અમેરિકાના શેર બજારે ભારતીય કર્મચારીઓને બનાવી દીધા કરોડપતિ, અમુકની ઉંમર તો છે 30 વર્ષની

ભારતીય બિઝનેસ સોફ્ટવેર ઉત્પાદક ફ્રેશવર્કસના 500 કર્મચારીઓ એક ક્ષણમાં કરોડપતિ બની ગયા છે. યુએસ સ્ટોક એક્સચેન્જ નાસ્ડેકમાં ફ્રેશવર્કના શેરોની લિસ્ટિંગ હતી. તેના કારણે કર્મચારીઓને મળતા શેરના ભાવ અચાનક વધી ગયા. કંપનીએ આઈપીઓ દ્વારા 1.03 અબજ ડોલર એકત્ર કર્યા છે. કંપનીએ તમિલનાડુના નાના શહેર ત્રિચીમાં 700 ચોરસ ફૂટના વેરહાઉસથી શરૂઆત કરી હતી. હવે તેની ઓફિસો ચેન્નઈ,અને કેલિફોર્નિયા છે.

36 ડોલર પર શેર્સની લિસ્ટિંગ

ફ્રેશવર્કની લિસ્ટિંગ બુધવારે નેસ્ડેક પર પ્રતિ શેર 36 ડોલરના ભાવે થઈ. આ પછી, શેર 25%ના વધારા સાથે 48 ડોલરના ભાવે પહોંચ્યો. આનાથી કંપનીની માર્કેટ કેપ વધીને 13 અબજ ડોલર થઈ, જે કર્મચારીઓને મળતા શેરના ભાવમાં પણ વધારો કરે છે. કંપનીએ IPO માં 2.85 કરોડ શેર વેચ્યા હતા. એક શેરની કિંમત 36 ડોલર નક્કી કરવામાં આવી હતી.

રોકાણકારોને ફાયદો થયો

કંપનીના સીઈઓ ગિરીશ માત્રુબુથમે જણાવ્યું હતું કે આ લિસ્ટિંગથી કંપનીના રોકાણકારો એક્સેલ અને સિકોઈયાને ઘણો ફાયદો થયો છે. આ સાથે કંપનીના લગભગ 500 કર્મચારીઓ કરોડપતિ બન્યા છે. તેમણે કહ્યું કે કંપનીના કર્મચારીઓ અને રોકાણકારોએ અમારા પર વિશ્વાસ કર્યો, જેનાથી હવે તેમને ફાયદો થયો છે. હવે જાહેર રોકાણકારો પ્રત્યે મારી નવી જવાબદારી છે, કારણ કે આ લોકોએ કંપનીની ભાવિ સંભાવનાઓમાં રોકાણ કર્યું છે. તેણે કહ્યું કે હું આ ક્ષણે અનુભવું છું, જેમ કે ભારતીય ઓલિમ્પિકમાં સુવર્ણ ચંદ્રક જીતતી વખતે અનુભવે છે.

ફ્રેશવર્કસ, ઇન્ફોસિસ, વિપ્રો, એચડીએફસી બેન્ક, ડો.રેડ્ડીઝ લેબ જેવી કંપનીઓ આ યાદીમાં જોડાઇ છે. તે બધા અમેરિકાના નાસ્ડેક એક્સચેન્જમાં લિસ્ટેડ છે. ઇન્ફોસિસને સૌપ્રથમ 1999 માં નાસ્ડેક એક્સચેન્જમાં લિસ્ટ કરવામાં આવી હતી.

76% કર્મચારીઓ પાસે શેર છે

કંપનીના 76% કર્મચારીઓ પાસે શેર છે. 76% એટલે કે 4,300 કર્મચારીઓ શેર ધરાવે છે. કરોડપતિ બનેલા 500 કર્મચારીઓમાંથી 70 ની ઉંમર 30 વર્ષથી ઓછી છે. આ કર્મચારીઓ તેમની કોલેજની ડિગ્રી પૂર્ણ કર્યા બાદ થોડા વર્ષો પહેલા કંપનીમાં જોડાયા હતા. કંપનીએ નવેમ્બર 2019 માં સેક્વોઇયા અને એક્સેલ જેવા રોકાણકારો પાસેથી 3.5 અરબ ડોલરના મૂલ્ય પર સિકોઈયા અને એક્સેલ જેવા રોકાણકારો પાસેથી 15.4 કરોડ ડોલર એકત્ર કર્યા હતા.

યુ.એસ.માં લિસ્ટ થનારી પ્રથમ ભારતીય સોફ્ટવેર પ્રોડક્ટ કંપની

ફ્રેશવર્ક્સ યુએસ નાસ્ડેક સ્ટોક એક્સચેન્જમાં લિસ્ટેડ થનારી પ્રથમ ભારતીય સોફ્ટવેર પ્રોડક્ટ કંપની છે. કંપની આઈપીઓમાંથી એકત્ર કરેલા નાણાંનો ઉપયોગ કાર્યકારી મૂડી, સંચાલન ખર્ચ અને અન્ય ખર્ચ માટે કરશે. કંપની અન્ય કંપનીના હસ્તાંતરણ માટે પણ અમુક રકમનો ઉપયોગ કરશે.

કંપનીની શરૂઆત 2010 માં થઈ હતી

ફ્રેશવર્કની સ્થાપના 2010 માં ચેન્નઈમાં કરવામાં આવી હતી. તેનું અગાઉનું નામ ફ્રેશડેસ્ક હતું. 2017 માં તેનું નામ બદલીને ફ્રેશવર્ક કરવામાં આવ્યું. તેના 52,500 થી વધુ ગ્રાહકો છે. આ કંપનીના લિસ્ટિંગ પછી, આવી ઘણી કંપનીઓ હવે લિસ્ટિંગ માટે વિદેશી બજારોમાં જઈ શકે છે.