દયાબેન અને શીંચેને એકસાથે કર્યા ગરબા, તમે પણ જોઈ લો વિડીયો
ટીવી પર આવતી સિરિયલ તારક મહેતા કા ઉલટા ચશ્માંની ફેન ફોલોઇંગનો તો કોઈ જવાબ જ નથી. વર્ષોના વર્ષ વીતી ગયા પણ આજે ય આ ટીવી સિરિયલ લોકો એટલા જ ઉત્સાહથી જોવે છે. એના દરેકે દરેક કેરેકટરે લોકોના દિલમાં એક ખાસ જગ્યા બનાવી લીધી છે. આ સીરિયલમાં જેઠાલાલની પત્ની દયા બેનને પણ લોકો ખૂબ જ પસંદ કરે છે, ખાસ કરીને એમની માસૂમિયતને. એ જેવા સવાલ કરે છે અને જે ખાસ અંદાજમાં વાત કરે છે એની અલગ જ મજા છે.
સિરિયલ ગુમ હે કિસી કે પ્યાર હેની પાખી એટલે કે ઐશ્વર્યા શર્મા સોશિયલ મીડિયા પર ખૂબ જ એક્ટિવ રહે છે. હાલમાં જ એમને એક વિડીયો એમના ઇન્સ્ટાગ્રામ એકાઉન્ટ પર શેર કર્યો છે. આ વીડિયોમાં એક્ટ્રેસ ઐશ્વર્યા શર્મા દયા બેનની કોપી કરતી દેખાય છે. અને આ વીડિયોમાં બતાવવામાં આવ્યું છે કે જો દયાબેન કાર્ટૂન કેરેકટર શીંચેન સાથે ગરબા કરશે તો બન્ને કેવા દેખાશે.
ઐશ્વર્યા શર્માએ સાડી પહેરીને દયાબેનના લુકને કોપી કર્યો છે. એટલું જ નહીં દયા બેનની વાત કરવાની સ્ટાઈલને પણ એમને ખૂબ જ સરસ રીતે કોપી કરી છે. વિડીયોમાં એ દયા ભાભીના અવાજમાં ડાયલોગ બોલતી દેખાઈ રહી છે અને શીંચેનને ગરબા કરવા માટે કહી રહી છે. આ વીડિયો ખૂબ જ મજેદાર છે અને ઐશ્વર્યા શર્માએ ખૂબ જ સરસ રીતે દયાબેનની નકલ કરી છે.લોકો આ વીડિયો પર ઘણી બધી કમેન્ટ્સ કરી રહ્યા છે. કોઈ કહી રહ્યું છે કે નવી દયાભાભી મળી ગઈ તો કોઈ આ વીડિયો જોઈને કહી રહ્યું છે કે હે માઁ માતાજી, જરા જુઓ તો બાપુજી.
ગુમ હે કિસી કે પ્યાર મેં ફેમ ઐશ્વર્યાએ પણ વિડીયો બનાવતી વખતે નહિ વિચાર્યું હોય કે આ વીડિયોને આટલો પસંદ કરવામાં આવશે. જોતજોતામાં આ વીડિયો વાયરલ થઈ ગયો છે અને સોશિયલ મીડિયા યુઝર્સને ખૂબ પસંદ આવી રહ્યો છે. ગુમ હે કિસી કે પ્યાર મેં સિરિયલમાં પાખીનો રોલ કરનાર ઐશ્વર્યા શર્માએ લગભગ દયાબેનના અવાજમાં જ ડાયલોગ બોલ્યા છે. શીંચેન સાથે ગરબાનો આ વીડિયો છે પણ ખૂબ મજેદાર.‘
View this post on Instagram
તમને જણાવી દઈએ કે દયાબેન કોમેડી શો તારક મહેતા કા ઉલટા ચશ્માનું આ પાત્ર દિશા વકાણી ભજવી રહી હતી. પણ એમને શો છોડ્યા પછી હજી સુધી શોમાં બીજી દયા ભાભીની એન્ટ્રી નથી થઈ. શોના ફેન્સને હજી પણ દયાબેનના પરત ફરવાની રાહ છે.