’s Esplanade Court rejects bail pleas of Raj Kundra and Ryan Thorpe in pornography case pic.twitter.com/5F3hwrNExG
— ANI (@ANI) July 28, 2021
મુંબઈની ક્રાઈમ બ્રાંચ સતત આ કેસની તપાસ કરી રહી છે અને દરરોજ આ કેસમાં નવા નવા ખુલાસા થઈ રહ્યા છે. મુંબઇ પોલીસે કોર્ટને જણાવ્યું હતું કે રાજ કુંદ્રાએ અશ્લીલ ફિલ્મ્સના નિર્માણ અને વેપાર દ્વારા લગભગ 1.17 કરોડની કમાણી કરી છે અને તેણે આ નાણાં ફક્ત ઓગસ્ટ 2020 થી ડિસેમ્બર 2020 ની વચ્ચે મેળવ્યા છે. રાજ કુંદ્રા તેમની ધરપકડને લાંબા સમયથી ખોટી ગણાવી રહ્યા હતા, પરંતુ આ દરમિયાન કોર્ટે તેમને કોઈપણ પ્રકારની રાહત આપવાનો ઇનકાર કરી દીધો છે.
પોલીસે આ કેસમાં પહેલી ચાર્જશીટ દાખલ કરી છે, જેમાં રાજ કુંદ્રાના એડલ્ટ ફિલ્મના ધંધા વિશે નવો ખુલાસો થયો છે. એવું કહેવામાં આવી રહ્યું છે કે રાજ કુંદ્રાએ કંપની માટે લક્ષ્ય રાખ્યું હતું. 2023 સુધીમાં તે આ ફિલ્મ્સ દ્વારા 34 કરોડ રૂપિયા કમાવવાનું લક્ષ્ય રાખ્યું હતું. આ પહેલા પણ એક ખુલાસામાં ક્રાઈમ બ્રાંચે જણાવ્યું હતું કે રાજ કુંદ્રાએ પણ લગભગ 9 કરોડમાં ઘણા વીડિયો વેચવાનો સોદો કર્યો હતો.
આ પહેલા મંગળવારે મુંબઈની ફોર્ટ કોર્ટે રાજ કુંદ્રાને 14 દિવસની ન્યાયિક કસ્ટડીમાં મોકલ્યો હતો. મંગળવારે સુનાવણી દરમિયાન પોલીસે રાજ કુંદ્રાની 7 દિવસની કસ્ટડી માંગ કરી હતી. પોલીસે કોર્ટને જણાવ્યું હતું કે રાજ કુંદ્રાના સીટીબેંક અને કોટક મહિન્દ્રા બેંકના ડેબિટ ખાતા ફ્રિઝ કરી દીધા છે.
કોટક મહિન્દ્રા બેંકમાં 1 કરોડ 13 લાખ રૂપિયાની ડિપોઝિટ છે. ક્રાઇમ બ્રાંચે આ કેસથી સંબંધિત તમામ પીડિતોને અપીલ કરી છે જે હજી સુધી આગળ આવ્યા નથી. એક પીડિતા 26 જુલાઈએ ક્રાઈમ બ્રાંચ સમક્ષ આવી છે અને તેણે પોતાનું નિવેદન ક્રાઈમ બ્રાંચને આપ્યું છે. જ્યારે પોલીસે ઓપલ સ્ટોરમાંથી હોટશોટની માહિતી માગી હતી, ત્યારે જાણવા મળ્યું હતું કે તેમાંથી 1.64 કરોડ રૂપિયા મળ્યા છે.
આપને જણાવી દઈએ કે મુંબઈ પોલીસ સુત્રોના જણાવ્યા અનુસાર આ કેસમાં હજુ સુધી ફિલ્મ અભિનેત્રી શિલ્પા શેટ્ટીની કોઈ ભૂમિકા સામે આવી નથી. આરોપી અને સાક્ષીઓની પૂછપરછમાં શિલ્પા શેટ્ટીનું નામ હજી સામે આવ્યું નથી. પરંતુ 2020 માં, શિલ્પા શેટ્ટીએ વિયાન કંપનીમાંથી કેમ રાજીનામુ આપી દીધુ? પોલીસ આ મામલે તપાસ કરી રહી છે.
કારણ કે અશ્લીલતાનો આખો કાળો ધંધો વિયાન કંપનીમાંથી ચાલતો હતો. એટલા માટે શિલ્પા પાસે હજી ક્લીન ચિટ નથી. રાજ કુંદ્રાએ શિલ્પા શેટ્ટીના બેંક ખાતામાંથી પૈસા ટ્રાંઝેક્શન કર્યા છે કે કેમ તેની પણ પોલીસ તપાસ કરી રહી છે. પરંતુ અત્યાર સુધીની તપાસમાં શિલ્પા શેટ્ટીની ભૂમિકા પોલીસ દ્વારા જોવા મળી નથી.
