રણવીર સિંહને બોલિવૂડનો પાવરહાઉસ એક્ટર માનવામાં આવે છે. તેની અનોખી ફેશન અને જબરદસ્ત ઉત્સાહથી ચાહકોને આશ્ચર્યચકિત કરે છે. રણવીર સિંહ જ્યારે ફિલ્મ ઈન્ડસ્ટ્રીમાં આવ્યો ત્યારે તે એક સામાન્ય છોકરા જેવો લાગતો હતો, પરંતુ આજે તેના લુક પાછળ છોકરીઓ પાગલ છે. રણવીર આજે નિર્માતાઓ અને નિર્દેશકો માટે સફળતાની બાંયધરી બની ગયો છે. રણવીર ગમે તે ફિલ્મમાં કામ કરે છે તે ફિલ્મ જબરદસ્ત હિટ રહે છે. હાલમાં જ બોલિવૂડ એક્ટર રણવીરસિંહે તેનો 36મો જન્મદિવસ ઉજવ્યો હતો. આ પ્રસંગે સેબેસ સહિત લાખો ચાહકોએ તેને સોશિયલ મીડિયા પર અભિનંદન આપ્યા હતા.
મળતી માહિતી મુજબ આના એક દિવસ પછી જ રણવીરસિંહે તેના ગેરેજમાં બીજી લક્ઝરી કાર લાવી દીધી છે. અભિનેતાએ હવે મર્સિડીઝ મેબૈક જીએલએસ 600 ખરીદી છે જે ગયા મહિને ભારતમાં 2.43 કરોડ રૂપિયા (એક્સ-શોરૂમ, ભારત)માં લોન્ચ કરવામાં આવી હતી. આ ભારતની એક સૌથી મોંઘી કાર છે.
વર્ષ 2019માં જ રણવીરે લેમ્બોર્ગિની ઉરૂસ પર્લ કેપ્સ્યુલ ડિઝાઇન વર્જનની ડિલિવરી લીધી હતી. પર્લ કેપ્સ્યુલ કાર પણ માર્ચમાં લોન્ચ કરવામાં આવી હતી, જેની કિંમત મોડેલ કરતા લગભગ 20 ટકા વધારે હતી. લેમ્બોર્ગિની ઉરૂસ પર્લ કેપ્સ્યુલ ડિઝાઇનનો ભારતમાં ભાવ ૩.15 કરોડ (એક્સ-શોરૂમ) છે.
મર્સિડીઝ કાર પણ રણવીરને ઘણી પસંદ છે. રણવીર સિંહ પાસે મર્સિડીઝ બેન્ઝ જીએલએસ જેવી સરસ એસયુવી કાર છે. મર્સિડીઝ મેબૈક જીએલએસ 600ની વાત કરીએ તો આ કાર સ્ટાંડર્ડ વર્જન કરતા અનેક ગણી વધુ પ્રીમિયમ છે. મેબેક જીએલએસ 600 એસયુવી વુડન ઇન્સર્ટ્સ, નાપા લેધર, 12.3-ઇંચ ફુલ ડિજિટલ ઇન્સ્ટ્રુમેન્ટ ક્લસ્ટર, હેંડરાઇટીંગ રીકગેનાઇજ, ફિચર્સ કંટ્રોલ અને સાથે એમબીયુએક્સ ઇંટરફેસ સાથે 12.3 ઇંચની ઇન્ફોટેનમેન્ટ સિસ્ટમ, ઇલેક્ટ્રિકલી-ઓપનિંગ પેનોરેમિક સ્લાઇડિંગ / સનરૂફને અપારદર્શક રોલર બ્લાઇન્ડ સાથે મળે છે.
રણવીર અને દીપિકા પાસે પણ ઓસ્ટિન માર્ટિન રેપિડ એસ જેવી લક્ઝુરિયસ કારોના માલિક પણ છે. 4 દરવાજાઓવાળી આ કારની સુંદરતા લોકોને દિવાના બનાવે છે. આ કારમાં 6 એલ.વી V12નું એન્જિન છે જે 552Bhpનો પાવર આપે છે. આ કારની કિંમત 3.29 કરોડ રૂપિયા છે. જાણવા મળ્યુ છે કે વર્ક ફ્રન્ટ પર રણવીર સિંહ તેની આગામી ફિલ્મ 83માં કપિલ દેવનું પાત્ર ભજવશે.
આ ફિલ્મ 1983ના વર્લ્ડ કપ પર આધારિત છે જ્યારે ભારતે પ્રથમ વખત વર્લ્ડ કપ જીત્યો હતો. જો કે રણવીરે આ અગાઉ પણ બાળપણની એક વાત શેર કરી હતી જે ક્રિકેટ સાથે સંબંધિત હતી. રણવીરે કહ્યું હતું કે તે શાળાના દિવસો દરમિયાન ખાર જીમખાના ખાતે તેના મિત્ર સાથે મહિન્દર અમરનાથ પાસેથી કોચિંગ લેવા માંગતો હતો. જો કે તે પ્રેક્ટિસ સેશન માટે મોડો પહોંચ્યો હતો અને અમરનાથે જ્યારે તેને રમતા જોયો ત્યારે રીજેક્ટ કરી દીધો હતો.