સામાન્ય લોકોને લાગશે વધુ એક ઝટકો! કાલથી અમૂલ દૂધના ભાવમાં કરાયો તોતિંગ વધારો

કોરોના સંકટ દરમિયાન મોંઘવારીનો સામનો કરી રહેલા સામાન્ય માણસ પર બીજો બોજો પડવા જઈ રહ્યો છે. ગુરુવાર, 1 જુલાઈથી અમુલ દૂધ 2 રૂપિયા પ્રતિ લિટર મોંઘુ થશે. આવતીકાલથી અમુલ દૂધ નવા દર સાથે દેશના તમામ રાજ્યોમાં ઉપલબ્ધ થશે. અમૂલની તમામ દૂધ ઉત્પાદ અમૂલ ગોલ્ડ, અમૂલ શક્તિ, અમૂલ તાઝા, અમૂલ ટી-સ્પેશિયલ, અમૂલ સ્લિમ અને ટ્રીયમમાં પ્રતિ લિટર રૂ .2 નો વધારો મળશે.

એટલે કે, 1 જુલાઈથી, અમુલ દૂધ દિલ્હી, એનસીઆર, ગુજરાત, મહારાષ્ટ્ર, પશ્ચિમ બંગાળ સહિતના અન્ય રાજ્યોમાં મોંઘા ભાવે મળશે. લગભગ દોઢ વર્ષ પછીની વાત છે, જ્યારે અમુલ દ્વારા આ કિંમતોમાં વધારો કરવામાં આવ્યો છે.મળતી માહિતી પ્રમાણે નવી કિંમતના અમલ બાદ અમુલ ગોલ્ડનો ભાવ પ્રતિ લિટર 58 રૂપિયા થશે.

અમુલ કો-ઓપરેટિવ સોસાયટીએ ખર્ચમાં વધારાને કારણે દૂધના ભાવમાં વધારો કરવાનો નિર્ણય લીધો છે. આપને જણાવી દઈએ કે કોરોનાને ટાંકીને દૂધના કેટલાક અન્ય વેપારીઓએ પણ દૂધના ભાવમાં વધારો કરવાનો નિર્ણય લીધો છે. આ માટે ડેરી ઓપરેટરો પર દૂધ ઉત્પાદક સંઘ દ્વારા દબાણ પણ શરૂ કરાયું છે.

ડેરી ખેડૂતો માટે Micro ATM

નોંધનીય છે કે, અમૂલે તાજેતરમાં જ ગુજરાતના રાજકોટ શહેર ખાતે ડેરી ખેડૂતો માટે Micro ATM શરૂ કર્યું છે. અહીં આશરે 4000 લોકોની વસ્તી ધરાવતું એક નાનકડું ગામ આનંદપર દરરોજ લગભગ 2 હજાર લિટર દૂધ ખરીદે છે.

આમના પર અસર થશે

દૂધના ભાવમાં વધારા સાથે ઘી, પનીર, બટર, ચીઝ, લસ્સી અને છાશ ઉપરાંત ચા, કોફી, મીઠાઈઓ, ચોકલેટ વગેરેના ભાવ પણ વધી શકે છે. દૂધના ભાવ વધારવાની અસર સામાન્ય માણસના રસોડા પર જોવા મળશે, કારણ કે તે દરેક પરિવારમાં દરરોજ પીવામાં આવે છે.

પેટ્રોલ અને ડીઝલની વધતી કિંમતો વચ્ચે બીજો આંચકો

નોંધપાત્ર વાત એ છે કે કોરોના કટોકટીના કારણે છેલ્લા દોઢ વર્ષથી લોકોના કામ પર ઘણી અસર થઈ છે. આ દરમિયાન, પેટ્રોલ અને ડીઝલના ભાવમાં પણ સતત વધારો થઈ રહ્યો છે, દેશના ઘણા ભાગોમાં, પેટ્રોલ લિટર દીઠ 100 રૂપિયાથી વધુમાં વેચાઇ રહ્યું છે.

આ દરમિયાન પેટ્રોલ અને ડીઝલના વધતા ભાવોની અસર દૂધના દર પર આવી રહી હોય તેવું લાગી રહ્યું છે. લોકડાઉન અને અનલોક કરવાની પ્રક્રિયા વચ્ચે બજારો ખુલી અને બંધ થઈ રહ્યા છે, આવી સ્થિતિમાં લોકોના રોજગાર પર ચાલી રહેલા સંકટ વચ્ચે વધતો ફુગાવો એક નવી ચિંતા છે.

અમારી દરેક પોસ્ટ સૌથી પહેલા વાંચવા નીચેની પ્રોસેસ ફક્ત એકજ વાર કરવાની રહેશે.નોંધ – દરેક ફોટો પ્રતીકાત્મક છે (ફોટો સોર્સ : ગુગલ)

વધુ રસપ્રદ માહિતી અને નવી પોસ્ટ વાંચવા માટે ડાબી તરફ સ્વાઇપ કરો. આ વેબસાઈટ પર આપેલી તમામ ન્યુઝ અને વાતો રિપોર્ટરે રિપોર્ટ કરેલા છે અથવા તો કોઈક સોર્સ ઉપરથી લેવામાં આવેલા છે કે જે દરેક લેખના અંતમાં આપેલો જ હોય છે. અમારો પ્રયત્ન તમને શ્રેષ્ઠ માહિતી સતત પહોંચાડવાનો છે અને રહેશે. આ ન્યુઝ તથા અન્ય વાતોની જવાબદારી જે-તે લેખક (રિપોર્ટર) તથા સોર્સની રહેશે ન્યુઝ ગુજરાત વેબસાઈટ કે પેજની રહેશે નહીં. આપણું પેજ “ન્યુઝ ગુજરાત” માણતા રહો અને શેર કરતા રહો!