અમેરિકા કરતાં ભારતમાં ઘણા મોંઘા મળે છે આઈફોન, જાણો શું છે તેના કારણો

બુધવારે એપલ કંપનીએ iPhone 13 સિરીઝ લોન્ચ કરી છે. કંપનીએ શ્રેણીના મોડેલો વિશે બધું જ કહ્યું છે. આ શ્રેણીમાં iPhone 13 શ્રેણી iPhone 13 Mini, iPhone 13, iPhone 13 Pro અને iPhone 13 Pro Max ના ચાર મોડલ રજૂ કરવામાં આવ્યા છે.

બુધવારે એપલ કંપનીએ ગ્લોબલી તેમની ઘણા સમયથી જેની રાહ જોવાતી હતી તે iPhone 13 સિરીઝ લોન્ચ કરી છે. એપલ કંપનીએ તેની આ નવી શ્રેણીના મોડેલો વિશે બધી જ માહિતી આપી દીધી છે. આ સિરીઝમાં iPhone 13 શ્રેણીમાં iPhone 13 Mini, iPhone 13, iPhone 13 Pro અને iPhone 13 Pro Max ના ચાર મોડલ રજૂ કરવામાં આવ્યા છે. ભારતીય બજારમાં Apple iPhone 13 ની શરૂઆતની કિંમત 79,900 રૂપિયા છે. જો કે, અમેરિકામાં iPhone 13 ની કિંમત $ 699 (અંદાજે 51,310 રૂપિયા) છે. તેની કિંમતમાં આટલા તફાવતને કારણે, લોકોએ સોશિયલ મીડિયા પર ઘણા પ્રશ્નો પૂછ્યા.

શા માટે ભાવમાં આટલો બધો તફાવત છે?

લોકોને ખરેખર નવાઈ લાગતી હશે કે અમેરિકામાં આઈફોન ઘણા સસ્તા છે તેમ છતાં ભારતમાં તેની કિંમતો આટલી બધી કેમ છે. શા માટે તે અમેરિકા કરતાં એટલા મોંઘા મળે છે. અમે તમને જણાવી દઈએ કે શા માટે ફોનની કિંમતોમાં આટલો તફાવત છે? ઉદાહરણ તરીકે, આઇફોન 13 મોડલ્સ ભારતમાં આયાત કરવામાં આવશે, જેનો અર્થ છે કે ભારતીયોએ સ્માર્ટફોન પર 22.5% કસ્ટમ ડ્યુટી ચૂકવવી પડશે. આઇફોન 13 મીનીની ખરીદી પર ભારતીય ગ્રાહકોને કસ્ટમ ટેક્સ તરીકે લગભગ 10,880 રૂપિયા ચૂકવવા પડશે. આ સિવાય ગ્રાહકોએ iPhone 13 ની ખરીદી પર GST ચૂકવવો પડશે. વર્તમાન દરો પર આઇફોન 13 પર જીએસટી લગભગ 10,662 રૂપિયા છે. બીજી બાજુ, યુએસએમાં ફોનની કિંમતોમાં રાજ્ય કરનો સમાવેશ થતો નથી જે રાજ્યથી રાજ્યમાં બદલાય છે. ઉદાહરણ તરીકે, ન્યુ યોર્ક સિટીમાં ટેક્સ રેટ 9% છે જ્યારે ફ્લોરિડામાં તે માત્ર 7% છે.

એપલ ભારતમાં તેની એસેમ્બલી લાઇનનો વિસ્તાર કરી રહ્યું છે. ટેક કંપનીએ ગયા વર્ષે ભારતમાં આઇફોન 12 નું ઉત્પાદન શરૂ કર્યું હતું, અને તે ટૂંક સમયમાં ભારતમાં આઇફોન 13 રેન્જનું ઉત્પાદન શરૂ કરી શકે છે.

આઇફોન 13 સીરીઝ રેન્જ પર ગ્રાહકોને કેટલો ટેક્સ ચૂકવવો પડશે?

IPhone 13 Mini પર કુલ ટેક્સ: 21,543 રૂપિયા

IPhone 13 પર કુલ ટેક્સ: 24,625 રૂપિયા

IPhone 13 Pro પર કુલ કર: 36,952

IPhone 13 Pro Max પર કુલ ટેક્સ: 40,034 રૂપિયા

આઇફોન 13 પર ટેક્સ ફોનની કિંમતોમાં તફાવતનું સૌથી મોટું કારણ છે. જોકે ફોરેક્સ અને કમિશન જેવા અન્ય પરિબળો પણ ફોનની કિંમતમાં વધારો કરે છે. આવી સ્થિતિમાં, ગ્રાહકોને કેશબેક ઓફર દ્વારા જ રાહત આપી શકાય છે. જોકે, આ વર્ષની ઓફર્સની જાહેરાત થવાની બાકી છે. આઇફોન 13 સીરીઝનું વેચાણ ભારતમાં 24 સપ્ટેમ્બરથી શરૂ થશે.