જો તમે તમારા હાડકાને મજબૂત બનાવવા માંગો છો, તો જાણો તમારે કઈ ચીજોનું સેવન કરવું જોઈએ.
દરેક વિટામિન શરીર માટે તેની પોતાની ભૂમિકા ધરાવે છે. જેમ શરીર માટે અન્ય વિટામિન્સની જરૂર હોય છે, તેવી જ રીતે વિટામિન ડી પણ શરીર માટે ઘણી રીતે મહત્વપૂર્ણ માનવામાં આવે છે. વિટામિન ડીની ઉણપથી હાડકાં નબળા પડી શકે છે, સાંધાનો દુખાવો, પીઠનો દુખાવો અને સ્નાયુઓમાં દુખાવો થઈ શકે છે. ગંભીર કિસ્સાઓમાં, આ વિટામિનની ઉણપથી સંધિવા, રિકેટ્સ અને ઓસ્ટીયોપોરોસિસનું જોખમ હોઈ શકે છે.
આજકાલ વ્યસ્ત જીવનશૈલી અને ઓછી શારીરિક પ્રવૃત્તિઓને કારણે, વિટામિન ડીની ઉણપ રહે છે. વિટામિન ડીને સનશાઇન વિટામિન પણ કહેવામાં આવે છે, પરંતુ સૂર્ય માત્ર વિટામિન ડીનો સ્રોત નથી. કેટલાક ખાદ્ય પદાર્થો છે જે વિટામિન ડીના શ્રેષ્ઠ સ્ત્રોત માનવામાં આવે છે. એક અભ્યાસ મુજબ, વિટામિન ડીથી સમૃદ્ધ ખોરાક ડાયાબિટીસના જોખમને દૂર રાખવામાં મદદ કરી શકે છે. અન્ય એક અભ્યાસમાં પણ જાણવા મળ્યું છે કે વિટામિન ડી ફેફસામાં મળતા ક્ષય રોગના બેક્ટેરિયા સામે લડવામાં મદદ કરી શકે છે. તેથી, તમારા આહારમાં વિટામિન ડીથી સમૃદ્ધ ખોરાકનો સમાવેશ કરવાના ઘણા ફાયદા છે. તો ચાલો જાણીએ વિટામિન ડીથી ભરપૂર આ ખોરાક વિશે.
ઇંડા-
ઇંડા ઘણા પોષક તત્વોથી ભરપૂર હોય છે. તેમાં પ્રોટીન, વિટામિન ડી, કેલ્શિયમ અને ઘણા પ્રકારના ખનીજ હોય છે. તમે આ ચીજોને નાસ્તામાં સામેલ કરીને તમારા આહારનો ભાગ બનાવી શકો છો.
દહીં
દહીંમાં 81% પાણી હોય છે જે તેને હળવું અને પચવામાં સરળ બનાવે છે. તે વિટામિન ડીનો સારો સ્રોત છે.
દૂધ-
બાળપણથી, આપણને દૂધ પીવાની સલાહ આપવામાં આવે છે. કેમ કે દૂધમાં કેલ્શિયમ અને વિટામિન ડી ભરપૂર માત્રામાં હોય છે. આ સાથે દૂધ આપણને અનેક રોગોથી દૂર રાખે છે અને આપણું સ્વાસ્થ્ય જાળવવામાં મદદ કરે છે.
મશરૂમ-
મશરૂમ વિટામિન ડીથી સમૃદ્ધ સ્ત્રોત છે. તે માત્ર સ્વાદિષ્ટ જ નહીં પણ સ્વાસ્થ્ય માટે પણ ફાયદાકારક છે. તેથી વિટામિન ડીની ઉણપ દૂર કરવા માટે તમારા આહારમાં આજથી જ મશરૂમ શામેલ કરો.
પાલક-
પાલકમાં પ્રોટીન અને વિટામિન ડી ભરપૂર માત્રામાં હોય છે. તેનું સેવન કરવાથી શરીરમાં વિટામિન ડી સાથે અન્ય ઘણા પોષક તત્વોની ઉણપ પણ પૂરી થાય છે.
પનીર
પનીર ખાવાનું કોને ન ગમે ? પનીર વિટામિન ડી અને કેલ્શિયમનો સમૃદ્ધ સ્ત્રોત છે. તેના સેવનથી હાડકાં અને સ્નાયુઓ મજબૂત બને છે.
સોયાબીન
સોયાબીનમાં પ્રોટીન, કેલ્શિયમ, વિટામિન ડી, ઓમેગા -3 ફેટી એસિડ, આયર્ન, વિટામિન બી, ઝીંક, ફોલેટ, સેલેનિયમ વગેરે જેવા ઘણા પોષક તત્વો જોવા મળે છે. તેના સેવનથી હાડકાં મજબૂત થાય છે અને ઓસ્ટીયોપોરોસિસનું જોખમ ઘટે છે.