વાંદરાએ બીજા માળેથી ઈંટ ફેંકી, નીચે શોપિંગ કરનાર વ્યક્તિને લાગી ; જાણો પછી શું થયું ?

દિલ્હીમાં વાંદરો એક વ્યક્તિ ના મૃત્યુ નું કારણ બન્યો છે. તે માણસ નીચેની બજારમાં ખરીદી કરી રહ્યો હતો, જ્યારે બીજા માળે બેઠેલા વાંદરાએ એક ઈંટ નીચે ફેંકી જે સીધી વ્યક્તિ ના માથામાં લાગી અને તેનું મૃત્યુ થયું. આ પહેલા પણ વાંદરા ને લગતી ઘણી ઘટનાઓ સામે આવી છે.

વાંદરા ને કારણે એક વ્યક્તિ નું મોત થયું. વાસ્તવમાં, ઘરના બીજા માળે છત પર બેઠેલા વાંદરા એ એક ઈંટ ઉપાડી અને તેને નીચે ફેંકી દીધી, જે શોપિંગ કરી રહેલા વ્યક્તિ ને લાગી અને તેનું મૃત્યુ થયું. મૃતક નું નામ મોહમ્મદ કુરબાન છે. આ ઘટના નવી દિલ્હી ના નબી કરીમ વિસ્તારમાં બની હતી.

આ કારણે અકસ્માત થયો

ડેઇલી સ્ટાર ના અહેવાલ મુજબ, પોલીસ નું કહેવું છે કે બિલ્ડિંગ ના માલિકે તેની ટાંકી પર ઇંટ રાખી હતી. જેથી વાંદરાઓ ઢાંકણ ખોલી ન શકે. જ્યારે વાંદરાઓ નું એક જૂથ ત્યાં પહોંચ્યું ત્યારે તેઓએ ઇંટો દૂર કરવાનું શરૂ કર્યું. આ દરમિયાન એક વાંદરાએ ઈંટ ઉપાડી ને હવામાં ફેંકી દીધી, જે નીચેના માણસના માથા પર લાગી, જેને લીધે તે વ્યક્તિ નું મોત થયું.

મકાન માલિક એ બેદરકારી બતાવી

પોલીસ ને પડોશની છત પર પણ ઇંટ જોવા મળી છે. માનવામાં આવે છે કે વાંદરાઓ પાણી માટે ઇંટો દૂર કરી રહ્યા હતા ત્યારે એક ઇંટ નીચે પડી ગઈ હતી. આ ઘટના સોમવારે બની હતી. પોલીસ નું કહેવું છે કે આ કેસમાં બિલ્ડિંગ માલિક ની બેદરકારી સામે આવી છે. જો તેણે છત પર ઈંટ ન છોડી હોત તો મોહમ્મદ કુરબાન નો જીવ ન ગયો હોત. જ્યારે અકસ્માત થયો ત્યારે મૃતક થોડી ખરીદી કરી રહ્યો હતો.

અત્યાર સુધી ઘણા અકસ્માતો થયા છે,

ઉત્તર પ્રદેશ અને દિલ્હીમાં વાંદરાઓના કારણે ઘણા અકસ્માતો થયા છે. ખોરાક ની શોધમાં, વાંદરા રહેણાંક વિસ્તારોમાં જાય છે, અને આ દરમિયાન તેઓ લોકો સાથે સંઘર્ષ કરે છે. ઘણી વખત ખોરાક ન મળવા ને કારણે વાંદરાઓ આક્રમક બની જાય છે. થોડા સમય પહેલા એક નેતા ની પત્ની નું પણ છત પર થી પડવાથી મૃત્યુ થયું હતું. મહિલા વાંદરાઓ ને જોઈને ખૂબ જ ડરી ગઈ હતી અને તેમનાથી બચવાના પ્રયાસમાં તે છત પરથી નીચે પડી ગઈ હતી.