મેથીના થેપલા – દરેક ગુજરાતીઓની પહેલી પસંદ એવા આ થેપલા હવે બનાવો આવીરીતે…

August 8, 2020 gujjunews

મેથી ખાવા મા આનાકાની કરતા બાળકો ને મેથી ખાતા કરો આ હેલ્ધી મેથી ના થેપલાંથી

સામગ્રી:

ઘઉં નોઝીણો લોટ : ૧ કપ
ઝીણી સમારેલી લીલી મેથી: ૧/૨ કપ
આદુ, મરચા, લસણ ની પેસ્ટ: ૧/૨ ચમચી
અજમો: ૧/૨ ચમચી
હળદર: ૧/૪ ચમચી
ધાણા જીરું: ૧/૨ ચમચી
તલ: ૧ ચમચી
મીઠું: સ્વાદ અનુસાર
લાલ મરચું પાવડર: ૧/૨ ચમચી (ઓપસ્નલ)
ઝીણા સમારેલા લીલા ધાણા: ૧-૨ ચમચી
તેલ: ૨ ચમચી
દહીં: ૧ ચમચી

રીત:

– સૌ પ્રથમ એક બાઉલ માં ઘઉં નો લોટ લો.

– ત્યાર બાદ તેમાં અજમો નાખો, અનમાં ને લોટ માં નાખતા પેહલા હાથ ની હથેળી માં વ્યવસ્થિત રીતે બરાબર મસળી ને નાખો જેના લીધે અજમા ની ફ્લેવર બરાબર ખુલી ને આવે.

– હવે તેમાં હળદર, મીઠું, મરચું,ધાણાજીરું, તલ નાખો અને મસાલા ને લોટ માં વ્યવસ્થિત રીતે મિક્ષ કરો.

– મસાલા મિક્ષ કાર્ય બાદ તેમાં આદું, મરચા અને લસણ ની પેસ્ટ એડ કરો. આ પેસ્ટ તમે તમારા બેબી ને જેટલું તીખું ખવડાવવા માંગતા હોઈ તે પ્રમાણે નાખવું. અને તેને લોટ માં વ્યવસ્થિત રીતે મિક્ષ કરી લો.

– લોટ માં મોવણ માટે તેલ એડ કરો અને સાથે જ તેમાં દહીં પણ એડ કરી દો અને તેને લોટ માં વ્યવસ્થિત રીતે મિક્ષ કરો. મોવણ ના લીધે થેપલા પોચા બનશે. અને લીલી મેથી નાંખી લો અને બરાબર મૂળ કરી લો.

– હવે આ લોટ માં જરૂર પ્રમાણે હુંફાળું પાણી એડ કરી અને રોટલી ના થી થોડો કડક અને ભાખરી ના થી ઢીલો એવો લોટ ની કણક બાંધી લો. અને તેને ઢાંકી ને ૧૦-૧૫ મિનીટ માટે સાઈડ પર મૂકી દો.

– ૧૦-૧૫ મિનીટ બાદ બાંધેલા લોટ ના રોટલી ની સાઈઝ ના લુવા બનાવી લો.

– ઘઉં ના ઝીણા લોટ અથવા ચોખા ના લોટ નું અટામણ લઇ ને થેપલા વણી લો.

– ગેસ પર મીડીયમ આંચે એક તવી ને ગરમ કરો અને તેલ મૂકી ને થેપલા ને સેકી લો.

– તો તૈયાર છે સ્વાદીસ્ટ અને નાના મોટા સૌ ને ભાવે એવા મેથી ના થેપલા, જેને તમેં ચા, કોફી, અથાણા કે પછી એમ જ ખાઈ શકો છો. અને આ થેપલા ૫-૭ દિવસ સુધી બગડતા પણ નથી.