પૌરાણિક ભૂમિકાઓ ભજવીને પોપ્યુલર થઈ ટીવીની આ અભિનેત્રીઓ, ફેન્સ રિયલમાં માનવા લાગ્યા હતા દેવી

આજના સમયમાં ટીવી ઈન્ડસ્ટ્રી સાથે જોડાયેલી અભિનેત્રીઓ પણ લોકપ્રિયતાના મામલામાં કોઈથી ઓછી નથી. ટીવી અભિનેત્રીઓ હવે અભિનયની સાથે પોતાની સ્ટાઈલ અને ગ્લેમરસ સ્ટાઈલથી બોલિવૂડ અભિનેત્રીઓને ટક્કર આપે છે. હિના ખાન, સુરભી ચંદનાથી લઈને નિયા શર્મા સુધી આ તમામ અભિનેત્રીઓ તેમની બોલ્ડનેસ માટે જાણીતી છે. સોશિયલ મીડિયા પર તેમની હોટ તસવીરોનો દબદબો છે. પરંતુ કેટલીક અભિનેત્રીઓ એવી છે જેણે સિરિયલમાં પૌરાણિક પાત્રો ભજવીને લોકોને દિવાના બનાવ્યા છે. આજે અમે તમને એવી જ પાંચ ટીવી અભિનેત્રીઓ વિશે જણાવવા જઈ રહ્યા છે જે એમના પૌરાણિક પાત્રોથી ઘર ઘરમાં લોકપ્રિય છે

મૌની રોય

મૌની રોય એક લોકપ્રિય ટીવી અભિનેત્રી છે જે હવે ફિલ્મોમાં દેખાય છે. મૌની રોય ‘દેવો કે દેવ મહાદેવ’માં સતીના રોલમાં જોવા મળી હતી. આ સિરિયલે તેમને ઘર-ઘરમાં ઓળખ આપી. આ પછી અભિનેત્રી ‘નાગિન’માં જોવા મળી હતી. આ સિરિયલે તેની લોકપ્રિયતામાં વધારો કર્યો હતો.

તેજસ્વી પ્રકાશ

ટીવીની લોકપ્રિય અભિનેત્રી તેજસ્વી પ્રકાશ ઘણી સીરિયલ્સમાં જોવા મળી છે. અભિનેત્રી તેજસ્વી પ્રકાશએ સીરિયલ ‘કર્ણસંગિની’માં ઉર્વીનું પાત્ર ભજવ્યું હતું. આ સીરિયલ કર્ણની પત્નીના જીવન પર આધારિત હતી. તેજસ્વીનું આ પાત્ર ચાહકોને ઘણું પસંદ આવ્યું હતું. આ દિવસોમાં તેજસ્વી પ્રકાશ ‘નાગિન 6’માં જોવા મળી રહી છે. તે ‘બિગ બોસ 15’ની વિનર પણ રહી ચૂકી છે.

દેબીના બેનર્જી

દેબીના બેનર્જીએ પોતાના કરિયરની શરૂઆત એક પૌરાણિક સિરિયલથી કરી હતી. દેબીના બેનર્જી પહેલીવાર સીરીયલ ‘રામાયણ’માં સીતાના રોલમાં જોવા મળી હતી. આ સિરિયલમાં ગુરમીત ચૌધરીએ રામનું પાત્ર ભજવ્યું હતું. બંનેની જોડીને ખૂબ પસંદ કરવામાં આવી હતી. આજના સમયમાં બંને એક સાથે લાઈફ એન્જોય કરી રહ્યા છે.

પૂજા શર્મા

સ્ટાર પ્લસ પર પ્રસારિત ‘મહાભારત’માં પૂજા શર્માએ દ્રૌપદીનું પાત્ર ભજવ્યું હતું. આ સીરિયલમાં પૂજા શર્માએ પોતાનું પાત્ર એટલું સરસ રીતે ભજવ્યું હતું કે તેણે થોડા જ સમયમાં ચાહકોના દિલમાં પોતાનું સ્થાન બનાવી લીધું હતું. આજે પણ ચાહકો પૂજા શર્માને ટીવીની દ્રૌપદી કહે છે.

સોનારિકા ભદૌરિયા

સોનારિકા ભદૌરિયા ઘણી ટીવી સીરિયલ્સમાં જોવા મળી છે. પરંતુ ચાહકો તેને સીરિયલ ‘દેવોં કે દેવ મહાદેવ’ માટે યાદ કરે છે. આ સિરિયલમાં સોનારિકાએ પાર્વતીનું પાત્ર ભજવ્યું હતું. સોનારિકાએ પોતાના પાત્રથી ચાહકોનું દિલ જીતી લીધું હતું. ચાહકો ખરેખર સોનારિકાને દેવી માનતા હતા