580 વર્ષ પછી થઈ રહ્યું છે આટલું લાબું આંશિક ચંદ્રગ્રહણ, 18- 19એ દેખાશે નઝારો
આ સદીનું સૌથી લાંબુ આંશિક ચંદ્રગ્રહણ 18-19 નવેમ્બરે જોવા મળશે. વૈજ્ઞાનિકોનું કહેવું છે કે તે અમેરિકાના 50 રાજ્યોમાં જોવા મળશે. આટલું લાંબુ ચંદ્રગ્રહણ 580 વર્ષ પછી થઈ રહ્યું છે. તેથી જ વિશ્વભરના વૈજ્ઞાનિકો આ દ્રશ્યને તેમના કેમેરામાં રેકોર્ડ કરવા માટે તૈયાર છે. આ આંશિક ચંદ્રગ્રહણ 3 કલાક 28 મિનિટ અને 23 સેકન્ડનું હશે
અમેરિકી સ્પેસ એજન્સી નાસા અનુસાર આ લાંબુ ચંદ્રગ્રહણ 580 વર્ષ બાદ થઈ રહ્યું છે. પરંતુ જે સમયે અમેરિકામાં લોકો ચંદ્રગ્રહણ જોતા હશે, તે સમયે ભારતના લોકો દિવસ દરમિયાન પોતાનું કામ કરતા હશે. આ ચંદ્રગ્રહણને માઈક્રો બીવર મૂન કહેવામાં આવે છે. કારણ કે તે પૃથ્વીથી મહત્તમ અંતરે રહે છે. તે સમયે અમેરિકામાં બીવર પકડાય છે. તેથી જ તેનું નામ કંઈક આ રીતે રાખવામાં આવ્યું છે.
ઇન્ડિયાનામાં બટલર યુનિવર્સિટી સ્થિત હોલકોમ્બ ઓબ્ઝર્વેટરીના જણાવ્યા અનુસાર, આંશિક ચંદ્રગ્રહણનો અર્થ એ થાય છે કે જ્યારે પૃથ્વીનો પડછાયો ચંદ્રના માત્ર 97 ટકા ભાગને આવરી લે છે. આ સદીનું આ સૌથી લાંબુ આંશિક ચંદ્રગ્રહણ હશે. આ પહેલા વર્ષ 2018માં એક કલાક અને 43 મિનિટનું ચંદ્રગ્રહણ થયું હતું. જ્યારે આ વખતે ચંદ્રગ્રહણ 3 કલાક 28 મિનિટ અને 23 સેકન્ડનું હશે. આવી ઘટના 580 વર્ષ પછી જોવા મળી રહી છે.
Don’t miss the longest partial lunar eclipse of the century next week https://t.co/IxyyQl4FB2
— Live Science (@LiveScience) November 10, 2021
જ્યારે પૃથ્વી સૂર્ય અને ચંદ્રની વચ્ચે આવે છે ત્યારે ચંદ્રગ્રહણ થાય છે. પૃથ્વીના પડછાયાને કારણે ચંદ્રનો પ્રકાશ જમીન પર દેખાતો નથી. પૃથ્વીનો પડછાયો આખા ચંદ્રને ઢાંકી શકે છે. અથવા આંશિક રીતે આવરી લે છે. જેના કારણે ચંદ્ર ક્યારેક લાલ રંગનો દેખાય છે. આનું કારણ એ છે કે સૂર્યપ્રકાશ પૃથ્વીના પડછાયાના ઊંડા ભાગ પર સીધો અથડાતો નથી. તે આપણા વાતાવરણમાંથી વળે છે અને પસાર થાય છે. જેમ જેમ લાલ અને નારંગી તરંગલંબાઇ પૃથ્વીના વાતાવરણમાંથી પસાર થાય છે, તેમ તે એક મહોગની લાલ રંગ ઉત્પન્ન કરે છે, જે ચંદ્રને લાલ દેખાય છે
ઉત્તર અમેરિકા, ટાપુઓ અને પેસિફિક મહાસાગરના દેશો, અલાસ્કા, પશ્ચિમ યુરોપ, પૂર્વીય ઓસ્ટ્રેલિયા, ન્યુઝીલેન્ડ અને જાપાનના લોકો આ ચંદ્રગ્રહણ જોઈ શકશે. આ ચંદ્રગ્રહણનો પ્રારંભિક ભાગ એટલે કે ચંદ્ર ઉગવાના સમયે પૂર્વ એશિયા, ઓસ્ટ્રેલિયા અને ન્યુઝીલેન્ડમાં પણ થોડી નજારો જોવા મળશે. તે જ સમયે, દક્ષિણ અમેરિકા અને પશ્ચિમ યુરોપના લોકો ચંદ્રગ્રહણના ઉચ્ચતમ સ્તરને જોઈ શકશે.