હાલના સમયમાં ઝડપથી વધતું વજન લોકો માટે મોટી મુસીબતનું કારણ બની ગયું છે. હેલ્થ એક્સપર્ટનું માનીએ તો વજન વધવાના કારણે ઘણા ગંભીર રોગોનું જોખમ વધવા લાગે છે. નિષ્ણાંતો ડાયાબિટીસ, હ્રદયના રોગો તેમજ અનેક પ્રકારના માનસિક રોગો માટે વજનમાં વધારો પણ એક પરિબળ માને છે. આ જ કારણ છે કે તમામ લોકોને તેમના વજનને નિયંત્રણમાં રાખવા માટેના ઉપાયો કરતા રહેવાની સલાહ આપવામાં આવે છે. પરંતુ શું વજન ઓછું કરવું એટલું સરળ છે? જવાબ છે હા, સૂતા સુતા પણ વજન આસાનીથી ઘટાડી શકાય છે, બસ પદ્ધતિઓ જાણવી જોઈએ.
સ્વાસ્થ્ય નિષ્ણાતોના મતે, ઘણા અભ્યાસો ઊંઘ અને વજન વચ્ચેનો સંબંધ દર્શાવે છે. રાત્રે ઉંઘ ન આવવાથી તમે માત્ર ચિડાઈ જશો એવું નથી, પરંતુ તેનાથી તમારું વજન પણ વધી શકે છે. જો સૂતા પહેલા કેટલાક ઉપાય કરવામાં આવે તો વજન સરળતાથી ઘટાડી શકાય છે. તો ચાલો જાણી લઈએ એ વિશે વધુ
ઊંઘ અને વજનનો સંબંધ
સ્વાસ્થ્ય નિષ્ણાતોના મતે, દરેક વ્યક્તિ માટે રાત્રે ઓછામાં ઓછા આઠ કલાકની ઊંઘ લેવી જરૂરી છે, જેના કારણે શરીરમાં સ્ટ્રેસ હોર્મોન કોર્ટિસોલનું સ્તર વધે છે. કોર્ટિસોલમાં વધારો થવાને કારણે, આંતરડામાં રહેલા સૂક્ષ્મજીવાણુઓ પર નકારાત્મક અસર થઈ શકે છે, જે ચયાપચયની ગતિને ધીમો પાડે છે. આ સિવાય ઊંઘ ન આવવાને કારણે ભૂખના હોર્મોન્સ પર પણ અસર થઈ શકે છે, જેના કારણે જંક ફૂડ ખાવાની ઈચ્છા વધારે થાય છે. આ સીધા વજનમાં વધારો અને અન્ય ગૂંચવણો તરફ દોરી શકે છે.
ગ્રીન ટી પીઓ
અમેરિકન જર્નલ ઑફ ક્લિનિકલ ન્યુટ્રિશનમાં વર્ષ 2016માં પ્રકાશિત થયેલા એક અભ્યાસ અનુસાર, ગ્રીન ટીમાં જોવા મળતા ફ્લેવોનોઈડ્સ મેટાબોલિઝમ વધારે છે. તેનું સેવન કરવાથી તમે રાતોરાત 3.5 ટકા વધુ કેલરી બર્ન કરી શકો છો. ગ્રીન ટીમાં જોવા મળતા કેટેચિન સંયોજનો બ્રાઉન ફેટને વધારે છે, જે વજન ઘટાડવામાં મદદરૂપ હોવાનું માનવામાં આવે છે.
ઇન્ટરમીંટેટ ફાસ્ટિંગ કરો
જોન્સ હોપકિન્સ મેડિસિનનાં ડોકટરો અનુસાર, ઈન્ટરમીંટેટ ફાસ્ટિંગ વજન ઘટાડવામાં પણ મદદ કરી શકે છે. જેમાં પુરૂષોએ 16 કલાક અને મહિલાઓએ 14-15 કલાક ઉપવાસ કરવાના હોય છે. આ ઉપાયનો ઉપયોગ કરીને તમે ઝડપથી વજન ઘટાડી શકો છો.
કેસીન પ્રોટીન શેક પીવો
વૈજ્ઞાનિકોના મતે, કેસીન એ ધીમા-પચતું ડેરી પ્રોટીન છે જે લોકો પૂરક તરીકે લે છે. તે એમિનો એસિડને ધીમે ધીમે મુક્ત કરે છે, તેથી લોકો ઘણીવાર સૂવાના સમય પહેલાં તેનું સેવન કરે છે. કેટલાક અભ્યાસોએ દર્શાવ્યું છે કે તે વજન ઘટાડવામાં તેમજ સ્નાયુઓની વૃદ્ધિને પ્રોત્સાહન આપવામાં મદદ કરે છે.