કોરોના મહામારીમાં કેટલાય લોકો ઓક્સિજનની સુવિધા ન મળવાના કારણે મોતને ભેટ્યા હતા. ત્યારે હવે ઓક્સિજનને લઈ સુરતથી એક ખુબ જ સારા સમાચાર સામે આવી રહ્યા છે. સુરત મ્યુનિસિપલ કોર્પોરેશન દ્વારા જરૂરિયાતમંદ કોરોના દર્દીઓને ઘરે ઓક્સિજન સુવિધા આપવા ઓક્સિજન એક્સપ્રેસ શરૂ કરવામાં આવી હતી. સુરત મહાનગર પાલિકા દ્વારા યુએસથી ગુજરાતીઓ દ્વારા મોકલેલા 100 ઓક્સિજન કોન્સંટ્રેટરની મદદથી ઓક્સિજન એક્સપ્રેસ શરૂ કરવામાં આવી છે. ઘરે કોરોના ચેપગ્રસ્ત લોકોને ઓક્સિજન સુવિધા પ્રદાન કરવા માટે આ પ્રકારની વ્યવસ્થા કરવામાં આવી છે.
કોરોના ચેપના દર્દીઓને સારવાર દરમિયાન સરળતાથી ઓક્સિજન મળી રહે તે હેતુથી સુરત મહાનગર પાલિકા દ્વારા આજથી ઓક્સિજન એક્સપ્રેસ શરૂ કરવામાં આવી છે.
આ વ્યવસ્થાની શરુઆત પર સ્મિમર હોસ્પિટલમાં મહાનગરપાલિકા દ્વારા આયોજીત કાર્યક્રમ દરમિયાન મેયર હેમાલી બોઘાવાલા, ગુજરાત પ્રદેશ ભાજપ પ્રમુખ સી.આર. પાટિલ, મનપા કમિશનર બંછા નિધિ જેવા પદાધિકારીઓની ઉપસ્થિતિમાં ઓક્સિજન એક્સપ્રેસને રાષ્ટ્રધ્વજ ફરકાવી ખુલ્લી મુકવામાં આવી હતી. શહેરના પાલ અને ઉમરા આરોગ્ય કેન્દ્ર દ્વારા ઓક્સિજન એક્સપ્રેસ બનાવવામાં આવી છે. જરૂરિયાત સમયે હેલ્પલાઈન નંબર પર કોલ કર્યા પછી, તબીબી અધિકારી દ્વારા જરૂરી તપાસ કર્યા પછી દર્દીને 5 લિટર ઓક્સિજન સુવિધા પ્રદાન કરવામાં આવે છે.
સુરતનાં બારડોલી અને આજુબાજુના વિસ્તારોના મુલનીવાસ અને એનઆરઆઈને ગુજરાતી સમાજ દ્વારા સુરત મહાનગર પાલિકામાં 100 ઓક્સિજન કોન્સંટ્રેટર આપવામાં આવ્યા છે. આ પ્રસંગે મનપા કમિશનર બંછા નિધિ પાનીએ જણાવ્યું હતું કે ઓક્સિજન એક્સપ્રેસ કોરોના ચેપગ્રસ્ત દર્દીઓને 5 મિનિટમાં જ ઘરે ઓક્સિજન સુવિધા આપી શકે છે. હેલ્પ લાઇન 18001238000 નંબર પર કોલ કર્યા પછી દર્દીઓ આ સેવાનો લાભ મેળવી શકે છે. તબીબી અધિકારીને જરૂરી પુછપરછ કર્યા પછી જ ઓક્સિજન આપવામાં આવશે, શહેરમાં 100 ઓક્સિજન કોન્સેન્ટર્સ છે જે દર્દીઓ માટે જ ઉપયોગમાં લેવામાં આવશે
ગુજરાતમાં હાલમાં કોરોનાની વાત કરવામાં આવે તો શુક્રવારે નવા 2521 કેસ અને મૃત્યુ 27 નોંધાયા છે. સાજા થવાનો દર 93.36 ટકા પહોંચી ગયો છે. જે 25 દિવસ અગાઉ 74.46 ટકા હતો. મે મહિનામાં રિકવરી રેટમાં 20 ટકાનો વધારો થયો છે. એક્ટિવ કેસમાં પણ આ 25 દિવસમાં એક લાખથી વધારેનો ઘટાડો નોંધાયો છે. આ ટ્રેન્ડ મુજબ આગામી 15મી જૂન સુધી દૈનિક નવા કેસ 300થી પણ ઓછા આવશે એવી સંભાવના વ્યક્ત કરવામાં આવી રહી છે. એક લાખ એક્ટિવ કેસના ઘટાડામાં 76 હજારથી પણ વધારે ચાર મોટા શહેરોમાં છે.
અમારી દરેક પોસ્ટ સૌથી પહેલા વાંચવા નીચેની પ્રોસેસ ફક્ત એકજ વાર કરવાની રહેશે.
વધુ રસપ્રદ માહિતી અને નવી પોસ્ટ વાંચવા માટે ડાબી તરફ સ્વાઇપ કરો. આ વેબસાઈટ પર આપેલી તમામ ન્યુઝ અને વાતો રિપોર્ટરે રિપોર્ટ કરેલા છે અથવા તો કોઈક સોર્સ ઉપરથી લેવામાં આવેલા છે કે જે દરેક લેખના અંતમાં આપેલો જ હોય છે. અમારો પ્રયત્ન તમને શ્રેષ્ઠ માહિતી સતત પહોંચાડવાનો છે અને રહેશે. આ ન્યુઝ તથા અન્ય વાતોની જવાબદારી જે-તે લેખક (રિપોર્ટર) તથા સોર્સની રહેશે ન્યુઝ ગુજરાત વેબસાઈટ કે પેજની રહેશે નહીં. આપણું પેજ “ન્યુઝ ગુજરાત” માણતા રહો અને શેર કરતા રહો!