પેટ્રોલ-ડીઝલના નવા ભાવ જાહેર, જાણો તમારા શહેરના નવા ભાવ
દેશમાં પેટ્રોલ-ડીઝલના ભાવમાં સતત વધારો જોવા મળી રહ્યો છે. છેલ્લા 11 દિવસમાં ઓઇલ માર્કેટિંગ કંપનીઓએ દેશમાં આઠ દિવસ સુધી પેટ્રોલ અને ડીઝલના ભાવમાં વધારો કર્યો છે. જો કે, 4 ઓક્ટોબર, 2021, સોમવારે આજે દેશમાં તેલના ભાવમાં કોઈ ફેરફાર થયો નથી. તમને જણાવી દઈએ કે આ આઠ દિવસમાં ડીઝલ 2 રૂપિયા પ્રતિ લીટર અને પેટ્રોલ 1 રૂપિયા પ્રતિ લીટર મોંઘુ થયું છે. હાલમાં રવિવારે, સતત ચોથા દિવસે તેલના ભાવમાં વધારો કરવામાં આવ્યો હતો. પેટ્રોલમાં 25 પૈસા જ્યારે ડીઝલમાં 30 પૈસા પ્રતિ લીટરનો વધારો થયો છે.
જો આપણે ક્રૂડ ઓઇલની વાત કરીએ તો તે પ્રતિ બેરલ 78 ડોલરની આસપાસ ચાલી રહ્યું છે. આંતરરાષ્ટ્રીય ઓઇલ સ્ટાન્ડર્ડ બ્રેન્ટ ક્રૂડ અગાઉના ટ્રેડિંગ સેશનમાં 0.47 ટકા ઘટીને 77.94 ડોલર પ્રતિ બેરલ થયું હતું. ક્રૂડ ઓઈલની વધતી કિંમતોને કારણે દેશમાં ઘરેલુ કિંમતોએ લોકોની હાલત ખરાબ કરી છે. પરંતુ ઉંચા ભાવોનું એક કારણ કેન્દ્ર અને રાજ્ય સરકારો દ્વારા ઉંચા કરવેરા પણ છે. ચાલો જોઈએ કે આજે જુદા જુદા શહેરોમાં તેલના ભાવ શું છે.
આજના ભાવ શું છે?
- દિલ્હી: પેટ્રોલ – રૂપિયા 102.39 પ્રતિ લિટર; ડીઝલ – રૂપિયા 90.77 પ્રતિ લિટર
- મુંબઈ: પેટ્રોલ – રૂપિયા 108.43 પ્રતિ લિટર; ડીઝલ – રૂપિયા 98.48 પ્રતિ લિટર
- કોલકાતા: પેટ્રોલ – રૂપિયા 103.07 પ્રતિ લિટર; ડીઝલ – રૂપિયા 93.87 પ્રતિ લિટર
- ચેન્નઈ: પેટ્રોલ – 100.01 રૂપિયા પ્રતિ લિટર; ડીઝલ – રૂપિયા 95.31 પ્રતિ લિટર
- બેંગલુરુ: પેટ્રોલ – રૂપિયા 105.95 પ્રતિ લિટર; ડીઝલ – રૂપિયા 96.34 પ્રતિ લિટર
- ભોપાલ: પેટ્રોલ – રૂપિયા 110.88 પ્રતિ લિટર; ડીઝલ – રૂપિયા 99.73 પ્રતિ લિટર
- લખનઉ: પેટ્રોલ – 98.99 રૂપિયા પ્રતિ લીટર, ડીઝલ – 90.69 રૂપિયા પ્રતિ લિટર
- પટના: પેટ્રોલ – રૂપિયા 105.24 પ્રતિ લિટર; ડીઝલ – રૂપિયા 97.10 પ્રતિ લિટર
- ચંદીગઢ: પેટ્રોલ – રૂપિયા 98.56 પ્રતિ લિટર; ડીઝલ – 90.50 રૂપિયા પ્રતિ લિટર
તમારા શહેરમાં પેટ્રોલ અને ડીઝલની કિંમત આ રીતે ચેક કરો
દેશમાં દરરોજ સવારે 6 વાગ્યે ઈંધણ તેલના નવા ભાવ બહાર પાડવામાં આવે છે અને તમે તમારા ફોન પરથી એક SMS દ્વારા પેટ્રોલ અને ડીઝલના ભાવ જાણી શકો છો. આ માટે તમે ઇન્ડિયન ઓઇલ એસએમએસ સેવા હેઠળ મોબાઇલ નંબર 9224992249 પર એસએમએસ મોકલી શકો છો. તમારો મેસેજ કંઈક આના જેવો હશે – RSP પેટ્રોલ પંપ ડીલર કોડ. તમારા વિસ્તારનો RSP તમે સાઇટની જઈને ચકાસી શકો છો. આ મેસેજ મોકલ્યા પછી, તમારા ફોનમાં નવીનતમ ઇંધણની કિંમત વિશે માહિતી આવશે.
