કોરોનાએ અહીં વર્તાવ્યો ફરીથી કહેર, રોજના 1 લાખ કેસ, 8 મહિના બાદ હોસ્પિટલો થઈ ફૂલ
છેલ્લા દોઢેક વર્ષથી કોરોનાએ સમગ્ર દુનિયાને એના સકંજામાં લીધી છે. એવામાં છેલ્લા થોડા મહિનાથી કોરોના અંગે થોડી રાહત જણાઈ રહી હતી એવામાં હવે અમેરિકામાં હાલના સમયે રોજના એક લાખ કરતા પણ વધારે સંક્રમિત મળી રહ્યાં છે અને હજારોથી વધારે લોકોના કોરોનાના કારણે મોત થઈ રહ્યાં છે.
![](https://www.vtvgujarati.com/sites/default/files/news_image/corona-virus-1546.jpg)
દેશભરમાં હોસ્પિટલોમાં છેલ્લા બે મહિનામાં કોરોના દર્દીઓની સંખ્યામાં લગભગ 500 ટકાનો વધારો થયો છે. અમેરિકાના દક્ષિણી પ્રાંત કોરોના સંક્રમણથી સૌથી વધારે પ્રભાવિત છે. જેના કારણે આ વિસ્તારની મોટાભાગની હોસ્પિટલો ફૂલ થઈ ગઈ છે. સંક્રમણમાં વધારો થયો એ પાછળનું કારણ ઓછી રસીકરણ અને માસ્કનો વિરોધ હોવાનું કહેવાય છે.
![](https://images.bhaskarassets.com/web2images/960/2021/08/25/untitled_1629869616.jpg)
યુનિવર્સિટી ઓફ ટેનેસી મેડિકલ સેન્ટરના ડ Dr.. શેનોન બર્ડે આ અંગે કહ્યું છે કે, “મેં ક્યારેય આવી પરિસ્થિતિ જોઈ નથી. સ્થાનિક હોસ્પિટલો દર્દીઓથી ભરેલી છે. મોટાભાગના આઈસીયુમાં રસી વગરના દર્દીઓ હોય છે.” હોસ્પિટલોમાં દર્દીઓની સંખ્યા રેકોર્ડ સ્તરે પહોંચી ગઈ છે. હાલમાં અમેરિકાના હોસ્પિટલોમાં દાખલ દર્દીઓની સંખ્યા એક લાખને પાર કરી ગઈ છે, જે લગભગ આઠ મહિનાની છે. WHOએ યૂરોપીય દેશમાં કોરોના વેક્સીનેશનની ઘીમી ગતિને લઈને ચિંતા વ્યક્ત કરી છે.
![](https://images.news18.com/static-guju/uploads/2020/07/Coronavirus-Tests-India.jpg)
તમને જણાવી દઈએ કે આ વર્ષે 1 ડિસેમ્બર સુધી યૂરોપમાં કોરોનાના કારણે 2 લાખ 36 હજાર લોકોના મોત થઈ શકે છે. યૂરોપીય દેશોમાં હાલમાં કોરોનાના ડેલ્ટા વેરિઅન્ટે કહેર મચાવી દીધો છે. યૂરોપમાં વેક્સીનેશનનમાં ગતિ ધીમી જોવા મળી છે. આ પહેલા સુધી વિશ્વ સ્વાસ્થ્ય સંગઠને ગરીબ દેશોમાં વેક્સીનેશનને લઈને ચિંતા જાહેર કરી છે.
![](https://chitralekha.com/chitralemag/wp-content/uploads/2021/03/1594917346-8714.jpg)
વર્લ્ડ હેલ્થ ઓર્ગેનાઝેશનની યૂરોપીય શાખાના પ્રમુખે કહ્યું કે તેઓ અમેરિકી સરકારના શીર્ષ સંક્રામક રોગ વિશેષજ્ઞની એ વાતથી સહમત છે કે કોરોના વિરોધી વેક્સીનનો ત્રીજો ડોઝ અતિસંવેદનશીલ લોકોને સંક્રમણથી બચવામાં મદદ કરી શકે છે. આ અંગે ડો. હંસ ક્લુગે સંક્રમણના ફેલાવવાને ચિંતાજનક ગણાવ્યું છે અને કહ્યું કે WHO યૂરોપક્ષેત્રમાં 53માંથી 33 દેશમાં છેલ્લા એક અઠવાડિયામાં વધારેને વધારે 10 ટકાથી વધારો નોંધાયો છે.
![](https://static.gujaratsamachar.com/content_image/content_image_14f2e0ec-c813-4e75-b078-552d7ef64218.jpeg)
તમને જણાવી દઈએ કે અમેરિકામાં કોરોનાના કારણે સ્થિતિ ખૂબ જ ભયાવહ થઈ ચૂકી છે. અહીંયા 29 ઓગસ્ટના રોજ 37 હજાર 237 કેસ, 28 ઓગસ્ટના રોજ 81 હજારથી વધુ, 27 ઓગસ્ટના રોજ 1 લાખ 91 હજારથી વધુ કેસ અને 26 ઓગસ્ટના રોજ 1 લાખ 7 હજારથી વધુ કોરોનાના કેસ સામે આવ્યા છે.
![](https://images.bhaskarassets.com/web2images/960/2021/08/31/untitled_1630384092.jpg)
આ ઉપરાંત આખી દુનિયામાં કોરોના વાયરસના કેસ વધીને 21.63 કરોડ થઈ ગયા છે. આ મહામારીથી અત્યાર સુધી 45 લાખથી વધુ લોકોએ જીવ ગુમાવ્યો છે. તો અત્યાર સુધી 5.19 અરબથી વધુ લોકોનું વેકસીનેશન થઈ ચૂકયુ છે આ આંકડા જોનસ હોપકિન્સ યુનિવર્સિટીએ શેર કર્યા છે.
હાલ આખી દુનિયામાં ભરમાં કેસ, મરનારની સંખ્યા અને વેકસીન લેનારની સંખ્યા ક્રમશઃ 216,356,046, 4500291, 5,191,545,258 થઈ ગઈ છે.।