ભારતના આ કિલ્લામાં છુપાયેલો છે અરબોનો ખજાનો, પરુતુ આજ સુધી કોઈ ખજાના સુધી નથી પહોંચી શક્યું
ભારતમાં રાજાઓના એવા ઘણા કિલ્લાઓ છે, જે તેમના ખાસ કારણોસર ખૂબ જ પ્રખ્યાત છે. આવો જ એક કિલ્લો હિમાચલ પ્રદેશના હમીરપુર જિલ્લામાં છે, જે એકદમ રહસ્યમય છે. કહેવાય છે કે અબજોનો ખજાનો આ કિલ્લામાં કોઈ અજ્ઞાત સ્થળે છુપાયેલો છે, જે આજ સુધી શોધી શકાયો નથી.
આ કિલ્લો સુજાનપુર કિલ્લો તરીકે ઓળખાય છે. તમને જણાવી દઈએ કે કિલ્લામાં છુપાયેલા ખજાનાને કારણે તેને હમીરપુરનો ‘ટ્રેઝરર ફોર્ટ’ પણ કહેવામાં આવે છે. આ કિલ્લો 262 વર્ષ પહેલા એટલે કે 1758 માં કટોક વંશના રાજા અભય ચંદ દ્વારા બનાવવામાં આવ્યો હતો. તે પછી રાજા સંસાર ચંદે અહીં શાસન કર્યું.
કિલ્લાની અંદર જ પાંચ કિલોમીટર લાંબી સુરંગ છે
એવું કહેવાય છે કે આજે પણ આ રાજા સંસાર ચંદનો ખજાનો અહીં હાજર છે, પરંતુ આજ સુધી આ ખજાનાના રહસ્યમાંથી ન તો પડદો ઉંચકાયો છે અને ન તો કોઈ ખજાના સુધી પહોંચ્યું છે. એવું માનવામાં આવે છે કે કિલ્લાની અંદર જ પાંચ કિલોમીટર લાંબી સુરંગ છે, પરંતુ આ સુરંગના છેડે કોઈ પહોંચી શક્યું નથી. સાંકડા અને અંધારાવાળા માર્ગને કારણે, કોઈ પણ આ ટનલમાં 100 મીટરથી વધુ જવાની હિંમત કરતું નથી.
કિલ્લામાં એક ગુપ્ત સુરંગ બનાવી હતી
સુજાનપુર કિલ્લાની આસપાસ રહેતા ગ્રામજનોનું કહેવું છે કે રાત્રે કિલ્લામાંથી વિચિત્ર અવાજો આવે છે. તેઓ માને છે કે તિજોરી કિલ્લામાં હાજર આધ્યાત્મિક તાકતો દ્વારા સુરક્ષિત છે. જોકે, આની કોઈ નક્કર સાબિતી કોઈની પાસે નથી. એવું કહેવાય છે કે રાજા સંસાર ચંદે લૂટેલો ખજાનો છુપાવવા માટે આ કિલ્લાનો ઉપયોગ કર્યો હતો. આ માટે, તેણે કિલ્લામાં એક ગુપ્ત સુરંગ બનાવી હતી, જેનો માર્ગ સીધો ખજાના સુદી જઈને ખુલતો હતો.
પરિવારનો કોઈ સભ્ય પણ તે ખજાનો મેળવી શક્યો નથી
અહીં છુપાયેલા ખજાનાની શોધમાં, મુઘલો અને ગ્રામજનો સહિત ઘણા રાજાઓ અને બાદશાહોએ કિલ્લાનું ખોદકામ કર્યું છે. કેટલાક લોકોએ રહસ્યમય સુરંગમાં જવાનો પ્રયાસ પણ કર્યો છે, પરંતુ તમામ અત્યાર સુધી નિષ્ફળ રહ્યા છે. એવું કહેવાય છે કે રાજા સંસારચંદના મૃત્યુ સાથે ખજાનાનું રહસ્ય દફનાવવામાં આવ્યું હતું. તેમના પરિવારનો કોઈ સભ્ય પણ તે ખજાનો મેળવી શક્યો નથી.
