સલમાન ખાને સોનાક્ષી સિન્હા સાથે કરી લીધા લગ્ન? વાયરલ થઈ રહ્યો છે ફોટો, આ છે હકીકત

અભિનેતા સલમાન ખાન બોલિવૂડનો મોસ્ટ એલિજેબલ બેચલર છે. સલમાનના ફેન્સ તેના લગ્નને લઈને ખૂબ જ ઉત્સાહિત છે. હવે સલમાનના લગ્નની એક તસવીર વાયરલ થઈ રહી છે. જેમાં એવું કહેવામાં આવી રહ્યું છે કે સલમાને સોનાક્ષી સિન્હા સાથે લગ્ન કરી લીધા છે. તસવીરમાં સલમાન ખાન અને સોનાક્ષી સિંહા નજરે પડે છે. તો સિંદૂર સોનાક્ષીની માંગમાં જોવા મળે છે. આવો અમે તમને સલમાન ખાનના લગ્નની તસવીરોનું સત્ય જણાવીએ.

સલમાન ખાન અને સોનાક્ષી સિન્હાની તસવીરો ઝડપથી વાયરલ થઈ રહી છે. કહેવામાં આવી રહ્યું છે કે બંનેએ ગુપચુપ લગ્ન કરી લીધા હતા. જોકે, આ તસવીરો ફોટોશોપ કરવામાં આવી છે. સલમાન ખાન અને સોનાક્ષી સિન્હાએ લગ્ન કર્યા નથી. સલમાન ખાન પોતાની જાતને સિંગલ ગણાવતો રહ્યો છે પરંતુ તે ઘણીવાર તેની મિત્ર યુલિયા વંતુર સાથે જોવા મળે છે. આથી એવી અટકળો ચાલી રહી છે કે સલમાન ખાન અને યૂલિયા રિલેશનશિપમાં છે.

તો સોનાક્ષી સિન્હાનું નામ ઝહીર ઇકબાલ સાથે જોડવામાં આવી રહ્યું છે. જોકે, સોનાક્ષી સિન્હાએ ઝહીર સાથેના સંબંધોને નકારી કાઢ્યા છે. દબંગ ગર્લ તેના એક ઈન્ટરવ્યુમાં જણાવ્યું હતું કે તે ઝહીર સાથે રિલેશનશિપમાં નથી. ઝહીર માત્ર તેનો સારો મિત્ર છે. જ્યારે બંને કોઈ બીજા સાથે રિલેશનશિપમાં છે ત્યારે આ શરારત કોઈ ફેન્સે કરી હશે

તમને જણાવી દઈએ કે સલમાન ખાને બિગ બોસ 15માં ઈશારો કર્યો હતો કે તે રિલેશનશિપમાં છે. ત્યારથી ફેન્સ તેમના લગ્નની આતુરતાથી રાહ જોઈ રહ્યા છે. યૂલિયા પહેલા સલમાન ખાન ઘણી અભિનેત્રીઓ સાથે રિલેશનશિપમાં રહ્યો છે. જેમાં ઐશ્વર્યા રાયનું નામ ટોપ પર આવે છે. તે પછી કેટરીના કૈફ સલમાન ખાન, ઝરીન ખાન, જેકલીન ફર્નાન્ડીઝ સાથે જોડાઈ છે.

સલમાન ખાનના વર્કફ્રન્ટ વિશે વાત કરીએ તો, તાજેતરમાં જ તે દુબઈ ગયો હતો, જ્યાં સલમાન ખાને ‘ધ બેંગ ધ ટૂર-રીલોડેડ’માં સાઈ માંજરેકર, સોનાક્ષી સિંહા સહિત ઘણા સ્ટાર્સ સાથે પરફોર્મ કર્યું હતું. આ પ્રસંગના ઘણા વીડિયો સોશિયલ મીડિયા પર જોરદાર વાયરલ થયા હતા. જોકે, હવે સલમાન ખાન શો પૂરો કરીને મુંબઈ પરત ફર્યો છે. અભિનેતા ગઈકાલે રાત્રે મુંબઈ એરપોર્ટ પર જોવા મળ્યો હતો.