અભિનેત્રી કરીના કપૂર ખાન અને સૈફ અલી ખાનની જોડીની ગણતરી ઈન્ડસ્ટ્રીના શ્રેષ્ઠ કપલ્સમાં થાય છે. તેમને બે બાળકો તૈમૂર અને જહાંગીર છે. કરીના કપૂર અને સૈફ અલી ખાનના પ્રેમની શરૂઆત ફિલ્મ ‘ટશન’થી થઈ હતી.આ ફિલ્મમાં તેમની સાથે અક્ષય કુમાર પણ હતો. પરંતુ આ ફિલ્મ રિલીઝ થયાના વર્ષો બાદ હવે કરીના કપૂર ખાને એક મહત્વનો ખુલાસો કર્યો છે. નોંધપાત્ર વાત એ છે કે કરીના કપૂર ખાન સોશિયલ મીડિયા પર ખૂબ જ એક્ટિવ છે અને ઘણીવાર પોતાની અને સૈફ અલી ખાનની તસવીરો શેર કરતી રહે છે. આ સાથે તેણે ઈન્સ્ટાગ્રામ પર બાળકોની તસવીરો પણ શેર કરી છે.
કરીના કપૂર ખાને કર્યો આ ખુલાસો
કરીના કપૂર ખાને ખુલાસો કર્યો છે કે સૈફ અલી ખાનને અક્ષયે તેને ડેટ કરવાની મનાઈ કરી હતી. અક્ષય કુમારે સૈફ અલી ખાનને કહ્યું કે કપૂર પરિવારની છોકરીઓ ખતરનાક હોય છે. આ વાત કરીના કપૂરે ટ્વિંકલ ખન્નાના ચેટ શોમાં કહી હતી. ટ્વિંકલ ખન્ના પાસે ‘ટ્વીક ઈન્ડિયા’ નામની યુટ્યુબ ચેનલ છે. જેના પર તે સેલેબ્સના ઈન્ટરવ્યુ લે છે. કરીના કપૂર ખાને કહ્યું કે સૈફ અલી ખાન અને તે એકબીજાને ડેટ કરી રહ્યા હતા. ત્યારે અક્ષય કુમારે સૈફ અલી ખાનને ચેતવણી આપી હતી.તેણે એમ પણ કહ્યું કે તેને આ વિશે ખબર ન પડતી પરંતુ સૈફ સાથે લગ્ન થઈ ગયા અને સૈફે તેને આ વાત કહી. આ રીતે ખુલાસો થયો કે અક્ષય કુમારે સૈફ અલી ખાનને શું કહ્યું હતું.
કરીના કપૂરે જણાવ્યું કે અક્ષય કુમારે સૈફને એકલામા લઈ ગયા હતા અને કહ્યું હતું કે આ ખતરનાક છોકરીઓ છે અને ખતરનાક પરિવારની છે. તેથી સાવચેત રહો. આ સાંભળીને ટ્વિંકલ ખન્નાએ કહ્યું કે મને લાગે છે કે આ સારી સલાહ હતી. કરીનાએ આ માટે હા પાડી અને કહ્યું કે અક્ષયનો મતલબ તેની સાથે ખોટું ન કરવાનો હતો. આના પર સૈફ અલી ખાને અક્ષય કુમારને કહ્યું કે તે બેબો સાથે કંઈ ખોટું નહીં કરે.
અક્ષય અને કરીના અત્યારસુધીમાં અજનબી, તલાશઃ ધ હંટ બિગિન્સ, દોસ્તીઃ ફ્રેન્ડ્સ ફોરએવર, ટશન, કમબખ્ત ઈશ્ક અને ગુડ ન્યૂઝ જેવી ફિલ્મોમાં સાથે કામ કરી ચૂક્યા છે.
વર્ક ફ્રંટની વાત કરીએ તો, હાલ કરીના કપૂરની આમિર ખાન સાથેની ફિલ્મ ‘લાલ સિંહ ચઢ્ઢા’ની રિલીઝની રાહ જોવાઈ રહી છે. જે 14 એપ્રિલ, 2022ના રોજ થિયેટરમાં રિલીઝ થવાની છે. તો બીજી તરફ અક્ષય કુમાર પાસે બચ્ચન પાંડે, રામ સેતુ, રક્ષાબંધન, પૃથ્વી રાજ, સિન્ડ્રેલા અને ઓએમજી 2 સહિતની ફિલ્મો છે.