કાજોલની ફિલ્મ કુછ કુછ હોતા હે નો જાણીતો હેરબેન્ડ લુક અસલમાં હતો એક ભૂલ, 23 વર્ષ પછી કરણ જોહરે કર્યો ખુલાસો
કુછ કુછ હોતા હૈ’ ને ભલે આજે 23 વર્ષ થઈ ગયા છે. પરંતુ આજે પણ દર્શકોને આ ફિલ્મ અને રાહુલ-અંજલીના ડાયલોગ્સ યાદ છે. ‘કુછ કુછ હોતા હૈ’માં રાહુલનું પાત્ર શાહરૂખ ખાને ભજવ્યું હતું, જ્યારે કાજોલ અંજલીના રોલમાં જોવા મળી હતી.આ ફિલ્મના 23 વર્ષ પછી રણવીર સિંહના શો ‘ધ બિગ પિક્ચર’માં. મુલાકાતે આવેલા કરણ જોહરે ચોંકાવનારી વાત કરી હતી. ‘કુછ કુછ હોતા હૈ’માંથી કાજોલના ટૂંકા વાળવાળા ‘હેડબેન્ડ’ લુક વિશે ખુલાસો કર્યો હતો
ક્વિઝ દરમિયાન, કરણ જોહરે તેની ફિલ્મ ‘કુછ કુછ હોતા હૈ’ની ખાસ પળોને યાદ કરી, જ્યારે તે કાજોલ અને શાહરૂખ ખાન સાથે બોલિવૂડની કલ્ટ ક્લાસિક ‘કુછ કુછ હોતા હૈ’ માટે શૂટિંગ કરી રહ્યો હતો. પછી કાજોલને તેની વિગમાં કોઈ સમસ્યાને કારણે ફિલ્મમાં હેડબેન્ડ પહેરવું પડ્યું હતું અને તે સમયે તે લુક ખૂબ જ લોકપ્રિય બન્યો હતો. કરણે તેનો અંત એમ કહીને કર્યો કે “કેટલીક ભૂલો આઇકોનીક બની જાય છે”.
કરણ ‘કુછ કુછ હોતા હૈ’ના પ્રખ્યાત બાસ્કેટબોલ સીન વિશે પણ વાત કરતો જોવા મળશે અને તે કહેશે કે ફિલ્મ રિલીઝ થયા બાદ આ ગેમ મહિલાઓમાં ખૂબ જ લોકપ્રિય બની હતી. પછી રણવીર પણ ‘કુછ કુછ હોતા હૈ’ ના કેટલાક યાદગાર દ્રશ્યો ફરીથી બનાવવા માટે કાજોલ સાથે હૂપ્સની રમત રમતા જોવા મળશે.
તમને જણાવી દઈએ કે, કલર્સ ટીવીની ‘ધ બિગ પિક્ચર’ની પ્રથમ સીઝનમાં દર્શકોને કેટલીક અદ્ભુત પળોના સાક્ષી બનવાનો મોકો મળ્યો હતો. હવે આ શો તેના ગ્રાન્ડ ફિનાલે એપિસોડના સ્ટેજ પર પહોંચી ગયો છે. આ શોમાં, સુપરસ્ટાર રણવીર સિંહે તેના સ્ટેજ પર ઘણા મોટા સ્ટાર્સનું સ્વાગત કર્યું છે અને આ સિઝનના અંતને યાદગાર બનાવવા માટે રણવીર સિંહ બોલિવૂડ ગુરુ કરણ જોહર અને કાજોલનું ભવ્ય સ્વાગત કરતા જોવા મળશે.
ધ બિગ પિક્ચર’ના ફિનાલેમાં શોના ખાસ મહેમાનોનું પણ જોરશોરથી સ્વાગત કરવામાં આવશે. સૌ પ્રથમ, રણવીર એપિસોડની શરૂઆત કરતી વખતે કાજોલને સુંદર ગુલાબ આપીને તેનું ઉષ્માભર્યું સ્વાગત કરશે. કાજોલની એન્ટ્રીના થોડા સમય બાદ કરણ જોહર રિક્ષામાં સ્ટેજ પર આવીને અનોખી એન્ટ્રી કરીને બધાને ચોંકાવી દેશે. કરણની ફિલ્મોના દ્રશ્યોની જેમ રણવીર પણ તેનું ‘પૂજાની થાળી’થી સ્વાગત કરશે.