કેટલાક લોકો તેમના પાલતુ પ્રાણીઓ પાછળ પાગલ હોય છે. તેમને સારી સુવિધાઓ, ખોરાક આપે છે. તેઓ તેમના પર ખુબ જ પ્રેમ વરસાવે છે. લિંકન શાયર માં રહેતી એક છોકરી મેગી જોહ્ન્સન પણ તેમાંથી એક છે. તે તેના બે કબૂતરો પર દર મહિને ત્રીસ હજાર થી ચાલીસ હજાર રૂપિયા ખર્ચ કરે છે. એટલું જ નહીં, તેના કબૂતર પણ ખૂબ ફેશનેબલ છે. તેમનું વોર્ડરોબ જોઈને કોઈ પણ તેમના પર ઈર્ષા કરી શકે છે.
વૈભવી લાઈફ જીવે છે કબૂતર :
મેગી જોહ્ન્સન પ્રાણીઓ અને પક્ષીઓ ને ખૂબ પ્રેમ કરે છે. તેને થોડા સમય પહેલા બે ઘાયલ કબૂતરો મળ્યા હતા. તે તેને ઘરે લઈ આવી અને તેની ખૂબ કાળજી લીધી. બાદમાં તેણે તેમનું નામ સ્કાય અને મૂસ રાખ્યું. તે બંને માટે ડિઝાઇનર ડ્રેસ બનાવે છે અને તેમના પર હજારો રૂપિયા ખર્ચ કરે છે.
અત્યાર સુધી ખર્ચ્યા લાખો રૂપિયા :
મેગી આ કબૂતરો ની ખરીદી, ખોરાક અને અન્ય સુવિધાઓ પર દર મહિને લગભગ ચાલીસ હજાર રૂપિયા ખર્ચ કરે છે. તેના કપડામાં સારું કલેક્શન છે. જેમાં કબૂતરો ના સુંદર ડિઝાઇનર ડ્રેસ છે. તેણે અત્યાર સુધીમાં આ કબૂતરો પર લાખો રૂપિયા ખર્ચ્યા છે.
દરરોજ ફરવા લઈ જાય છે :
મેટ્રો યુકે ના એક રિપોર્ટ અનુસાર, ત્રેવીસ વર્ષીય મેગી કબૂતરો ની સંભાળ અંગે ખૂબ જ સાવધ છે. તે તેમના આરામ ની સંપૂર્ણ કાળજી લે છે. તેણી તેમને નિયમિત ધોરણે ફરવા પણ લઈ જાય છે.
કબૂતર પાસે છે અલગ બેડરૂમ :
તમને સાંભળી ને નવાઈ લાગશે કે મેગીએ આ કબૂતરો માટે અલગ બેડરૂમ પણ બનાવ્યો છે. તેમના માટે સોફ્ટ રમકડાં છે જેથી કબૂતરો તેમની સાથે રમી શકે. મેગી તેના કબૂતરોનું ખુબ સારી રીતે ધ્યાન રાખે છે.
ઘાયલ હાલતમાં જમીન પર પડેલા મળી આવ્યા હતા :
મેગી ને આ બે કબૂતરો ઘાયલ હાલતમાં ક્યાંક પડેલા મળ્યા હતા. ત્યાર થી તેણે તેમની ખૂબ કાળજી લીધી. તેમને ઘણા અઠવાડિયા સુધી ટ્યુબ ની મદદથી ખાવાનું ખવડાવ્યું. આમાંથી મૂસ નામના કબૂતરને માત્ર એક જ આંખ છે. મેગી કહે છે કે આવી પરિસ્થિતિમાં તેના માટે બહાર ઉડવું સલામત નથી. મેગી પાસે પણ આ જ રીતે બચાવેલ એક કૂતરો પણ છે.