વિકી કૌશલ અને કેટરિના કૈફના લગ્ન અત્યારે બી-ટાઉનનો સૌથી હોટ ટોપિક છે. એક પછી એક આને લગતી અનેક વિગતો મીડિયા સામે આવી રહી છે. એ જ રીતે, થોડા દિવસો પહેલા, એક અહેવાલમાં ખુલાસો થયો કે દંપતીએ મહેમાનો માટે લગ્નની કેટલીક શરતો મૂકી છે, જેમાં ફોટોગ્રાફી ન કરવી, સોશિયલ મીડિયા પર તસ્વીર શેર ન કરવી વગેરે સહિતની શરતો છે. શું આ શરતો ખરેખર સાચી છે?
9 ડિસેમ્બરે છે લગ્ન
મીડિયા રિપોર્ટ્સ અનુસાર, વિકી અને કેટરીના 9 ડિસેમ્બરે લગ્નના બંધનમાં બંધાશે. અને તે પહેલા, 7 અને 8 ડિસેમ્બરના રોજ, પરિવાર 700 વર્ષ જુના કિલ્લામાં બનાવાયેલ રિસોર્ટ સવાઈ માધોપુરમાં ‘સિક્સ સેન્સ ફોર્ટ બરવારા’ ખાતે પ્રિ વેડિંગ વિધિઓ યોજવાના છે –
ગેસ્ટ થયા નારાજ
વિકી કૌશલ અને કેટરિના કૈફના એક નજીકના સહયોગીએ બોલિવૂડ હંગામાને જણાવ્યું હતું કે, “છેલ્લા કેટલાક દિવસોમાં આ સૌથી હાસ્યાસ્પદ સમાચાર છે કે લગ્નના મહેમાનો તેમના મોબાઈલ લઈ શકતા નથી. લગ્નમાં આવવા માટે આવી શરતો કોણ મૂકે છે? પરંતુ તેઓ આમંત્રિતોને સ્થળ પર હોય ત્યારે બહારની દુનિયા સાથેના તમામ સંપર્કને તોડી નાખવાનું કેવી રીતે કહી શકે. આ લગ્ન છે કે પછી ગુટનિરપેક્ષ શિખર સંમેલન?”
નથી લઈ જઈ શકતા ફોન
આ દરમિયાન, એક અગ્રણી ફિલ્મ નિર્માતા આશ્ચર્યચકિત થાય છે કે શું વિકી કૌશલ અને કેટરિના કૈફ ખરેખર લગ્ન કરી રહ્યા છે? કારણ કે તેમને હજુ સુધી આમંત્રણ મળ્યું નથી. ડિરેક્ટરે કહ્યું, ‘શું તેઓ ખરેખર 9 ડિસેમ્બરે લગ્ન કરી રહ્યા છે? મને હજુ સુધી કોઈ આમંત્રણ મળ્યું નથી. હોય તો પણ લગ્નમાં મોબાઈલ ફોન પર પ્રતિબંધ મૂકી શકાય નહીં. આપણા બધાનો પરિવાર, બાળકો, માતાપિતા છે. તમે તેની સાથે આ રીતે વાત કર્યા વિના લગ્નમાં કેવી રીતે હાજરી આપશો?
આ શરતોનું કરવું પડશે પાલન
આ પહેલા એક અહેવાલ મુજબ, કેટરિના અને વિકીના લગ્નમાં હાજરી આપવા માટે કેટલીક શરતો છે. જેમ કે લગ્નની હાજરી જાહેર ન કરવી, ફોટોગ્રાફી ન કરવી, તસવીરો શેર કરવી નહીં, સોશિયલ મીડિયા પર લોકેશન અપડેટ કરવું નહીં. અને જ્યાં સુધી તમે લગ્ન સ્થળ પર હોવ ત્યાં સુધી તમારો બહારની દુનિયા સાથે કોઈ સંપર્ક નહિ થાય.