Whatsapp સાથે થયેલા પ્રાઈવસી વિવાદ બાદ હવે ભારતના લોકોને મળશે પોતાની ચેટિંગ એપ
મોદી સરકારે વોટ્સએપ સાથે સ્પર્ધા કરવા માટે સ્વદેશી ઇન્સ્ટન્ટ મેસેજિંગ પ્લેટફોર્મ વિકસાવ્યું છે. આ માહિતી ઈલેક્ટ્રોનિક્સ અને ઈન્ફોર્મેશન ટેકનોલોજી રાજ્ય મંત્રી રાજીવ ચંદ્રશેખરે બુધવારે લોકસભામાં રોડમલ નગર દ્વારા પૂછવામાં આવેલા સવાલના જવાબમાં આપી હતી.
આ એપમાં ચેટ અને ગ્રુપ ચેટની સાથે સાથે તમને ઓડિયો અને વીડિયો કોલિંગની સુવિધા પણ આપવામાં આવી છે. વોટ્સએપની જેમ, વપરાશકર્તાઓ ફોટા, વિડિયોઝ, દસ્તાવેજો, ઓડિઓ અને કોન્ટેક્ટ, વગેરે પોતાને વચ્ચે શેર કરી શકે છે. જો કે, હજી સુધી સંડેસનો ઉપયોગ ફક્ત સરકારી કર્મચારીઓ અને સરકાર સાથે જોડાયેલી એજન્સીઓ વચ્ચે જ આંતરિક રીતે થઈ શકે છે.
રાજીવ ચંદ્રશેખરે જણાવ્યું હતું કે નેશનલ ઇન્ફોર્મેટિક્સ સેન્ટર (NIC), ઇલેક્ટ્રોનિક્સ અને ઇન્ફોર્મેશન ટેકનોલોજી મંત્રાલયે ઇન્સ્ટન્ટ મેસેજિંગ પ્લેટફોર્મ માટે સ્વદેશી સોલ્યુશન SANDES વિકસાવ્યું છે. સન્ડેસ એક ઓપન સોર્સ આધારિત, સુરક્ષિત, ક્લાઉડ સક્ષમ પ્લેટફોર્મ છે જે સરકારી ઈન્ફ્રાસ્ટ્રક્ચર પર હોસ્ટ કરે છે જેથી વ્યૂહાત્મક નિયંત્રણ ભારત સરકાર પાસે રહે.
તેમાં વન-ટુ-વન અને ગ્રુપ મેસેજિંગ, ફાઇલ અને મીડિયા શેરિંગ, ઓડિયો વીડિયો કોલ અને ઇ-ગવર્નન્સ એપ્લિકેશન ઇન્ટિગ્રેશન વગેરે જેવી સુવિધાઓ આપવામાં આવી છે. આ પ્લેટફોર્મ સરકાર દ્વારા ઉપયોગમાં લેવામાં આવી રહ્યું છે અને ગૂગલ પ્લે સ્ટોર અને એપ સ્ટોર પર ઉપલબ્ધ છે.
વોટ્સએપની જેમ, નવા એનઆઈસી પ્લેટફોર્મનો ઉપયોગ કોઈપણ વ્યક્તિના મોબાઈલ નંબર અથવા ઈમેલ સાથે તમામ પ્રકારના સંચાર માટે થઈ શકે છે. રાજીવ ચંદ્રશેખરે જણાવ્યું હતું કે, નેશનલ ઇન્ફોર્મેટિક્સ સેન્ટર (એનઆઈસી), ઇલેક્ટ્રોનિક્સ અને ઇન્ફર્મેશન ટેક્નોલોજી મંત્રાલયે ઇન્સ્ટન્ટ મેસેજિંગ પ્લેટફોર્મ માટે સ્વદેશી સોલ્યુશન Sandes ની શરૂઆત કરી છે.
ફેસબુક, ટ્વિટર અને અન્ય વિદેશી સોશિયલ મીડિયા પર રોક લગાવવા માટે સરકાર દ્વારા શું પગલાં લેવામાં આવ્યા છે તે અંગે પૂછવામાં આવતાં રાજીવ ચંદ્રશેખરે જણાવ્યું હતું કે સોશિયલ મીડિયા પ્લેટફોર્મ ઇન્ફોર્મેશન ટેકનોલોજી એક્ટ 2000 માં વ્યાખ્યાયિત મધ્યસ્થી છે. વપરાશકર્તાઓને સોશિયલ મીડિયા પ્લેટફોર્મની જવાબદારી સુનિશ્ચિત કરવા અને વપરાશકર્તા સલામતી વધારવા માટે, સરકારે આ કાયદા હેઠળ માહિતી ટેકનોલોજી (મધ્યસ્થી માર્ગદર્શિકા અને ડિજિટલ મીડિયા આચાર સંહિતા) નિયમો, 2021 સૂચિત કર્યા છે, જે સામાજિક સહિત તમામ મધ્યસ્થીઓને લાગુ પડશે. જે સોશિયલ મીડિયા મધ્યસ્થીઓ સહિત બધા મધ્યસ્તો દ્વારા સમ્યક તત્પરતાનું પાલન કરવા માટે વિનિર્ધારિત કરે છે.
આ નિયમો ફેસબુક, ટ્વિટર વગેરે જેવા મહત્વપૂર્ણ સામાજિક મીડિયા મધ્યસ્થીઓ દ્વારા અનુસરવામાં વધારાની સાવચેતીઓ પણ પૂરી પાડે છે.
દેશમાં હજી 5જી સેવા શરૂ થઈ નથી
દેશમાં 5G સેવાઓ હજુ સુધી શરૂ કરવામાં આવી નથી. એક સવાલના જવાબમાં સંચાર રાજ્ય મંત્રી દેવુ સિંહ ચૌહાણે લોકસભામાં આ માહિતી આપી હતી. તેમણે માહિતી આપી હતી કે, DoT એ ટેલિકોમ સર્વિસ પ્રોવાઇડર્સ ભારતી એરટેલ, રિલાયન્સ જિયો અને વોડાફોન આઈડિયા લિમિટેડને 27 મે, 2021 ના રોજ અને MTNL ને 23 જૂન, 2021 ના રોજ 6 મહિનાની માન્યતા સાથે 5G ટેકનોલોજી ટ્રાયલ શરૂ કરવાની મંજૂરી આપી છે.