આમિર ખાન- કિરણ રાવથી લઈને સુસ્મિતા સેન રોહમન શોલ સુધી, આ વર્ષે અલગ થયા આ કલાકારો
દર વર્ષની જેમ આ વર્ષ પણ કેટલીક મીઠી અને કેટલીક કડવી યાદો આપીને જવાનું છે. આ વર્ષે, જ્યારે ઘણા સ્ટાર્સે તેમના સંબંધોને ઓફિશિયલ કર્યા, ત્યારે આમિર ખાન-કિરણ રાવ, સામંથા રૂથ પ્રભુ-નાગા ચૈતન્ય અને નિશા રાવલ-કરણ મહેરા સહિતના કેટલાક મોટા સેલેબ્સે તેમના બ્રેકઅપની ઓફિશિયલ એનાઉસમેન્ટ કરી. આમાંના કેટલાક બ્રેકઅપ્સ એવા પણ થયા જે ચાહકો માટે આઘાત સમાન હતા. તો વર્ષ પૂરું થાય તે પહેલાં, ચાલો જોઈએ કે એ કપલ જેમના આ વર્ષે સંબંધોનો આ વર્ષે અંત થયો
આમિર ખાન અને કિરણ રાવ
2021 ના છૂટાછેડા વિશે સૌથી વધુ ચોંકાવનારી અને ચર્ચાની વાત એક્ટર આમિર ખાન અને તેની પત્ની કિરણ રાવની હતી. બંનેએ 2021માં એક નિવેદન જારી કરીને તેમના ફેન્સને તેમના છૂટાછેડા વિશે જાણ કરી હતી. સોશિયલ મીડિયા પર જાહેર કરાયેલા આ નિવેદનમાં લખવામાં આવ્યું છે કે- આ સુંદર 15 વર્ષોમાં અમે એકબીજા સાથે કેટલીક સારી ક્ષણો વિતાવી. વિશ્વાસ, આદર અને પ્રેમ આપણા સંબંધોનો પાયો છે. હવે આપણે આપણા જીવનમાં એક નવો અધ્યાય શરૂ કરવા જઈ રહ્યા છીએ. પતિ-પત્ની તરીકે નહીં, પરંતુ માતા-પિતા તરીકે અમે હંમેશા સાથે રહીશું. આ સિવાય અમારી પાસે અમારી ફિલ્મો છે, પાણી ફાઉન્ડેશન અને બીજા પ્રોજેક્ટ્સ પર પણ સાથે કામ કરીશું. તમને જણાવી દઈએ કે આમિર અને કિરણ રાવના લગ્ન 28 ડિસેમ્બર 2005માં થઈ હતી
સામંથા રૂથ પ્રભુ અને નાગા ચૈતન્ય
દક્ષિણ ભારતીય સ્ટાર દંપતી સામંથા રૂથ પ્રભુ અને નાગા ચૈતન્યએ ઓક્ટોબરમાં તેમના અલગ થવાની જાહેરાત કરી હતી. તેમના છૂટાછેડા વિશે માહિતી આપતા, બંને સેલેબ્સે સોશિયલ મીડિયા પર એક પોસ્ટ શેર કરી. સામન્થાએ પોતાની પોસ્ટમાં લખ્યું છે કે, “અમારા તમામ શુભચિંતકો માટે, ખૂબ વિચાર-વિમર્શ પછી, ચૈતન્ય અને મેં અમારા અલગ માર્ગો પર જવા માટે પતિ અને પત્ની તરીકે અલગ થવાનો નિર્ણય લીધો છે.” “અમે ભાગ્યશાળી છીએ કે અમારી મિત્રતા લગભગ એક દાયકા કરતાં વધુ સમયથી છે. અમને વિશ્વાસ છે કે અમે ભવિષ્યમાં અમારી મિત્રતા ચાલુ રાખીશું.અમે અમારા ચાહકો, શુભેચ્છકો અને મીડિયાને વિનંતી કરીએ છીએ કે આ મુશ્કેલ સમયમાં અમને ટેકો આપે અને આગળ વધવા માટે અમને જરૂરી ગોપનીયતા આપો. સહારો આપવા બદલ આપનો આભાર.”
સુસ્મિતા સેન અને રોહમન શોલ
ડિઝની પ્લસ હોટસ્ટારની શ્રેણી ‘આર્યા 2’ ફેમ સુષ્મિતા સેને પણ આ વર્ષે તેના બોયફ્રેન્ડ રોહમન શૉલ સાથે બ્રેકઅપ કરી લીધું છે. ગુરુવારે તેના સોશિયલ મીડિયા એકાઉન્ટ પર આ વિશે માહિતી આપતા સુષ્મિતાએ રોહમન સાથેની એક તસવીર શેર કરી અને લખ્યું- “અમે મિત્રો તરીકે શરૂઆત કરી હતી અને અમે મિત્રો રહીએ છીએ!! સંબંધ પૂરો થયો… પ્રેમ બાકી છે! લવ યુ મિત્રો !!! ચાલો તમને જણાવી દઈએ કે રોહમન સુષ્મિતા કરતા ઘણા વર્ષ નાનો છે.2018 થી બંને પાર્ટનર તરીકે સાથે રહેતા હતા.
નુસરત જહાં- નિખિલ જૈન
ટીએમસી સાંસદ નુસરત જહાંએ પણ આ વર્ષે તેના પતિ નિખિલ જૈન સાથે અલગ થવાનો નિર્ણય લીધો હતો. બંનેનું બ્રેકઅપ આઘાતજનક કરતાં આશ્ચર્યજનક હતું. તેના છૂટાછેડા વિશે વિગતો આપતા, નુસરતે કહ્યું કે નિખિલ સાથેના તેના લગ્ન ભારતમાં માન્ય નથી, જેને કોલકાતાની અદાલતે પણ ચુકાદો આપ્યો હતો. જણાવી દઈએ કે સાંસદે 2019માં તુર્કીમાં બિઝનેસમેન નિખિલ જૈન સાથે લગ્ન કર્યા હતા.
