આજના સમયમાં આર્ટિફિશિયલ ઈન્ટેલિજન્સની માગ વધી રહી છે, ત્યારે વૈજ્ઞાનિકોની ટીમે આર્ટિફિશિયલ ઇન્ટેલિજન્સના એવા ટૂલ વિકસાવ્યા છે, જે કોરોના વાયરસથી સંક્રમિત લોકોની સારવારમાં ખૂબ ઉપયોગી થઈ શકે છે.
આંતરરાષ્ટ્રીય સંશોધકોની ટીમે એક એવું સાધન વિકસાવ્યું છે જે હોસ્પિટલમાં દાખલ કોવિડ -19 દર્દીને કેટલા વધારાના ઓક્સિજનની જરુર છે તેની આગાહી કરી શકે છે. આર્ટિફિશિયલ ઇન્ટેલિજન્સ સાધનોની ચોકસાઈની ખાતરી કરવા માટે, પાંચ કોન્ટિનેન્ટના ઘણા દેશોની અનેક હોસ્પિટલોમાં તેનું પરીક્ષણ કરવામાં આવ્યું હતું. આ અભ્યાસ હેઠળ, ઈમરજન્સી વિભાગમાં દર્દીના આગમન પછી 24 કલાકની અંદર ઓક્સિજન ઘટવાનો અંદાજ હતો.
નેચર મેડિસિન જર્નલમાં ગુરુવારે વિશ્વભરમાં આશરે 10,000 કોવિડ -19 દર્દીઓ પર હાથ ધરાયેલા અભ્યાસના પરિણામો અને વિશ્લેષણ પ્રકાશિત થયા હતા. આ તકનીક હેઠળ, કોવિડ -19 ના લક્ષણો ધરાવતા હોસ્પિટલમાં દાખલ દર્દીઓના છાતીના એક્સ-રે અને ઇલેક્ટ્રોનિક હેલ્થ ડેટાના વિશ્લેષણ માટે ગાણિતિક પદ્ધતિનો ઉપયોગ કરવામાં આવ્યો હતો. આ પછી, વિશ્લેષણને આર્ટિફિશિયલ ઇન્ટેલિજન્સ ટૂલ બનાવવા માટે જોડવામાં આવ્યું.
હોસ્પિટલોમાં આ સાધન ખૂબ જ ઉપયોગી બની શકે છે
આ અભ્યાસનું સંશોધન કરનાર કેમ્બ્રિજ યુનિવર્સિટીના પ્રોફેસર ફિયોના ગિલબર્ટે જણાવ્યું હતું કે, ” વિવિધ સર્વે મોડેલોને સામૂહિક રીતે સમજવાના આ અભિગમે હોસ્પિટલો માટે આર્ટિફિશિયલ ઇન્ટેલિજન્સની ઈનોવેશનને ઉપયોગી બનાવી છે. અભ્યાસના ફર્સ્ટ રાઈટર ઇટ્ટાઇ ડીયોને જણાવ્યું કે ” સામાન્ય રીતે આર્ટિફિશિયલ ઇન્ટેલિજન્સના વિકાસમાં, જ્યારે તમે ડેટા એકસાથે મૂકો છો, ત્યારે તે અન્ય કોઈ હોસ્પિટલ માટે સારી રીતે કામ કરતું નથી, ”
તમામ દેશોમાંથી એકત્રિત કરાયેલ ડેટા
દુનિયાના વિવિધ દેશોમાંથી ડેટા એકત્રિત કરવો (કોરોનાવાયરસ પર અભ્યાસ), અભ્યાસમાં ઉચ્ચ-ગુણવત્તાવાળા અંદાજો બનાવવા માટે માત્ર બે અઠવાડિયા લાગ્યા. હોસ્પિટલોમાં તેનો કેટલો સમય ઉપયોગ થશે, તે હજુ સ્પષ્ટ નથી. પરંતુ અભ્યાસમાં તે એટલું સ્પષ્ટ થઈ ગયું છે કે તે સારવારમાં ઘણી મદદ કરશે. તમને જણાવી દઈએ કે કોરોના વાયરસ સામેની રસી સમગ્ર વિશ્વમાં હાલ આપવામાં આવી રહી છે, પરંતુ હજી પણ ઘણા ભાગોમાં વાયરસના નવા વેરિયન્ટને કારણે કેસ વધી રહ્યા છે. રોગનો સામનો કરવાની અસરકારક રીતો શોધવાના પ્રયત્નો પણ કરવામાં આવી રહ્યા છે. જેથી આ રોગને જલદીથી હરાવી શકાય.