આ કારણે ફિલ્મ જુદાઈમાં શ્રીદેવી સાથે કામ કરવા માટે તૈયાર નહોતા અનિલ કપૂર, જાણો પછી કેવી રીતે થયા તૈયાર

દિવંગત બોલિવૂડ અભિનેત્રી શ્રીદેવી અને અનિલ કપૂરે ઘણી ફિલ્મોમાં સાથે કામ કર્યું છે. બંનેએ એક કરતાં વધુ ફિલ્મો આપી છે અને તેમની ઓનસ્ક્રીન જોડીને ખૂબ પસંદ કરવામાં આવી હતી. અનિલ કપૂર અને શ્રીદેવીએ ઘણી ફિલ્મોમાં સાથે કામ કર્યું હોવા છતાં, દિવંગત અભિનેત્રી શ્રીદેવીનું સ્ટારડમ અનિલ કપૂર કરતાં વધુ હતું. શ્રીદેવીની લોકપ્રિયતાને કારણે દરેક મોટા કલાકાર તેની સાથે કામ કરવા તૈયાર હતા. આમ છતાં અનિલ કપૂરે શ્રીદેવી સાથે ફિલ્મ ‘જુદાઈ’માં કામ કરવાની ના પાડી દીધી હતી. પરંતુ બાદમાં તેઓ ફરીથી સાથે કામ કરવા સંમત થયા હતા.

તમને જણાવી દઈએ કે વર્ષ 1997માં રીલિઝ થયેલી ફિલ્મ ‘જુદાઈ’એ બોક્સ ઓફિસ પર ધમાલ મચાવી હતી અને તેને દર્શકોએ ખૂબ પસંદ કરી હતી. આ ફિલ્મમાં અભિનેતા અનિલ કપૂર, દિવંગત અભિનેત્રી શ્રીદેવી અને અભિનેત્રી ઉર્મિલા માતોંડકરે કામ કર્યું હતું. આ ફિલ્મે તેની રિલીઝના 25 વર્ષ પૂરા કર્યા છે, પરંતુ હાલમાં જ અનિલ કપૂરે એક ઈન્ટરવ્યુમાં ખુલાસો કર્યો હતો કે તે આ ફિલ્મમાં પહેલા શ્રીદેવી સાથે કામ કરવા તૈયાર નહોતો.

ફિલ્મ ‘જુદાઈ’માં શ્રીદેવી સાથે કામ ન કરવાનું કારણ જણાવતા અનિલ કપૂરે ઈન્ટરવ્યુમાં કહ્યું હતું કે હું ફિલ્મ માટે ના કહેતો રહ્યો, કારણ કે તે ફિલ્મમાં તેના પાત્ર સાથે જોડાઈ શક્યો ન હતો. અનિલે જણાવ્યું કે ફિલ્મ ‘રૂપ કી રાની ચોરોં કા રાજા’ ફ્લોપ થયા બાદ તે આર્થિક રીતે ખરાબ તબક્કામાંથી પસાર થઈ રહ્યો હતો, તેથી તે પરિવાર અને ફેમિલી પ્રોડક્શન કંપની તરફથી ખૂબ દબાણમાં હતો. પારિવારિક દબાણને કારણે તે શ્રીદેવી સાથે ફિલ્મમાં કામ કરવા રાજી થઈ ગયો

અનિલ કપૂર કોઈક રીતે આ ફિલ્મમાં શ્રીદેવી સાથે કામ કરવા રાજી થઈ ગયો અને બંનેએ ફિલ્મમાં કામ કર્યું. ફિલ્મમાં શ્રીદેવી અનિલ કપૂરની પત્ની તરીકે જોવા મળી હતી, જ્યારે ઉર્મિલા માતોંડકરે ફિલ્મમાં શ્રીદેવીની બહેનની ભૂમિકા ભજવી હતી. જણાવી દઈએ કે જ્યારે આ ફિલ્મ બોક્સ ઓફિસ પર સુપરહિટ સાબિત થઈ હતી અને લોકો તરફથી સારો પ્રતિસાદ મળ્યો હતો, ત્યારે અનિલ કપૂરે ફિલ્મમાં કામ કરવાના નિર્ણય પર ખુશી વ્યક્ત કરી હતી.

નોંધપાત્ર વાત એ છે કે આ ફિલ્મની સફળતા બાદ અનિલ કપૂરે ઈન્ટરવ્યુમાં કહ્યું હતું કે શ્રીદેવી અને ઉર્મિલા સાથે કામ કરીને તેમનો સમય ઘણો સારો રહ્યો હતો. આ ફિલ્મમાં શ્રીદેવી અને અનિલ કપૂરની જોડી ફરી એકવાર દર્શકોને પસંદ પડી હતી. અનિલ કપૂર અને શ્રીદેવીની હિટ જોડીએ ‘મિસ્ટર ઈન્ડિયા’, ‘લમ્હે’, ‘લાડલા’, ‘રૂપ કી રાની ચોરોં કા રાજા’ અને ‘જુદાઈ’ જેવી ઘણી શાનદાર ફિલ્મોમાં કામ કર્યું છે