લગ્ન પહેલા આ એક્ટ્રેસના પ્રેમના દીવાના હતા કપિલ દેવ, પછી કરી લીધા રોમી ભાટિયા સાથે લગ્ન

રણવીર સિંહની મોસ્ટ અવેટેડ ફિલ્મ ’83’નું ટ્રેલર થોડા દીવસ પહેલા રિલીઝ થઈ ગયું છે. તેનું જબરદસ્ત ટ્રેલર લૉન્ચ થતાં જ સોશિયલ મીડિયા છવાઈ ગયું છે અને દર્શકોમાં આ ફિલ્મને લઈને પહેલેથી જ ભારે ઉત્તેજના જોવા મળી રહી છે. ટ્રેલરમાં રણવીરનો લુક લોકોને ખૂબ જ પ્રભાવિત કરી રહ્યો છે, જ્યારે કપિલ દેવની પત્નીના રોલમાં દીપિકા પાદુકોણ પણ તેના પાત્રને ન્યાય આપતી જોવા મળી રહી છે. ’83’નું ટ્રેલર રિલીઝ થતાં જ કપિલ દેવના ચાહકો આ ફિલ્મની આતુરતાથી રાહ જોઈ રહ્યા છે. જો હવે કપિલ દેવ પર ચર્ચા ચાલી રહી છે, તો ચાલો જાણીએ તેમની લવ લાઈફ અને તેમની પત્ની વિશે એક એવો કિસ્સો, જેના વિશે તમે ભાગ્યે જ જાણતા હોવ. આજે અમે તમને જણાવવા જઈ રહ્યા છીએ કે કપિલ દેવ લગ્ન પહેલા કઈ અભિનેત્રીના પ્રેમમાં હતા અને પછી તેઓ કેવી રીતે રોમી ભાટિયાના પ્રેમમાં પડ્યા.

ક્રિકેટ અને બોલિવૂડ એક્ટ્રેસ વચ્ચેના પ્રેમની ઘણી વાતો છે. ઘણા ક્રિકેટ ખેલાડીઓના દિલ બોલિવૂડ અભિનેત્રીઓ પર આવી ગયા, કેટલાકના લગ્ન થયા અને કેટલાકનો પ્રેમ અધૂરો રહી ગયો. આવી જ એક વાર્તા કપિલ દેવની છે. તેની લવસ્ટોરી જે કોઈ ફિલ્મની સ્ટોરીથી ઓછી ન હતી, ક્રિકેટની દુનિયામાં તેની ઈનિંગ્સ કરતાં પણ વધુ રોમાંચક છે.

કદાચ બહુ ઓછા લોકો જાણતા હશે કે રોમી ભાટિયા સાથે લગ્ન કરતા પહેલા કપિલ દેવે અભિનેત્રી સારિકાને દિલ આપી દીધું હતું. જ્યારે તેમની લવ સ્ટોરી શરૂ થઈ ત્યારે બંને સિંગલ હતા. રિપોર્ટ્સ અનુસાર, બંનેની મુલાકાત મનોજ કુમારની પત્ની દ્વારા થઈ હતી. જ્યારે કપિલ દેવ અભિનેત્રી સારિકાને પહેલીવાર મળ્યા હતા, ત્યારે તે તેના પ્રેમમાં પડી ગયા હતા. આ પછી બંને એકબીજાને મળવા લાગ્યા અને નજીક આવ્યા. ધીમે ધીમે તેમને સમજાયું કે બંને એકબીજાને પસંદ કરવા લાગ્યા.

કપિલ અને સારિકા અવારનવાર મળવા લાગ્યા અને દરેક જગ્યાએ તેમની નિકટતાની ચર્ચા થવા લાગી. તે દિવસોમાં તેમના સંબંધોના સમાચાર મીડિયાની હેડલાઇન્સ બનવા લાગ્યા હતા. રિપોર્ટ્સનું માનીએ તો કપિલ ત્યારબાદ સારિકાને તેના માતા-પિતાને મળવા પંજાબ લઈ ગયો હતો.

કપિલ દેવ અને સારિકા વચ્ચે બધુ બરાબર ચાલી રહ્યું હતું. બંને જલ્દી જ લગ્નના બંધનમાં બંધાવાના હતા. પરંતુ અચાનક એક દિવસ તેમના બ્રેકઅપના સમાચાર આવ્યા. જો કે, બંનેએ તેમના બ્રેકઅપ વિશે જાહેરમાં કોઈ નિવેદન આપ્યું ન હતું, પરંતુ તેમના બ્રેકઅપનું કારણ રોમી ભાટિયા હોવાનું કહેવાય છે.

રિપોર્ટ્સ અનુસાર, રોમી ભાટિયા સારિકા પહેલા પણ કપિલ દેવના જીવનમાં આવી હતી. પરંતુ કપિલની તેની સાથે કોઈ મુદ્દે ઝઘડો થયો હતો, જેના કારણે કપિલની સારિકા સાથેની નિકટતા વધી ગઈ હતી. પરંતુ બાદમાં રોમીએ કપિલના જીવનમાં ફરી પ્રવેશ કર્યો. તે રોમીની સુંદરતાના દિવાના હતા, આખરે કપિલે સારિકાને છોડીને રોમી સાથે લગ્ન કરવાનો નિર્ણય લીધો. જો કે રોમી સાથે લગ્ન કરવા માટે તેણે ઘણા પાપડ પણ વણ્યા હતા, પરંતુ આખરે બંનેએ લગ્ન કરી લીધા. બાદમાં સારિકાએ પણ કમલ હસન સાથે લગ્ન કરી લીધા. એ વાત અલગ છે કે બન્નેના લગ્ન ટકી ન શક્યા અને બન્નેએ ડિવોર્સ લેવાનો નિર્ણય કરી લીધો