ભારતી સિંહની હિંમતનો જવાબ નહિ, પ્રેગ્નેન્સીના 8માં મહિનામાં પણ સતત કરી રહી છે કામ
ટેલિવિઝન જગતમાં ભારતી સિંહનું નામ તેની જબરદસ્ત કોમેડી માટે જાણીતું છે. તેણે ફર્શથી અર્શ સુધીની સફર કરી છે. આજે તેને કોઈ પરિચયની જરૂર નથી. જોકે, આ ઊંચાઈએ પહોંચ્યા પછી પણ ભારતી તેના કામને લઈને ક્યારેય ખચકાતી નથી. તે ખૂબ જ મહેનતુ છે.
જેમ કે બધા જાણે છે કે, ભારતી સિંહ અને હર્ષ લિમ્બાચીયા જલ્દી જ આ દુનિયામાં તેમના બાળકનું સ્વાગત કરવા જઈ રહ્યા છે. તેણીના ગર્ભાવસ્થાના તબક્કાનો આનંદ માણવા ઉપરાંત, તે કામ પ્રત્યે પણ સમર્પિત છે. આ દિવસોમાં તે તેના પતિ સાથે રિયાલિટી શો હુનરબાઝમાં જોવા મળી રહી છે. આ શોને હોસ્ટ કરી રહ્યાં છે. હાલમાં જ ભારતી સિંહે પોતાને ભારતની પ્રથમ પ્રેગ્નન્ટ એન્કર ગણાવી હતી. સોશિયલ મીડિયા પર દરરોજ ભારતીના શૂટ સાથે જોડાયેલી ઝલક જોવા મળે છે.
આ સમયે સામે આવેલા એક વીડિયોમાં પણ ભારતી સેટમાંથી બહાર નીકળતી જોવા મળી રહી છે. જાણકારી માટે તમને જણાવી દઈએ કે હાલમાં ભારતીની પ્રેગ્નન્સીનો 8મો મહિનો ચાલી રહ્યો છે. તે એપ્રિલના પહેલા સપ્તાહમાં પોતાના બાળકને જન્મ આપી શકે છે. ખાસ વાત એ છે કે પ્રેગ્નન્ટ ભારતી સિંહ આ સમયે દરેક મહિલાઓ માટે એક મિસાલ બેસાડી રહી છે. ફેન્સ પણ સોશિયલ મીડિયા પર કોમેન્ટ કરીને તેની હિંમતની પ્રશંસા કરી રહ્યા છે. તમને જણાવી દઈએ કે ભારતી સિંહ પોતે પણ પોતાની મહેનત અને હિંમત પર ગર્વ અનુભવે છે. થોડા સમય પહેલા જ્યારે પાપારાઝીએ તેણીને પૂછ્યું કે તેણીને છોકરો જોઈએ છે કે છોકરી, ત્યારે ભારતીએ વિલંબ કર્યા વિના કહ્યું હતું કે તેણી તેના જેવી મહેનતુ પુત્રી ઈચ્છે છે.
View this post on Instagram
આવી હતી ભારતી સિંહની લવ સ્ટોરી
ભારતી સિંહ અને હર્ષ લિમ્બાચીયાના લગ્ન વર્ષ 2017માં થયા હતા. લગ્ન પહેલા બંને એકબીજાને લગભગ 7 વર્ષથી ઓળખતા હતા. બંને વચ્ચે પહેલા મિત્રતા થઈ અને પછી તે પ્રેમમાં બદલાઈ ગઈ. બંનેની મુલાકાત રિયાલિટી શો કોમેડી સર્કસ દરમિયાન થઈ હતી.
