મોબાઇલ એપ્લિકેશન સાથે હિન્દીમાં સરળતાથી ટ્રેન ટિકિટ બુક કરો, એકવાર વાંચો આ લેખ અને મેળવો માહિતી…
યુટીએસ ઓન મોબાઇલ એપ હવે અંગ્રેજી તેમજ હિન્દી ભાષામાં ઉપલબ્ધ થશે. વપરાશકર્તાઓ તેમની પસંદગીની ભાષા પસંદ કરી શકે છે. એકવાર ટિકિટ બુક થઈ જાય પછી, ટીટીઈ ને ઇન્ટરનેટ કનેક્શન વગર ઓફલાઇન મોડમાં બતાવી શકાય છે.
ભારતીય રેલવેએ ટ્રેનમાં મુસાફરી કરતા મુસાફરોને મોટી ભેટ આપી છે. યુટીએસ ઓન મોબાઇલ એપ હવે અંગ્રેજી તેમજ હિન્દી ભાષામાં ઉપલબ્ધ થશે. વપરાશકર્તાઓ તેમની પસંદગીની ભાષા પસંદ કરી શકે છે. મોબાઈલ એપ પર યુટીએસ નો ઉપયોગ કરીને મુસાફરો પેપરલેસ અથવા પેપર ટિકિટ વચ્ચે પસંદગી કરી શકે છે. આ માહિતી રેલવે મંત્રાલય દ્વારા આપવામાં આવી છે.
મોબાઇલ ટિકિટ એપ્લિકેશન ભારતીય રેલવે (સીઆરઆઈએસ) દ્વારા સંપૂર્ણપણે વિકસાવવામાં આવી છે અને તે તમામ પ્લેટફોર્મ – એન્ડ્રોઇડ અને આઇઓએસ પર ઉપલબ્ધ છે. તેને સંબંધિત સ્ટોરમાંથી મફતમાં ડાઉનલોડ કરી શકાય છે. એપ્લિકેશનને તેની ઉપયોગિતા અને ગ્રાહકના અનુભવ માટે વ્યાપક પ્રશંસા મળી છે અને ગૂગલ પ્લે સ્ટોર પર ચાર સ્ટાર રેટિંગ મળ્યું છે. યુટીએસ મોબાઇલ એપ્લિકેશનના નોંધાયેલા વપરાશકર્તાઓની સંખ્યા એક કરોડ સુડતાલીસ લાખ છે.
મુસાફરો માટે મોબાઇલ ટિકિટિંગના ફાયદા :
ટિકિટ માટે લાઈનમાં રાહ જોવાની જરૂર નથી. કાગળ વિનાની અને પર્યાવરણને અનુકૂળ છે. એકવાર ટિકિટ બુક થઈ જાય પછી ટિકિટ ઇન્ટરનેટ કનેક્શન વિના ઓફલાઇન મોડમાં ટીટીઇ ને બતાવી શકાય છે.
રસ્તામાં બુકિંગ :
જે મુસાફરો ઉતાવળમાં રહે છે અથવા છેલ્લી ઘડીએ મુસાફરી કરવાનું નક્કી કરે છે તેઓ સીધા સ્ટેશન પર પહોંચે છે, સ્ટેશન પર વિવિધ સ્થળોએ સ્થાપિત ક્યુઆર કોડસ્કેન કરે છે. તેને સ્કેન કરો અને ટિકિટ બુક કરો. હાલમાં આ સુવિધા એક હજાર છસો સ્ટેશનો પર ઉપલબ્ધ છે.
સંપૂર્ણપણે કેશલેસ :
ગ્રાહકો રેલ-વલેત, ડેબિટ કાર્ડ, ક્રેડિટ કાર્ડ, નેટ બેંકિંગ, યુપીઆઈ અને ઇ-વલેત જેવા તમામ પ્રકારના ડિજિટલ પેમેન્ટ વિકલ્પો નો ઉપયોગ કરી શકે છે.
સસ્તી :
રેલ-વલેત સુવિધા નો ઉપયોગ કરતા ગ્રાહકને રિચાર્જ પર પાંચ ટકા બોનસ મળશે. જેમ કે, જો કોઈ મુસાફર તેની કિંમતના એક હજાર રૂપિયા રિચાર્જ કરે છે, તો તેને એક હજાર પચાસ રૂપિયાનું રિચાર્જ મળે છે. પરંપરાગત રીતે, રેલવે સ્ટેશનો પર બુકિંગ કાઉન્ટર પર બિનઅનામત ટિકિટ વેચાતી હતી.
બુકિંગ કાઉન્ટર પર મુસાફરો ના વેઇટિંગ ટાઇમ ને ઘટાડવા માટે, રેલવે ટિકિટ એજન્ટો અને ઓટોમેટિક ટિકિટ વેન્ડિંગ મશીનો ને મોટા સ્ટેશનો પર વધારાના પોઇન્ટ ઓફ સેલ તરીકે રજૂ કરવામાં આવ્યા હતા. જોકે, આ તમામ આઉટલેટ્સ પર ગ્રાહકો ની હાજરી જરૂરી હતી.
મોબાઇલ એપ્લિકેશન પર યુટીએસ વર્ષ 2014 માં લોન્ચ કરવામાં આવ્યું હતું
તમને જણાવી દઈએ કે યુટીએસ મોબાઇલ ટિકિટિંગ સત્તયાવીસ ડિસેમ્બર, 2014 ના રોજ શરૂ કરવામાં આવી હતી, જે પછી સિસ્ટમની સલામતી, બચાવ અને ગ્રાહકો ના અનુભવના ધોરણો પર કડક પરીક્ષણ કરવામાં આવ્યું હતું અને ત્યારબાદ સમગ્ર મુંબઇ ઉપનગરોમાં તેનો અમલ કરવામાં આવ્યો હતો.
ધીરે ધીરે મેટ્રો શહેરો ચેન્નાઈ, દિલ્હી, કોલકાતા અને સિકંદરાબાદમાં 2015-17 વચ્ચે મોબાઇલ ટિકિટિંગ લાગુ કરવામાં આવી હતી. એક નવેમ્બર, 2018 થી એટલે કે ભારતીય રેલવેના કોઈપણ બે સ્ટેશનો વચ્ચે સામાન્ય ટિકિટિંગની તર્જ પર મુસાફરી માટે યુટીએસ મોબાઇલ ટિકિટિંગ પણ આંતર-પ્રાદેશિક મુસાફરી માટે ઉપલબ્ધ છે.
