ભારત તેની પ્રાચીન સંસ્કૃતિ માટે સમગ્ર વિશ્વમાં જાણીતું છે. આ સિવાય દેશમાં એવી ઘણી રહસ્યમય જગ્યાઓ છે, જે અત્યારે પણ વૈજ્ઞાનિકો માટે એક કોયડો છે. તેમાં બિહારમાં સ્થિત સોના ના ખજાના નો પણ સમાવેશ થાય છે. જ્યાં એક રહસ્યમય દરવાજો છે, જેને હજારો પ્રયત્નો પછી પણ કોઈ ખોલી શક્યું નથી. આ દરવાજો ખોલવાના પ્રયાસો અનેક વખત કરવામાં આવ્યા હતા, પરંતુ ક્યારેય સફળ થયા ન હતા. બિહાર ના પ્રખ્યાત પર્યટન સ્થળ રાજગીર ની એક ગુફાની અંદર આ સોનાના ભંડાળ છે.
ઇતિહાસકારો જણાવે છે કે બિંબિસારા, જેમણે હરયંકા રાજવંશ ની સ્થાપના કરી હતી, તેમને સોના -ચાંદીનો ખૂબ શોખ હતો. સોના અને ચાંદી ના શોખને કારણે તે ઘરેણાં એકત્રિત કરતો રહ્યો. એવું કહેવાય છે કે બિંબિસાર નો અમૂલ્ય ખજાનો રાજગીર ની આ ગુફામાં છુપાવવામાં આવ્યો છે. બિંબિસાર ની પત્નીએ આ ખજાનો છુપાવ્યો છે. પરંતુ અત્યાર સુધી કોઈ આ ખજાનો શોધી શક્યું નથી. બ્રિટિશરો એ પણ આ ગુફામાં જવાના તમામ પ્રયાસો કર્યા, પણ તેઓ પણ નિષ્ફળ રહ્યા. આ ખજાના ને ‘સોન ભંડાર’ કહેવામાં આવે છે.
જાણકારોના જણાવ્યા પ્રમાણે બિંબિસારા ની પત્નીએ આ ગુફા નું નિર્માણ કર્યું હતું. આ સોન નો ભંડાળ હજી પણ વિશ્વ માટે એક રહસ્ય છે, જે દર વર્ષે દેશ અને વિદેશ ના હજારો પ્રવાસીઓને આકર્ષિત કરે છે. અહીં આવતા પ્રવાસીઓને પણ આ વણ ઉકેલાયેલો કોયડો જાણવાની ઈચ્છા હોય છે.
પ્રાચીન સમયમાં મગધની રાજધાની રાજગીરમાં ભગવાન બુદ્ધે બિંબિસાર ને ધર્મ વિશે જણાવ્યું હતું. બિહાર ના પ્રખ્યાત સ્થળોમાં સમાવિષ્ટ આ સ્થળ મુખ્યત્વે ભગવાન બુદ્ધ સાથે જોડાયેલા સ્મારકો માટે જાણીતું છે. કેટલાક લોકો માને છે કે આ ખજાનો ભૂતપૂર્વ મગધ સમ્રાટ જરાસંગનો છે,
પરંતુ આ વાતના વધુ પુરાવા છે કે આ ખજાનો હરિયાંકા વંશના સ્થાપક બિંબિસાર નો છે, કારણ કે આ ગુફાથી થોડા અંતરે જેલ હતી, જેમાં અજાતશત્રુ એ તેના પિતા બિંબિસાર ને બંદી બનાવ્યા હતા. એ જેલના અવશેષો આજે પણ છે, તેથી આ ખજાનો માત્ર બિંબિસારનો માનવામાં આવે છે.
એવું કહેવાય છે કે બિંબિસારને ઘણી રાણીઓ હતી. તેમાંથી એક રાણી બિંબિસાર ની ખૂબ નજીક હતી. જે તેની પસંદગી નું સંપૂર્ણ ધ્યાન રાખતી હતી. જ્યારે અજાતશત્રુ એ તેના પિતાને બંદી બનાવ્યા, ત્યારે આ રાણીએ જ રાજાના તમામ ખજાનાને આ ગુફામાં છુપાવી દીધા હતા.
સોન ભંડાર ની અંદર જાવ કે તરત જ ખજાના ની રક્ષા કરતા સૈનિકોનો ઓરડો છે. આ પછી ખજાના સુધી પહોંચવાનો રસ્તો છે, જેના દરવાજા પર એક વિશાળ પથ્થર રાખવામાં આવ્યો છે. આજ સુધી કોઈ આ રહસ્યમય ખજાનાના દરવાજા ને ખોલી શક્યું નથી. તેથી તે આજે પણ વૈજ્ઞાનિકો માટે એક કોયડો છે.
આ ગુફાના દરવાજા પર મુકવામાં આવેલા પથ્થર પર શંખ લીપમાં કંઈક લખેલું છે, જેને આજ સુધી કોઈ વાંચી શક્યું નથી. એવું માનવામાં આવે છે કે તેમાં ખજાના દરવાજાને ખોલવા વિશે કહેવામાં આવ્યું છે. જો તેને વાંચવામાં સફળતા મળી જાય તો ખજાના સુધી પહોંચી શકાય છે.
કેટલાક લોકો માને છે કે વૈભવગિરિ પર્વત સાગર દ્વારા બિંબિસાર ના રહસ્યમય ખજાના સુધી પહોંચી શકાય છે. આ રસ્તો સપ્તપર્ણી ગુફાઓ તરફ જાય છે, જે સોન ભંડાર ગુફાની બીજી બાજુ પહોંચે છે. આ ખજાનો મેળવવા માટે અંગ્રેજોએ તોપથી ગુફા નો દરવાજો તોડવાનો પ્રયત્ન કર્યો હતો, પરંતુ તેઓ તેમાં સફળ થયા નહીં.