આ દેશમાં સરકારની મંજૂરી વિના મોબાઈલ નથી ખરીદી શકાતો, ટીવી જોવા માટે પણ લેવી પડે છે પરવાનગી
વિશ્વના દરેક દેશનો પોતાના કાયદા હોય છે. જ્યાં જનતાએ તે કાયદા પ્રમાણે ચાલવું પડે છે. પરંતુ ઘણા દેશોમાં એવા કાયદા છે કે જેના વિશે તમે જાણતા પણ નથી હોતા. આપણા દેશમાં, ટીવી જોવા અને મોબાઈલ ખરીદવા માટે કોઈની પરવાનગી લેવાની જરૂર નથી. પરંતુ આફ્રિકાના કોઈ દેશમાં, આ બધી બાબતો માટે પણ સરકારની મંજૂરી લેવી પડે છે. ખરેખર, આફ્રિકન દેશ ઈરિટ્રિયામાં, આ બધા કામો માટે સરકારની મંજૂરી લેવી પડેશે. આ દેશ ઈરિટ્રિયા રાજ્ય તરીકે પણ ઓળખાય છે.
આ દેશમાં માત્ર એક જ રાજકીય પક્ષ સત્તામાં રહે છે અને બીજો પક્ષ બનાવવો ગેરકાનૂની છે. એટલું જ નહીં, જેના કારણે સરકાર પોતાની મનસ્વી કામગીરી કરે છે અને નાગરિકોને રોજિંદી જરૂરિયાતો માટે પણ સરકાર પાસેથી મંજૂરી લેવી પડે છે જેમ કે બેંકમાંથી નાણાં ઉપાડવા, ફોન અથવા સિમ ખરીદવા. તમને જણાવી દઈએ કે તમને આ દેશમાં એક પણ એટીએમ જોવા મળશે નહીં. જેના કારણે લોકોએ બેંકમાંથી જ પૈસા ઉપાડવા પડે છે. આટલું જ નહીં, સરકારના નિયમો અનુસાર, એક મહિનામાં ફક્ત 23,500 રૂપિયા બેંક ખાતામાંથી ઉપાડી શકાય છે.
જેના કારણે લોકો ભારે હાલાકી ભોગવી રહ્યા છે. જોકે લગ્ન જેવા પ્રસંગોએ કેટલીક છૂટ આપવામાં આવે છે, પરંતુ જો તમારે કાર ખરીદવી હોય તો તમારે મહિનાઓ સુધી રાહ જોવી પડશે. આપણે આપણા દેશમાં સરળતાથી મોબાઇલ અને સિમ ખરીદી શકીએ છીએ પરંતુ ઈરિટ્રિયામાં આવું કરવું સહેલું નથી. કારણ કે આ માટે પણ સ્થાનિક વહીવટની મંજૂરી લેવી પડશે અને જો તમે સિમ લીધુ હોય તો પણ તમે તેમાં ઇન્ટરનેટનો ઉપયોગ કરી શકતા નથી, કેમ કે સિમમાં મોબાઈલ ડેટા નથી. તે જ સમયે, વિદેશી લોકોએ પણ સરકારને સિમ ખરીદવા માટે અરજી કરવી પડે છે, જેમાં ત્રણથી ચાર દિવસનો સમય લાગે છે. તે પછી જ ટૂરિસ્ટ સિમ આપવામાં આવે છે અને દેશ છોડતા પહેલા તેઓએ સિમ પરત કરવુ પડે છે.
આ સાથે, ઈરિટ્રિયામાં લોકોનું એક જ કમ્યુનિકેશન નેટવર્ક છે એરિટલ. એટલે કે, તમારે દરેક સમયે ફક્ત એક જ કંપનીનો મોબાઇલ નંબર વાપરવો પડશે. તમને જણાવી દઈએ કે ‘એરિટ્રિયા’ એરીટલ એકમાત્ર ટેલિકોમ કંપની છે અને તેનું નિયંત્રણ સરકાર કરે છે. મીડિયા રિપોર્ટ્સ અનુસાર, આ કંપનીની સર્વિસ ખૂબ ખરાબ છે. જેના કારણે લોકોને કોલ કરવા માટે પી.સી.ઓ. જવુ પડે છે.
એટલું જ નહીં, ઈરિટ્રિયા સરકારે દેશના નાગરિકો પર ઘણા નિયમો લાદ્યા છે. આ ઉપરાંત અહીંની સરકાર પણ આખા મીડિયા સિસ્ટમ પર નિયંત્રણ રાખે છે. જેના કારણે તમે ટીવી પર ફક્ત તે જ ચેનલો જોઈ શકો છો જેને સરકાર તમને બતાવવા માંગે છે. જેના કારણે મીડિયા ન તો પોતાનો અવાજ ઉઠાવી શકે છે અને ન સરકાર વિરુદ્ધ કંઈ લખી શકે છે.