જાણો કેટલી છે સારા અલી ખાનની સંપત્તિ? દર વર્ષે કમાય છે આટલા કરોડ રૂપિયા
શું તમે જાણો છો કે બોલિવૂડ અભિનેત્રી સારા અલી ખાનની કુલ સંપત્તિ કેટલી છે? તે દર વર્ષે કેટલી કમાણી કરે છે? તેમની પાસે કઈ કાર છે? એક રિપોર્ટ અનુસાર સારા અલી ખાનની કુલ સંપત્તિ લગભગ 22 કરોડ રૂપિયા છે. અભિનેત્રી સારા અલી ખાન દર વર્ષે 6 કરોડ રૂપિયાની કમાણી કરે છે.
સારા અલી ખાન બોલિવૂડમાં તેના લુક અને સ્ટાઈલ માટે જાણીતી છે. તેની કમાણીનો સ્ત્રોત ફિલ્મો અને બ્રાન્ડ એન્ડોર્સમેન્ટ દ્વારા છે. એવું કહેવાય છે કે તે દરેક બ્રાન્ડ પાસેથી લગભગ 50-60 લાખ રૂપિયા ચાર્જ કરે છે. રિપોર્ટ અનુસાર સારા અલી ખાન એક ફિલ્મ માટે લગભગ 3 કરોડ રૂપિયા ચાર્જ કરે છે. એવું પણ કહેવાય છે કે સારા અલી ખાને વર્ષ 2018માં પોતાની કારકિર્દીની શરૂઆત કરી ત્યારથી તેની સંપત્તિમાં 240 ટકાનો વધારો થયો છે. સારા અલી ખાન બ્રાન્ડ એન્ડોર્સમેન્ટ દ્વારા દર મહિને 30 લાખ રૂપિયા કમાય છે.
સારા અલી ખાન પાસે મર્સિડીઝ, BMW અને રેન્જ રોવર સહિત ઘણી લક્ઝરી કાર છે. રિપોર્ટ અનુસાર, સારા અલી ખાન પાસે 1 કરોડ રૂપિયાની મર્સિડીઝ બેન્ઝ GLE છે. તેની પાસે BMW 520d લક્ઝરી કાર પણ છે. ઉલ્લેખનીય છે કે સારા અલી ખાન સોશિયલ મીડિયા પર પણ ખૂબ એક્ટિવ છે. તે અવારનવાર ઈન્સ્ટાગ્રામ પર તેના ફોટા અને વીડિયો શેર કરતી રહે છે. તેની ફિલ્મ અતરંગી રે રિલીઝ થવાની છે. જેની તેના ફેન્સ આતુરતાથી રાહ જોઈ રહ્યા છે. આ ફિલ્મમાં ધનુષ અને અક્ષય કુમાર પણ છે.
આ ફિલ્મ 24મી ડિસેમ્બરે રિલીઝ થઈ રહી છે. ફિલ્મમાં સારા અલી ખાને એક છોકરીનું પાત્ર ભજવ્યું છે જે તેના પતિ અને બોયફ્રેન્ડ બંનેના પ્રેમમાં છે. આ ફિલ્મ આનંદ એલ રાય દ્વારા નિર્દેશિત છે. ફિલ્મમાં સારાનો કો-સ્ટાર ધનુષ પણ તેના વખાણ કરતા થાકતો નથી. તાજેતરમાં જ ધનુષે કહ્યું હતું કે સારાને શીખવાની અને આગળ વધવાની ભૂખ છે. સારા અલી ખાને સિમ્બા, કેદારનાથ, કુલી નંબર 1 અને લવ આજ કલ જેવી ફિલ્મોમાં કામ કર્યું છે.
તમને જણાવી દઈએ કે સારા અલી ખાને જ્યારે ફિલ્મી દુનિયામાં પગ મૂક્યો ત્યારે તે ખૂબ જ હેલ્ધી હતી. તે અવારનવાર પોતાની તસવીરો સોશિયલ મીડિયા પર શેર કરતી રહે છે. સારા અલી ખાનમાં આવેલો આ બદલાવ તેના ચાહકોને ખૂબ પસંદ આવ્યો હતો. આજના સમયમાં સારા અલી ખાન ફિલ્મી દુનિયાના મોટા સ્ટાર્સ સાથે કામ કરી રહી છે.
