આલિયાના ફોટોગ્રાફર બન્યા રણબીર કપૂર, એક્ટ્રેસે શેર કર્યો આફ્રિકા વેકેશનના ફોટા

રણબીર કપૂર અને આલિયા ભટ્ટ તાજેતરમાં જ તેમના નવા વર્ષની ઉજવણી કરવા આફ્રિકાના સાહસિક પ્રવાસ પર ગયા હતા. નવા વર્ષ નિમિત્તે રણબીર કપૂર અને આલિયા ભટ્ટ બંને અહીં વાઈલ્ડલાઈફ સફારી માણવા ગયા હતા. આ સાથે બંનેએ અહીં ક્વોલિટી ટાઈમ પણ વિતાવ્યો હતો. આલિયા ભટ્ટએ તેની ટ્રિપની કેટલીક સુંદર તસવીરો શેર કરી છે અને તેની સાથે તેણે બોયફ્રેન્ડ રણબીર કપૂરનું નામ ન લેતા તેના માટે એક કેપ્શન પણ લખ્યું છે. આ તસવીરોમાં આલિયા ભટ્ટ હસતી ખૂબ જ સુંદર દેખાઈ રહી છે.

આલિયા ભટ્ટે તેના ઓફિશિયલ ઈન્સ્ટાગ્રામ પરથી શેર કરેલી તસવીરોમાં તેનો મેકઅપ વગરનો ક્યૂટ લુક જોવા મળી રહ્યો છે. આ સાથે આલિયા ભટ્ટએ રણબીર કપૂરનું નામ લીધા વગર કેપ્શનમાં લખ્યું, “તેના બોયફ્રેન્ડની ફોટોગ્રાફી સ્કિલ અજમાવી રહી છે”. આલિયા ભટ્ટ અને રણબીર કપૂર બંને સાથે ટ્રિપ પર ગયા છે. આવી સ્થિતિમાં, અનુમાન લગાવવું ખૂબ જ સરળ છે કે તેની આ તસવીરો રણબીર કપૂરે ક્લિક કરી છે

આ તસવીરમાં આલિયા ભટ્ટ હસતી ખૂબ જ ક્યૂટ દેખાઈ રહી છે. આમાં તેની નખરાં કરવાની સ્ટાઈલ જોવા મળે છે. ચાહકો પણ તેની તસવીરો પર પ્રેમ વરસાવી રહ્યા છે. એક યુઝરે લખ્યું, બોયફ્રેન્ડ પાસે ગર્લફ્રેન્ડ માટે ખાસ ફોટોગ્રાફી સ્કિલ છે. તો અન્ય એક યુઝરે પણ લખ્યું કે, “કોઈ આટલું સુંદર કેવી રીતે હોઈ શકે”! તેવી જ રીતે, ચાહકો હાર્ટ ઇમોજી સાથે કમેન્ટ કરી રહ્યા છે.

આલિયા ભટ્ટએ થોડા દિવસો પહેલા એક પોસ્ટ કરીને માહિતી આપી હતી કે તે નવા વર્ષ પર રણબીર કપૂર સાથે આફ્રિકામાં રજાઓ માણી રહી છે. આ સાથે તેણે તેની ટ્રિપની તસવીરો પણ શેર કરી અને તેના ચાહકોને નવા વર્ષની શુભેચ્છા પાઠવી. રણબીર કપૂર અને આલિયા ભટ્ટ ક્યૂટ કપલ ગોલ આપે છે. આ બંને ઘણીવાર સાથે જોવા મળે છે.

જો વર્ક ફ્રન્ટની વાત કરીએ તો આલિયા ભટ્ટ હાલમાં તેની આગામી ફિલ્મ RRRને લઈને ચર્ચામાં છે. આ સિવાય રણબીર કપૂર અને આલિયા ભટ્ટ મોસ્ટ અવેટેડ ફિલ્મ ‘બ્રહ્માસ્ત્ર’માં સાથે જોવા મળવાના છે. આ ફિલ્મનો ફર્સ્ટ લૂક રિલીઝ થઈ ગયો છે, જેને ખૂબ પસંદ કરવામાં આવી રહ્યો છે. આ આલિયા ભટ્ટ અને રણબીર કપૂરની આ એકસાથે પહેલી ફિલ્મ છે. તેવો લાંબા સમયથી એકબીજાને ડેટ કરી રહ્યા છે અને હવે આ વર્ષે એમના લગ્નની અટકળો પણ સામે આવી રહી છે