બોલિવૂડ એક્ટર આર માધવનને કોઈ પરિચયની જરૂર નથી. અલબત્ત, તેમની ફિલ્મોનો આંકડો બાકીના કલાકારો કરતા ઓછો હશે, પરંતુ તેમણે દર્શકો પર પોતાના દરેક પાત્રની છાપ એવી રીતે છોડી દીધી છે કે તેમને જોનાર દરેક વ્યક્તિ તેમના પાત્ર અને તેમના ડાયલોગ ખૂબ જ સારી રીતે જાણે છે. પરંતુ આર માધવનની ફિલ્મોની પસંદગીની સાથે તેણે જે લાઈફ પાર્ટનર પસંદ કર્યો તે કોઈથી કમ નથી.
આર માધવનની પત્નીનું નામ સરિતા બિરજી છે. સરિતા વ્યવસાયે એર હોસ્ટેસ રહી ચુકી છે. આ બંનેએ તાજેતરમાં લગ્નના 21 વર્ષ પૂરા કર્યા છે. બંનેની લવસ્ટોરીની વાત કરીએ તો તેમની લવસ્ટોરી ફિલ્મી પુસ્તક જેવી રહી છે. મહારાષ્ટ્રના કોલ્હાપુરમાં થઈ પહેલી મુલાકાત ક્યારે લગ્નના બંધન સુધી પહોંચી ગઈ તેની પણ તેમને ખબર નથી.
વાત જાણે એમ છે કે જ્યારે આર માધવન પબ્લિક સ્પીકિંગ માટે ક્લાસ આપી રહ્યા હતા, તે દરમિયાન તેમની નજર સરિતા પર ટકેલી હતી. કલાસીસ દરમિયાન રોજ મળવાનું થતું રહેતું હતું.. કોર્સ પૂરો થતાં સરિતા એર હોસ્ટેસ બની ગઈ. જે બાદ તે આર માધવનને ધન્યવાદ કહેવા પહોંચી અને ડિનર માટે પણ આમંત્રણ આપ્યું. સરિતા આર માધવનની વિદ્યાર્થીની હતી.
.
આર માધવને થોડા વર્ષો પહેલા તેની લવ સ્ટોરી વિશે વાત કરતા કહ્યું હતું કે સરિતા મારી સ્ટુડન્ટ હતી. જ્યારે કોર્સ પૂરો થયો, ત્યારે તેણે મને એક દિવસ ડિનર માટે આમંત્રણ આપ્યું. હું એક શ્યામ છોકરો હતો, તેથી મારા મગજમાં એવું આવ્યું કે આ મારા માટે સારી તક છે. ધીમે ધીમે અમારી મુલાકાત વધવા લાગી, મિત્રતા થઈ અને આ મિત્રતા 8 વર્ષના લાંબા સંબંધમાં ક્યારે બદલાઈ ગઈ ખબર નથી પણ મને તેમની કંપની ગમવા લાગી હતી.
તમિલ રિવાજો સાથે, આર માધવન સરિતાને તેની દુલહન બનાવીને લઈ આવ્યો હતો. બંનેએ લગ્નના 21 વર્ષ પૂર્ણ કર્યા છે. તેમને વેદાંત નામનો પુત્ર પણ છે. વેદાંત પણ તેના પિતાની જેમ ખૂબ જ પ્રતિભાશાળી છે. ઘણીવાર આર માધવન તેના ફેન્સ સાથે તેના પરિવારની સુંદર તસવીરો શેર કરે છે.