કરીના કપુરથી લઈને વિદ્યા બાલન સુધી, આ અભિનેત્રીઓએ એજ અને બોડી શેમિંગ કરનારને આપ્યો હતો જડબાતોડ જવાબ

બૉલીવુડ ઇન્ડસ્ટ્રીમાં ઘણી અભિનેત્રીઓ એવી છે જેમને ટ્રોલર્સ દ્વારા બોડી શેમિંગ કે પછી એજ શેમિંગનો સામનો કરવો પડ્યો હોય, ઘણી અભિનેત્રીઓ આ બાબતો પર કઈ ખાસ ધ્યાન આપતી નથી પણ બોલીવુડમાં ઘણી અભિનેત્રીઓ એવી જે ટ્રોલર્સની આવી હરકત પર એમને જબરદસ્ત જવાબ આપીને બધાના મોઢા બંધ કરી દે છે. તો ચાલો આજે જાણી લઈએ બોલીવુડની એવી જ કેટલીક અભિનેત્રીઓ વિશે

ઐશ્વર્યા રાય બચ્ચન

જ્યારે ઐશ્વર્યા રાય બચ્ચન પ્રેગ્નન્ટ હતી ત્યારે તેને ખરાબ રીતે ટ્રોલ કરવામાં આવી હતી. આના પર તેના પતિ અભિષેક બચ્ચને ટ્રોલ કરનારાઓને જવાબ આપતા કહ્યું હતું કે, “હા, તે એક પબ્લિક ફિગર છે, પરંતુ લોકો ભૂલી જાય છે કે તે એક મહિલા પણ છે અને હવે એક માતા પણ છે. તમે બધા તમારી મર્યાદામાં રહો. હું ક્યારેય આવી વાત નહીં કરું. કોઈપણ સ્ત્રી માટે અને દેખીતી રીતે તે અન્ય કોઈને તેના વિશે આવું બોલવું યોગ્ય નથી.”

નેહા ધૂપિયા

અભિનેત્રી નેહા ધૂપિયા તેની પોસ્ટ પરની પ્રતિક્રિયાઓથી પ્રભાવિત નથી. જોકે તેણી કહે છે, “હું બોડી શેમિંગ અને એજ શેમિંગને એક મોટી સમસ્યા તરીકે જોઉં છું અને તેની સામે ઊભી છું. ફેટ-શેમિંગ માત્ર સેલેબ્સ માટે જ નહીં, પરંતુ દરેક માટે બંધ થવું જોઈએ.

વિદ્યા બાલન

અભિનેત્રી જીવનભર બોડી શેમિંગનો શિકાર રહી છે. આના પર તેણીએ એક વખત જવાબ આપતા કહ્યું હતું કે, “મને આખી જીંદગી હોર્મોનલ પ્રોબ્લેમ રહ્યો છે. તે કદાચ મારા શરીર માટે મેં લીધેલા નિર્ણયોને કારણે છે. જ્યારે હું નાની હતી, ત્યારે લોકો મને કહેતા કે, ‘તારો ચહેરો ઘણો સુંદર છે. તમે તમારું વજન કેમ ઘટાડતા નથી?

કરીના કપૂર ખાન

અભિનેતા અરબાઝ ખાનના ચેટ શોમાં, અભિનેત્રી કરીના કપૂરે ફોર્મેટ અનુસાર તેની કેટલીક સોશિયલ મીડિયા પોસ્ટની ટિપ્પણીઓ વાંચી. અભિનેત્રીની એક પોસ્ટ પર, એક યુઝરે લખ્યું, “તમારી ઉંમર પ્રમાણે કપડાં પહેરો”. બીજી તરફ અન્ય યુઝરે તેને આંટી પણ કહી હતી. આ અંગે કરીના કહે છે કે કેટલાક લોકો સેલેબ્સ સાથે સારો વ્યવહાર નથી કરતા. ફેમસ ચહેરો હોવાના કારણે અમારી લાગણીઓની કોઈને પરવા નથી અને અમે આ બધું સહન કરવા મજબૂર છીએ.