મહિલા પર દાનત બગડી અને સફાઇના બહાને તેને ઉપરના રૂમમાં મોકલી, પછી દરવાજો બંધ કર્યો
હવસખોર હેવાનો સમાજમાં ખુલ્લેઆમ ફરી રહ્યા છે.. કડક કાયદાનો પણ તેમને કોઇ ડર નથી.. કારણ કે કાયદાનુ અમલીકરણ એટલું કડક નથી.. ત્યારે અમદાવાદની એક હોસ્પિટલમાં મહિલા કર્મચારી સાથે દુષ્કર્મનો પ્રયાસ કરવામાં આવ્યો.. પરંતુ સ્થિતિનો તાગ મેળવીને મહિલાએ બૂમાબૂમ કરી.. અને તક મળતાં જ ત્યાંથી તે નાસી છૂટી.. આખરે ક્યાં બન્યો આવો બનાવ..?
અમદાવાદના ચાંદખેડા વિસ્તારમાં આવેલી ખાનગી હોસ્પિટલનાં કર્મચારીએ સાફસફાઈ કરવાનાં બહાને સાથી મહિલા કર્મચારી ઉપરના માળે સ્પેશિયલ રૂમમાં મોકલી હતી. મહિલા તો સફાઇ કર્મચારી હતી.. માટે તેને જે કહેવામાં આવ્યું તે કરવા ગઇ.. પરંતુ તેને એ નહોતી ખબર કે તેને સફાઇ કામનુ કહેનારો તેના પર ખરાબ દાનત રાખી રહ્યો છે.. મહિલા જેવી તે સ્પેશિયલ રૂમમાં સફાઇ માટે ગઇ.. કે તરત જ પેલો કર્મચારી પાછળથી ઉપર જઈને રૂમનો દરવાજો બંધ કરી દીધો. મહિલા કર્મચારીને જબરદસ્તી પકડી તેના છાતીના ભાગે અને ગુપ્ત ભાગે હાથ ફેરવ્યો.. અને બળાત્કાર કરવાનો પ્રયાસ કર્યો હતો.
કર્મચારીએ સેક્સ કરવા કહેતા મહિલા ધક્કો મારી રૂમમાંથી બહાર નીકળી ગઈ હતી. તેણે હોસ્પિટલની મહિલા ડોક્ટરને જાણ કરતા તેઓએ પોલીસ ફરિયાદ કરવા કહ્યું હતું. ચાંદખેડા પોલીસે હોસ્પિટલના કર્મચારી સામે ગુનો નોંધી ધરપકડ કરવા તજવીજ હાથ ધરી છે.
બંધ રૂમમાં બળાત્કારની કોશિષ
ચાંદખેડા વિસ્તારમાં આવેલા ફ્લેટમાં 30 વર્ષીય મહિલા તેના પતિ અને બાળક સાથે રહે છે. શિવ શક્તિનગર બસ સ્ટેન્ડની સામે આવેલા હેલ્થ સેન્ટર એટલે કે હોસ્પિટલમાં હાઉસ કિપીંગ તરીકે તેઓ ચાર દિવસ પહેલા જ નોકરીમાં જોડાઇ હતી. શનિવારે સવારે નોકરી ઉપર આવીને સાફ સફાઈનું કામ કરતી હતી ત્યારે નર્સિંગ સ્ટાફમાં નોકરી કરતાં પંકજ પ્રજાપતિએ પહેલા માળે આવેલાં સ્પેશિયલ રૂમમાં સાફ સફાઈ કરવાની બાકી છે. જેથી મહિલા તે રૂમમાં ગઇ હતા. જ્યાં થોડીવાર જ પંકજ પાછળ આવ્યો હતો અને રૂમનો દરવાજો બંધ કરીને મહિલાને બળજબરીથી પકડી લીધી હતી.
મહિલા પર દબાણ કર્યું
પંકજે મહિલાના છાતીના ભાગે અને ગુપ્ત ભાગે હાથ ફેરવી બળાત્કાર કરવાનો પ્રયાસ કર્યો હતો. એટલું જ નહીં પંકજે શારીરિક સંબંધો બાંધવાનું કહેતા તેઓ રૂમનો દરવાજો ખોલી બહાર જતા રહ્યાં હતાં. જનરલ વોર્ડમાંથી મહિલા ડોક્ટર આવતાં તેઓને આ સમગ્ર હકીકત જણાવી હતી. જેથી ડોક્ટરે તેમને પોલીસ ફરીયાદ કરવા કહ્યું હતું. ચાંદખેડા પોલીસે મહિલાની ફરીયાદનાં આધારે પંકજ પ્રજાપતિ વિરૂદ્ધ ગુનો નોંધી તપાસ શરૂ કરી છે.