ઓગસ્ટમાં અનેક કાર કંપનીઓ લાવી રહી છે નવી ગાડીઓ, જાણો અને પછી કરો ખરીદી
જો તમે કાર ખરીદવાનું વિચારી રહ્યા છો, તો ટાટા મોટર્સ, સ્કોડા, હોન્ડા, ફોર્સ અને મહિન્દ્રા જેવા ઓટોમેકર્સ ઓગસ્ટ 2021 માં નવા કારના મોડેલો લોંચ કરવા માટે તૈયાર છે. તે જ સમયે, અત્યારના મોડલ્સને અપગ્રેડ કરીને બજારમાં રજૂ કરવામાં આવશે. આવી સ્થિતિમાં, જો તમે લાખો રૂપિયા ખર્ચ્યા પછી જૂનું વેરિએન્ટ ખરીદો છો, તો પછીથી તમને અફસોસ થઈ શકે છે. અમે તમને એવી કાર વિશે જણાવી રહ્યા છીએ જે ઓગસ્ટમાં લોન્ચ થઈ શકે છે. જો તમે કાર લેવાનું વિચારી રહ્યા છો, તો થોડા સમય પછી ખરીદો. કારણ કે તે સમયમાં તમને નવી કાર મળી શકે છે.
હોન્ડા અમેઝ ફેસલિફ્ટ:
હોન્ડા અમેઝ ફેસલિફ્ટ એક મોટા અપડેટ સાથે 17 ઓગસ્ટ, 2021 ના રોજ બજારમાં લોન્ચ થઈ શકે છે. કોમ્પેક્ટ સેડાનમાં કેટલાક કોસ્મેટિક ફેરફારો થવાની સંભાવના છે જેમાં નવા એલઇડી હેડલેમ્પ્સ અને એલોય વ્હીલ્સ શામેલ છે. હોન્ડા અમેઝ ફેસલિફ્ટના નવા વર્ઝનમાં ગ્રાહકો પણ નવા રંગ વિકલ્પો મેળવી શકે છે. હોન્ડા અમેઝ ફેસલિફ્ટ ઘણા લોકો લેવાનું વિચારતા હોય છે, જો તમે પણ એ લોકોમાંથી એક છો, તો થોડા સમય માટે કાર લેવાનું ટાળો. થોડા સમય પછી તમને સારો વિકલ્પ મળી શકે છે.
સ્કોડા કુશાક 1.5 એલ પેટ્રોલ:
સ્કોડા કુશાક 1.5 એલ વેરિઅન્ટ ગ્રાહકો માટે ઓગસ્ટમાં ઉપલબ્ધ થશે. લોન્ચ દરમિયાન કંપનીએ તેનું માત્ર 1.0 લિટર વેરિઅન્ટ બજારમાં લોન્ચ કર્યું હતું. આ ભારતમાં જૂન 2021 માં લોન્ચ કરવામાં આવ્યું હતું. ટર્બોચાર્જ્ડ પેટ્રોલ એન્જિન દ્વારા સંચાલિત, આ કાર મહત્તમ પાવર 147bhp અને 250Nm ટોર્ક ઉત્પન્ન કરવામાં સક્ષમ છે. તેથી આ કાર તેના જુના મોડલ કરતા પણ વધુ સારી હશે.
ટાટા ટિયાગો એનઆરજી:
ટાટા મોટર્સ ઓગસ્ટમાં અપડેટ થયેલ ટાટા ટિયાગો એનઆરજી લોન્ચ કરવાની તૈયારીમાં છે. તેમાં 1.2 લિટર પેટ્રોલ અને 1.0 લિટર ડીઝલ એન્જિન આપી શકાય છે. આ કાર બીએસ 6 પાવરટ્રેન સાથે બજારમાં જોવા મળશે. એવું કહેવામાં આવી રહ્યું છે કે તેના આંતરિક ભાગમાં કેટલાક ફેરફાર કરવામાં આવ્યા છે.
અમે જાણીએ છીએ કે આમાંથી તમારી પણ પસંદી ઘણી કાર છે, તેથી જો તમે ખુબ જ કારના શોખીન છો અથવા તો તમે કાર લેવાનું વિચારી રહ્યા છો, તો તમે થોડા સમય માટે રાહ જોઈ શકો છો અને નવી લોન્ચ થયેલી કાર ખરીદી શકો છો.
