વર્લ્ડ કપમાં કેપ્ટન બનવાની આશા અધુરી રહેતાં યુવરાજે હવે છેક કર્યો મોટો ખુલાસો, દર્દ સાથે કહ્યું-મારી જગ્યાએ ધોનીને…

યુવરાજ સિંહ ભારતીય ક્રિકેટ જગતમાં સર્વશ્રેષ્ઠ કેપ્ટન સાબિત થયો છે. તે એક ઓલરાઉન્ડર ખેલાડી છે. યુવરાજ ભારતીય ટીમમાં સભ્ય હતો જેણે 2007નો ટી-20 વર્લ્ડ કપ અને 2011 વર્લ્ડ કપ જીત્યો હતો. આ ડાબોડી બેટ્સમેને બંને ટૂર્નામેન્ટોમાં શાનદાર પ્રદર્શન કરીને તે જીતમાં પોતાનું મહત્વનું યોગદાન આપ્યું હતું. યુવરાજે 10 જૂન 2019ના રોજ આંતરરાષ્ટ્રીય ક્રિકેટને અલવિદા કહ્યું હતું. નિવૃત્તિના બે વર્ષ બાદ યુવરાજે પોડકાસ્ટમાં તેમની કારકિર્દી સાથે જોડાયેલી ઘણી બાબતો વિશે વાત કરી રહ્યો છે.

યુવરાજે કહ્યું છે કે ભારત 2007ના વન ડે વર્લ્ડ કપમાંથી બહાર થઈ ગયું હતું. તે સમયે ભારતીય ક્રિકેટમાં ખૂબ જ ઉથલપાથલ મચી ગઈ હતી. તે દરમિયાન અમારે ઇંગ્લેન્ડ જવાનું હતું. દક્ષિણ આફ્રિકા અને આયર્લેન્ડ સાથે એક મહિનાની સફર હતી. આ સિવાય ટી-20 વર્લ્ડ કપ પણ રમવાનો હતો. આવી સ્થિતિમાં ટીમને 4 મહિના વિદેશમાં રહેવું પડ્યું હતું. તેણે કહ્યું કે ટીમના સિનિયર ખેલાડીઓએ વર્લ્ડ કપ પહેલા બ્રેક લેવાનું વિચાર્યું હતું અને તેઓ ટી-20 વર્લ્ડ કપને ગંભીરતાથી લેતા નહોતા. મેં વિચાર્યું હતું કે ટી-20 વર્લ્ડ કપમાં તમામ સિનિયરોને આરામ કર્યા પછી હું ભારતની કપ્તાની કરીશ અને મને તેની માટે સંપૂર્ણ આશા હતી. પરંતુ બાદમાં જાહેર કરવામાં આવ્યું હતું કે મહેન્દ્ર સિંહ ધોની ટૂર્નામેન્ટમાં ભારતનો કેપ્ટન રહેશે.

યુવરાજે ઝહીર ખાનને લગતી વાતો પણ શેર કરતી હતી સંભળાવી. ગાંગુલી, દ્રવિડ અને સચિને 2007ના ટી-20 વર્લ્ડ કપમાંથી વિદાય કરવાનો નિર્ણય લીધો હતો. આ પછી ઝહિર ખાને ભારતીય ક્રિકેટ બોર્ડ (બીસીસીઆઈ)થી આરામની માંગ પણ કરી હતી. ઝહીરે કહ્યું હતું કે તેણે ઘણી ક્રિકેટ રમી છે. યુવીએ કહ્યું કે મને યાદ છે કે ટી-20 વર્લ્ડ કપની પહેલી મેચ વેસ્ટ ઇન્ડીઝ અને દક્ષિણ આફ્રિકા વચ્ચે હતી. ક્રિસ ગેઈલે 50-55 દડા (50) માં સદી ફટકારી હતી. રાત્રે ઝહિરે મને મેસેજ આપતા કહ્યું કે સારું થયું કે મેં આ ટૂર્નામેન્ટ માટે આરામ કર્યો.

તે પછી પણ અમે વર્લ્ડ કપ જીત્યો. જે દિવસે ફાઈનલ જીતી હતી ત્યારે ઝહિરે ફરીથી મને મેસેજ કર્યો અને કહ્યું હતું કે અરે નહીં! મારે આરામ નહોતો કરવો જોઈતો. મળતી માહિતી મુજબ 2007ના ટી-20 વર્લ્ડ કપમાં યુવરાજે ઇંગ્લેન્ડના સ્ટુઅર્ટ બ્રોડની ઓવરમાં સતત છ સિક્સર ફટકારીને ઇતિહાસ રચ્યો હતો. યુવી અને એન્ડ્રુ ફ્લિન્ટોફ વચ્ચે 1મી ઓવરમાં છ છગ્ગા ફટકારતા પહેલા ભારે દલીલ થઈ હતી. યુવરાજે ફ્લિન્ટોફ સાથેના વિવાદ પર કહ્યું કે મને યાદ છે કે મેં ફ્લિન્ટોફના બોલમાં બે ચોગ્ગાથી ફટકાર્યા હતા અને સ્વાભાવિક છે કે તેને તે ગમ્યું નહી હોય. યુવરાજ સિંહે આ વિશે આગળ કહે છે કે ફ્લિન્ટોફે મને કહ્યું અહીં આવ હું તારી ગરદન તોડી નાખીશ.

આ પછી યુવરાજે કહ્યું કે તે લડાઈ ખૂબ ગંભીર હતી. મને લાગ્યું કે મારે દરેક બોલમાં સિક્સર સુધી પહોંચવું જોઈએ. આ સિવાય રાહુલ દ્રવિડની કેપ્ટનશીપ હેઠળ ભારતીય ટીમ 2007 વર્લ્ડ કપના ગ્રુપ તબક્કામાં બહાર થઈ ગઈ હતી. જે બાદ ભારતીય ટીમની ખૂબ ટીકા થઈ હતી. યુવરાજે તે દરમિયાન બનેલી રસપ્રદ ઘટના વિશે જણાવ્યું છે. યુવીએ કહ્યું કે ભજ્જી અને હું વન ડે વર્લ્ડ કપમાંથી બહાર થયા બાદ લગભગ છુપાઇને ફરી રહ્યાં હતાં. અમે વિચારી રહ્યા હતા કે પંજાબ નથી જવું યાર, બહુ સંભાળવું પડશે.

આ પછી અમે થોડા દિવસ ઇંગ્લેન્ડમાં છુપાયા હતા અને તે પછી અમે ઘરે પાછા ગયા. મને યાદ છે કે ઘરે પાછા ફરતી વખતે એક ટી-શર્ટ પહેરી હતી જેમાં પ્લે હાર્ડ યા ગો હોમ લખેલ હતું. ભજ્જીએ મને ટૂર્નામેન્ટમાંથી બહાર નીકળ્યા પછી ઘરે જતાં હોવાથી તેને બદલવા કહ્યું. ભજ્જીએ કહ્યું કે જો કોઈ આ ટી-શર્ટ પહેરેલું જોશે તો લોકો આપણા પર હુમલો કરી શકે છે. સામાન્ય રીતે હંમેશાં ધોની અને યુવરાજ વિશે કહેવામાં આવતું હતું કે આ બંને ખેલાડીઓ વચ્ચે મતભેદો છે. પરંતુ આ મુદ્દા પર યુવરાજસિંહે કહ્યું છે કે ધોની સાથે તેની ક્યારેય કોઈ અણબનાવ નહોતો.

મળતી માહિતી મુજબ જે પણ ટીમનો કેપ્ટન બને છે તેને ટેકો આપવો પડે પછી ભલે તે દ્રવિડ, ગાંગુલી હોય કે અન્ય કોઈ. યુવરાજે આ અંગે ખુલાસો કર્યો કે ઇંગ્લેન્ડ સામે છ સિક્સર ફટકાર્યા બાદ ધોની ખૂબ ખુશ હતો. યુવીએ કહ્યું મને લાગે છે કે એમએસ ખૂબ ખુશ હતો. જો તમે કેપ્ટન છો અને બીજો ખેલાડી સિક્સર ફટકારવા જઈ રહ્યો છે તો તમને ખુશી થશે કે સ્કોર વધી રહ્યો છે. અમારા માટે તે રમત જીતવી ખૂબ જ મહત્વપૂર્ણ હતી. યુવરાજની હાલમાં ફુલ ટાઈમ કોચ બનવાની કોઈ યોજના નથી. પરંતુ તે પંજાબના યુવા ક્રિકેટરો સાથે કામ કરવા અને તેમને આવતી કાલના સુપરસ્ટાર બનાવવા માટે ઉત્સુક છે.

યુવરાજે કહ્યું મને નથી લાગતું કે હું લાંબા સમય સુધી કોચિંગ આપી શકું કારણ કે આ સિવાય પણ ઘણું બધું કરવા માટે છે. હું કદાચ એ છોકરાઓ સાથે કામ કરીશ જે મને પસંદ છે. જો હું એક અથવા બે મહિના તેમની સાથે ગાળીશ તો જ આ થશે. રમતની સાથે હું તેની શબ્દભંડોળ પર પણ ધ્યાન આપીશ. કેટલાક છોકરાઓ અંગ્રેજી એટલી સારી રીતે બોલી શકે છે કે આ ભાષા જાણનારાઓ પણ થાપ ખાઈ જાય. અમારા કેપ્ટન હરભજનસિંહે આ નિયમ બનાવ્યો છે કે રવિવારે પંજાબની ટીમમાં અંગ્રેજી દિવસ રહેશે. જે પણ આ નિયમ તોડે છે અને પંજાબીમાં બોલવાની ભૂલ કરે છે તેને એક હજાર રૂપિયા દંડ ભરવો પડશે.