મોટા ભાગના ઘરોમાં રોટલી કઠણ અને ઝડપથી બગડી જવાની સમસ્યા રહે છે. આ માટે ગૃહિણીઓ અનેક પ્રકારની ટિપ્સ ફોલો કરે છે, પરંતુ તેમ છતાં તેનું બેસ્ટ રિઝલ્ટ મળતું નથી. એટલ સુધી કે અમુક ઘરોમાં જ્યાંથી લોટ લાવવામાં આવે છે તે દુકાનો પણ બદલી લેવામાં આવે છેરોટલી ફુલેલી અને સોફ્ટ બનવાની સમસ્યા મોટાભાગના ઘરોમાં જોવા મળે છે. જો જોવામાં આવે તો ઠંડકનું વાતાવરણ છે અને તેમાં ડ્રાયનેસ ઝડપથી આવી જાય છે, આવી સ્થિતિમાં રોટલીને લાંબા સમય સુધી પોચી અને મુલાયમ રાખવી એ કોઈ ટાર્ગેટથી ઓછું નથી.
જો તમે કેટલીક સરળ ટિપ્સ ફોલો કરો છો, તો તમે ફુલેલી અને સોફ્ટ રોટલીની મજા પણ માણી શકો છો. આ માટે પહેલા લોટની ક્વોલિટી સારી હોવી પણ જરૂરી છે. આ પછી, તમે રોટલી કેવી રીતે બનાવો છો તેની પ્રક્રિયામાં સુધારો કરવો જરૂરી છે. આ ટિપ્સ ફોલો કરીને તમે ઘરે જ સોફ્ટ રોટલી બનાવી શકો છો.
લોટ બાંધવો
જ્યારે પણ તમે લોટ બાંધો ત્યારે ધ્યાન રાખો કે તેને નરમ રાખવું શ્રેષ્ઠ છે. સખત કણક બાંધ્યા પછી રોટલી લાંબા સમય સુધી નરમ રહેતી નથી. જો તમે ઈચ્છો તો લોટ બાંધતી વખતે તેમાં થોડું દૂધ પણ વાપરી શકો છો.
બંધાયેલા લોટને આપો રેસ્ટ
હંમેશા લોટ બાંધ્યા પછી તેને રેસ્ટ આપો. કણક ભેળવી લીધા પછી તેના પર હળવા હાથે પાણીનું લેયર બનાવી લો અને તેને 15 મિનિટ માટે આ રીતે રહેવા દો. આમ કરવાથી તમારી રોટલી પોચી અને મુલાયમ અને ફુલેલી બની જશે. જો તમે ઈચ્છો તો લોટમાં થોડું કુકિંગ ઓઇલ પણ મિક્સ કરી શકો છો.
આવી રીતે વણો રોટલી
રોટલીને વણતી વખતે તમારા હાથને હંમેશા સોફ્ટ રાખો. રોટલીને વણતી કરતી વખતે, સૌપ્રથમ કણકની કિનારીઓને વણો અને પછી બાકીના કણકને વણીને આકાર તૈયાર કરો
કોરો લોટ ઓછો લો
ઘણીવાર લોકો રોટલી બનાવતી વખતે વધુ અટમણ એટલે કે સૂકા લોટનો ઉપયોગ કરે છે. આમ કરવાથી રોટલી સરળતાથી વણાઈ જાય છે, પરંતુ તેના કારણે રોટલીનો ભેજ ખતમ થઈ જાય છે અને તે સખત થઈ જાય છે. તેથી આવું કરવાનું ટાળો.
ધીમા તાપે શેકો
તવાને પહેલાથી ગરમ કર્યા પછી, રોટલી શેકતી વખતે આંચ ઓછી રાખવી શ્રેષ્ઠ છે. જો તવો ખૂબ ગરમ હોય, તો રોટલી પહેલાથી જ વધુ રાંધવામાં આવે છે અને પછી તેને સ્ટવ પર શેકવાથી, તે સખત થઈ જાય છે. રોટલી પર ઘી લગાવો અને એન્જોય કરો