જે વ્યક્તિએ કિડની દાન કરી બચાવ્યો જીવ, એને જ હોસ્પિટલે પકડાવી દીધું લાખોનું બિલ

ઇલિયટ મેલિન નામના અમેરિકન માણસને બહુ ઓછી ખબર હતી કે તેની માતાના સંબંધમાં રહેલા ભત્રીજાને કિડની દાન કર્યા પછી તેને હોસ્પિટલના ભારે બિલનો સામનો કરવો પડશે. ખરેખર, મેલિનના સ્કોટ ક્લાઈન નામના મામેરા ભાઈની કિડની ખરાબ થવાના અંતિમ તબક્કામાં હતી. ક્લાઈનની માતા ઈચ્છતી હતી કે મેલિન તેના પુત્ર માટે કિડની ડોનર શોધવામાં મદદ કરે. જોકે, બંને ભાઈઓ વચ્ચે લોહીના કોઈ સંબંધ નથી. ક્લાઈનની માતાને ક્યાંય પણ કિડની ડોનર તા ન મળતાં આખરે મેલિન કિડનીનું દાન કરવા સંમત થઇ ગયો.

જોકે ક્લાઈનની માતાએ મેલિનને કોઈ પ્રકારનું દબાણ ન હોવાનું જણાવતો મેલ લખ્યો હતો, તેમ છતાં મેલિને આ અંગે બહુ વિચાર્યું ન હતું અને પોતાની કિડની ડોનેટ કરવાનું મન બનાવ્યું હતું. ઑપરેશન જુલાઈ 2021 માટે ફોર્ટ વર્થ, ટેક્સાસમાં બેલર સ્કોટ અને વ્હાઇટ ઓલ સેન્ટ્સ મેડિકલ સેન્ટર ખાતે નક્કી કરવામાં આવ્યું હતું. મેલિનને બહુ ઓછી ખબર હતી કે તેની માનવતાવાદી પહેલના બદલામાં, હોસ્પિટલ તેને મોટું બિલ મોકલશે. ખાસ વાત એ છે કે આ બિલમાં કલાઇનનો રિકવરી ચાર્જ પણ સામેલ હતો.

ખરેખર, અંગ દાતાને કોઈપણ પ્રકારનું મેડિકલ બિલ મોકલવામાં આવતું નથી. તે દાન લેવા વાળાના વીમામાં સામેલ છે. કમનસીબે મેલિનના કિસ્સામાં આ પ્રક્રિયા અનુસરવામાં આવી ન હતી. પાછળથી જાણવા મળ્યું કે મેલિનને ભૂલથી $13,064નું મેડિકલ બિલ મોકલવામાં આવ્યું હતું. સૌથી ખરાબ બાબત એ છે કે એનેસ્થેસિયા આપનારી નોર્થ સ્ટાર નામની કંપનીએ ધમકી આપી હતી કે જો બિલ નહીં ચૂકવવામાં આવે તો તે વસૂલ કરવામાં આવશે. બાદમાં, જ્યારે નોર્થસ્ટારને તેની ભૂલનો અહેસાસ થયો, ત્યારે તેના CFOએ મેલિનને માફીનો પત્ર મોકલ્યો. આટલું જ નહીં, આ ઘટના બાદ હોસ્પિટલે પોતાની નીતિઓમાં પણ ફેરફાર કર્યો છે. જેથી આ પ્રકારની ભૂલ ફરી ક્યારેય ન થાય.