રાશન કાર્ડની મદદથી મળે છે આ મોટા ફાયદા, જાણી લો તેને બનાવડાવવાના સરળ સ્ટેપ્સ

આજના સમયમાં રેશનકાર્ડ એક આવશ્યક દસ્તાવેજ છે. તમારા સમગ્ર પરિવારની માહિતી રેશન કાર્ડ પર છે. લોકોને રેશનકાર્ડ દ્વારા રાશન પણ મળે છે. રેશનકાર્ડ બે પ્રકારના હોય છે. તો ચાલો અમે તમને રેશન કાર્ડ વિષે સંપૂર્ણ માહિતી આપીએ અને તમે કેવી રીતે સરળતાથી રેશન કાર્ડ બનાવી શકો છો. તે પણ જણાવીએ…..

કેવી રીતે અરજી કરવી

1 રેશનકાર્ડ બનાવવા માટે અરજી ફોર્મ ઓફિસ અથવા નજીકના રેશનકાર્ડ કચેરીમાંથી લઈ શકાય છે અથવા ખાદ્ય પુરવઠા અને ગ્રાહક વિભાગની સત્તાવાર વેબસાઈટ અથવા રાજ્યની વેબસાઈટ પરથી પણ ડાઉનલોડ કરી શકાય છે.

2 રેશનકાર્ડ માટે, તે જરૂરી છે કે તમે જે રાજ્યમાં હોવ ત્યાંની વેબસાઇટ પર રેશનકાર્ડ માટે અરજી કરી શકો.

3 રેશનકાર્ડ 2 પ્રકારના હોય છે. પ્રથમ, રેશનકાર્ડ ગરીબી રેખા નીચે જીવતા લોકો માટે અને બીજું ગરીબી રેખાથી ઉપર રહેતા લોકો માટે બનાવવામાં આવે છે. તમે જે પણ કેટેગરીમાં આવો છો તેના આધારે તમે રેશનકાર્ડ મેળવી શકો છો. ઉદાહરણ તરીકે, તમે https://nfsa.gov.in/portal/apply_ration_card ની વેબસાઈટ પર જઈને રેશનકાર્ડ મેળવી શકો છો.

4 હવે તેમાં રેશન કાર્ડ માટે માહિતી ભરો. માહિતીને યોગ્ય રીતે ભરો કારણ કે જો તમે તેને ખોટી રીતે ભરો છો, તો વિગતો પણ ખોટી હશે. હવે તેની સાથે દસ્તાવેજો જોડો.

5 અરજી ફોર્મ સાથે તમામ દસ્તાવેજો જોડો અને જરૂરી અરજી ફી ચૂકવો. જો તમે BPL / AAE કાર્ડ માટે અરજી કરી હોય તો તમારે આવકનો પુરાવો આપવો પડશે.

6 આ અરજી નજીકની ઓફિસમાં સબમિટ કરો. ત્યારબાદ રેશન કાર્ડ 15 દિવસ પછી તમારા ઘરે આવશે.

7 ભારતનો નાગરિક રેશનકાર્ડ બનાવી શકે છે.

8 તમે ડ્રાઈવિંગ લાયસન્સ, આધાર કાર્ડ, કર્મચારી આઈડી કાર્ડ, મતદાર આઈડી કાર્ડ દ્વારા સરળતાથી તમારું રેશન કાર્ડ બનાવી શકો છો.

ઘરે બેઠા રેશન કાર્ડ કેવી રીતે ડાઉનલોડ કરવું તે અહીં જાણો.

1: આ માટે, તમારે પહેલા સરકારના ખાદ્ય, પુરવઠા અને ગ્રાહક બાબતોના વિભાગની સત્તાવાર વેબસાઇટ પર જવું પડશે. તમે આ લિંક https://nfs.delhi.gov.in/ પર ક્લિક કરીને સીધી સાઈટ એક્સેસ કરી શકો છો.

2: હોમપેજ પર, તમને ‘સિટીઝન કોર્નર’ વિભાગ મળશે, અહીં તમને “ઈ-રેશન કાર્ડ મેળવો” નો વિકલ્પ દેખાશે, તેના પર ક્લિક કરો.

3: આ પછી એક પેજ ખુલશે જ્યાં તમને રેશન કાર્ડ નંબર, પરિવારના વડાનું નામ, પરિવારના વડાનો આધાર કાર્ડ નંબર, જન્મ તારીખ અને રજિસ્ટર્ડ મોબાઇલ નંબર જેવી વિગતો માટે પૂછવામાં આવશે. તેને ભર્યા પછી, તમારે કન્ટિન્યુ પર ક્લિક કરવાનું રહેશે.

4: આ પછી વપરાશકર્તાને રજિસ્ટર્ડ મોબાઇલ નંબર પર OTP પ્રાપ્ત થશે. ત્યારે OTP અને આધાર નંબર દાખલ કરો.

5: પ્રક્રિયા પૂર્ણ થયા પછી, તમે તમારી સ્ક્રીન પર ઈ-રેશન કાર્ડ જોશો. તમે ડાઉનલોડ ઓપ્શન પર ક્લિક કરીને પીડીએફ સ્વરૂપે રાશનકાર્ડ ડાઉનલોડ કરી શકો છો.